Mark 10:32–52

Marcos 10:32-52

Introduction…

• Marcos – ang Maayong Balita para sa mga Gentil – nagapakita nga si Jesus naga-alagad sa tanan – Marcos 10:45
• Marcos 1:1 – 6:56 – Ang Pangalagdan ni Jesus sa Galilea…
• Marcos 7:1-8:21… Pagpakigbais sa mga lideres sang relehiyon– Pag-biya sa Galilea
• Marcos 8:22-9:29… Paghayag nga si Jesus amo ang Cristo…
• Marcos 9:30-50… Sin-o ang Labing-maayo…
  • Sang nagapakadto sa Capernaum, ang mga disipulo nagabinaisay – Sin-o ang labing-daku
  • 1^st – Ang labing-daku tagapangalagad sang tanan
  • 2^nd – Ang labing-dahu ka-angay sang isa ka bata – simple ang pagtuo sa Amay – wala sang dako nga handom
  • Marcos 10:1-16 –Ang Plano sang Dios sa Pag-asawahay…
  • Naglipas ang 6 ka bulan – sinemana na lang kag matabo na ang krus– Amo na ini ang umpisa sang katapusan nga pagbiyahe ni Jesus sa Jerusalem
  • Nagpalapit na naman ang mga Pariseo para testingan si Jesus – ‘Pwede bala bulagan sang bana ang iya asawa?’
  • Ang pag-asawahay ginatuyo nga magpadayon sa bug-os nga kabuhi – Genesis 1:27, 2:24
  • Marcos 10:17-31 – ano ang himoon ko para makasulod sa langit…
  • May isa ka gamhanan kag manggaranon nga pamatan-on ang nagpalapit kay Jesus kag namangkot kun ano ang “maayo nga butang” ang himoon para makapa langit…
    • Gin hatagan ni Jesus sang kahulugan ang tinaga nga ‘Maayo” nga kaangay sang Dios – kinahanglan mo nga mangin perfecto para makasulod sa langit!
    • Naghatag si Jesus sang 6 sa 10 ka mga kasuguan para nga magpamatuod nga indi kita “maayo” – ‘halin sa aton pagkabata …’
    • Isa ka butang lang ang kulang sa imo – ibaligya ang tanan nga gamit mo kag ihatag sa imol – kag magsunod sa akon…
    • Ang1^st nga kasuguan- wala na sang iban nga diyos – nagpalayo ang manggaranon nga pwerte ka subo
  • Ano ka budlay para sa isa ka manggaranon nga pamatan-on (isa nga nagasalig sa iya manggad) para makasulod sa langit…
    • Mas madali pa para sa isa ka kamelyo nga makasulod sa buho sang dagom…
    • Nakugmat gid ang mga disipulo! – ‘Sin-o na lang karon ang pwede nga maluwas’ – kag makapa langit
    • Imposible para sa tawo! – pero para sa Dios posible ang tanan nga butang!
  • Ang Katapusan nga paglakbay pakadto sa Jerusalem… vs. 32-34
  • Sang nagapakadto sila sa Jerusalem, gintipon ni Jesus ang 12 ka disipulo…
  • Nahibal-an ni Jesus nga ini na ang ulihi niya nga pagkadto sa Jerusalem – Nahibal-an niya nga malapit na ang tyempo niya
    • Malakat siya sa Jerusalem para sa Paskuwa – Makadto siya sa krus…
    • Maathag siguro sa iya nawong nga desidido gid Siya – nagsunod ang mga disipulo nga may ‘Pag-tingala kag kakulba’…
    • Duwa na ka bes nga ginpa-athag ni Jesus ang krus – Marcos 8:31 / Marcos 9:31…
    • Lucas 18:34 – “Pero wala gid makaintiendi ang mga apostoles kon ano ang buot silingon ni Jesus, kay ginlipod sa ila ang kahulugan sang iya ginhambal.”
  • Sa liwat, ginhatagan na naman ni Jesus ang iya mga disipulo sang detalyado nga paghimay-himay sang mga paalabuton nga mga hitabo…
    • Itugyan siya (Judas) sa mga kamot sang mga hepe nga mga pari kag mga escribo
    • Ikondenar nila si Jesus sa kamatayon – pero wala sila sang tugot nga maghatag sang silot nga kamatayon
    • Ginsaylo sang mga lideres si Jesus sa mga Gentil (Pontius Pilate)
    • Ginyaguta Siya sang mga Gentil (Tunokon nga korona – ginbunal Siya – ginbutong Iya bungot)
    • Ginlatigo Siya – brutal nga pamaagi sang mga Romano para makakuha sang pagtu-ad…
    • Dayon ilansang si Jesus sa krus – ang pinakabrutal nga kamatayon…
    • KAG sa 3^rd nga adlaw – mabangon liwat – ang Pagkabanhaw!
  • Bisan nahibaloan niya ang mga matabo nga kabudlayan nga maagyan niya – desidido lang siya gihapon nga magkadto!
    • Kun nabal-an mo nga kun may sugiran ka nahanungod sa kay Jesus, yagutaon ka lang, buntalon kag patyon
    • Madayon ka pa … sobra gid siguro ang paghigugma mo sa tawo nga ina para nga batonon mo ina nga sakripisyo
    • Ara sa kabubuton ni Jesus nga magkadto sa Jerusalem – maagi sa makakulugmat nga pag-antos kag mapatay – bangod nga ginahigugma niya kita!
    • Juan 15:13 – “ Kon may tawo nga desidido nga mapatay para sa iya mga abyan, ina nga paghigugma indi na gid malabawan.”
    • Basi handa man kita nga magtaya sang aton kabuhi para sa mga pinalangga ta…
    • Pero ginahigugma gid kita ni Jesus kay handa gid siya nga magpakamatay para sa aton bisan pa sang makasasala pa kita!
    • Romans 5:8 – “Pero si Cristo nagpanginmatay para sa aton bisan sang mga makasasala pa kita. Sa sini nga paagi ginpakita sang Dios ang iya paghigugma sa aton.”
  • Ang labing-daku sa kaharian… (3 ka butang) vs. 35-45
• 1^st – Ang pangabay – ‘Ihatag sa akon ang gusto ko’… vs. 35-37
  • Si Santiago kag si Juan nagpalapit kay Jesus para mamangkot (sa tuod lang mangayo pabor)…
    • Gusto nila nga ihatag ni Jesus sa ila ang ‘bisan ano nga ginapangayo nila’ – antes pa nila ginhambal sa iya kun ano ang gusto nila
    • Kaangay sang isa ka bata nga nakabalo nga ang sabat sa pamangkot indi – nakahibalo nga indi husto nga magpamangkot
    • Una ayuon sa imo nga magsiling ka ‘Oo’ – blank check – para nga mapilitan ka nga maghatag sang iya nga ginpangayo
  • Maalamon nga ginpamangkot anay ni Jesus ‘Ano ang gusto nyo himoon ko para sa inyo?’…
    • Pasugtan (Imperative) sila makapungko sa wala kag sa too ni Jesus sa Iya nga Himaya (Kaharian)
      • Ayhan nagabalik sa ginsiling ni Jesus sa kay Pedro sa Mateo 19:28…
      • Mateo 19:28 – “Nagsiling si Jesus sa ila, “Sa pagkamatuod, magaabot ang adlaw nga bag-uhon sang Dios ang kalibutan, kag ako nga Anak sang Tawo magapungko sa akon trono agod maghari. Sa sina nga adlaw, kamo nga nagsunod sa akon magapungko sa dose ka trono agod hukman ninyo ang dose ka tribo sang Israel.”
      • Indi nila gusto nga magpungko sa trono lang – kundi sa duwa ka pinaka-maayo nga trono!
    • Indi ini ang una nga kahigayunan nga nagbais sila tuhoy sa kon sin-o ang labing-daku… Mateo 18:1
      • Madali naton nga mahukman si Santiago kag si Juan – pero pareho man kita sa ila
      • Siguro na-apyaran mo man nga ang Bibliya pirme ginaliwat-liwat ang mensahe
      • Ang isa ka mensahe nga gindul-ong sa malain-lain nga mga paagi (e.g. – Pangitaon si Jesus anay)
      • Ang rason – kay masami indi naton maintindihan sa una nga bes
      • Liwat-liwat nga ginasugiran kita sang Bibliya sa paglaum nga aton maintiendehan kag magpati
• 2^nd – Ang sabat – ‘wala kamo kabalo kon ano ang inyo ginapangayo’… vs. 38-41
  • May ara bala kamo pwersa (dumami) nga mag-inom sa tasa ko – magbatas sang Akon Bawtismo…
    • Ang tasa ni Jesus – amo ang krus…
      • Mateo 26:42 – “Naglakat liwat si Jesus sa ulo-unhan kag nagpangamuyo, “Amay, kon kinahanglan nga atubangon ko ang pag-antos nga ini, ang imo kabubut-on amo ang matuman.”
      • Ang tasa amo ang laragway sang kaakig sang Dios batok sa kasalanan sang kalibutan
      • May hustisya ang Dios – kag dapat may hustisya para sa sala – ang isa lang gid ka kabayaran sa sala amo ang kamatayon
      • Amo na nga ginbaton ni Jesus ang tasa sang kaakig sang Dios kag ginbayaran niya ang kabayaran para sa aton sala!
    • Ang Bawtismo – amo ang Iya kamatayon – ang bawtismo laragway sang kamatayon kag pagbanhaw…
      • Roma 6:3 – “Nakahibalo kamo nga sang pagbautiso sa aton sa paghiusa kay Jesu-Cristo nagakahulugan nga kaupod man kita sa iya kamatayon?”
      • Ang pagpaidalom sa tubig laragway sang pagkapatay kag paglubong…
      • Ang pagbutwa sa tubig laragway sang pagbun-ag liwat sa bag-o nga kabuhi!
      • Nalansang si Jesus sa krus – kag nagbanhaw – amo na ang Iya bawtismo
  • Ang maisog nga sabat ni Santiago kag ni Juan…
    • Masarangan namon – handa sila sa bisan ano man nga paghangkat – kag sa duwa ka pinaka-maayo nga trono!
    • Nag-ugyon si Jesus – maka-inom man gid sila sa Iya tasa kag maagyan ang Iya nga Bawtismo
      • Sa matuod lang wala sila kahangop kon ano ang kahulugan – wala sila naka-intiende
        • Sa ila pamensar nga maka-upod sila inom kay Jesus(fiesta ayhan)
        • Kag makatilaw man sila sang manami nga pagpaligo – Bawtismo (sa Suba sang Jordan siguro)
      • Ang buot silingon ni Jesus amo nga pareho sila nga duwa mapatay bilang mga martir…
        • Una gid nga Apostol nga ginpatay si Santiago – Binuhatan 12:2
        • Si Juan ang ulihi gid nga Apostol nga napatay – sa prisohan sa Patmos
      • Kita tanan gusto mangin tawo nga importante – sin-o gusto nga mangin waay-waay…
        • Pero kalabanan sa aton wala kahibalo sang balor sang mangin labing -daku
        • Nagsiling si Jesus sa Iya nga mga disipulo – buhata ang inyo mga krus – Marcos 8:34
        • Ang balor sang mangin labing-daku amo ang magkabuhi ka, ihatag mo ang imo kabuhi, Kay Jesus kag sa iban!
    • Pero ang magpungko sa Iya too kag wala indi si Jesus ang makahatag…
      • Sang nabatian sang iban nga 10 ka disipulo ang ini nga sugilanon – naakig gid sila!
      • Imo siguro nga mahunahuna – nga ma-abtik gid si Santiago kag si Juan…
      • Gina-usar nila ang pagkaparentehanay para maka abanse sa Kaharian!
      • Kun sin-o ang mga kilala mo– indi dapat mangin basihan sa Kaharian sang Dios – sa simbahan
      • Kun may paboritismo bangod sa “kun sin-o ang imo kilala”- nagadala sang pagbinahinbahin – kaakig – kag ilinaway
      • Santiago 2:1 – “Mga utod ko, bilang mga tumuluo sang aton makagagahom nga Ginoong Jesu-Cristo, dapat wala kita pinilian sa aton pagtratar sa aton isigkatawo.”
• 3^rd – Ang Rason – ‘Ang Makagahom sang mga Gentil’… vs. 42-45
  • Nakabalo kamo nga ang mga nagakabig sa ila mga kaugalingon nga makagahom sa mga Gentil – Nagapangibabaw gid sa ila…
    • Ginahatagan lang ni Jesus sang punto ang isa ka butang – nga nahibaloan na sang mga disipulo kag sang tanan
    • Sa kalibutan – ang mga “Labing-daku” – nagakapyot sang tanan nga awtoridad – kag masami gina-abuso
    • Sa lugar sang trabaho – ang mga may poder – nagamando sa iban kun ano ila ubrahon
    • Sa gobyerno – ang may poder – nagadikta sa tanan kon ano ang ubrahon
  • Indi dapat nga amo man sina sa inyo…
    • Gintuhay ni Jesus ang kalibutan sa Kaharian sang Langit…
    • Para mangin “labing-daku”sa Kaharian sang Dios – dapat nga mangin alagad ka (Deakono)
      • Deakono – ang nagapangalagad sa mga kinahanglanon sang paghiliupod
      • Para mangin labing-dako sa Kaharian amo ang pag-alagad sa iban – Binhatan 6 (Steven, Phillip)
      • Kon gusto mo mangin :Labing-daku”’ – pulota ang basura / limpyohi ang lamesa / mag-ilis sang lampin…
      • Ang pagka labing-daku para sa aton amo ang manggad /poder / impluwensya / may madamo nga mga sulugoon
      • Indi ang tawo nga naga haboy sang basura / nagapaninlo / ina ang sulugoon!
      • Pwede ta siya tawgon nga “alalay” – pero ang tawag sang Dios sa iya “Labing-daku”
    • Kon gusto mo mangin una (ang labing-daku sa tanan) – mangin ulipon ka (Doulos)
      • Ginkabig ni Apostol Pablo ang iya kaugalingon nga ulipon (Doulos) – Roma 1:1
      • Ang maghandom nga mangin Lider sa Kaharian sang Dios – ang labing-daku – mangin sulugoon sang TANAN
      • Ang pagpamuno sa simbahan indi dapat mangin kaangay sang pagpamuno sa kalibutan
      • Dapat kabaliktaran! – Ang nagapamuno sang simbahan wala nagadikta sa iban kon ano ang obrahon
      • Ang lider amo ang nagakabuhi para mag-alagad (ulipon) sang tanan
      • Mas nangin “labing-daku”ka sa Kaharian sang Dios – mas naging tagapangalagad ikaw
  • Ang “Labing-daku”sa tanan nga mga alagad – amo si Jesu Cristo…
    • May derecho gid Siya nga alagaron siya – Dios nga Makagagahom Siya!
    • Sa baylo nagkari Siya para mag-alagad – kag maghatag sang Iya kabuhi bilang gawad para sa madamo…
    • Gawad – presyo nga ginabayad para magbakal sang ulipon / tanan kita mga ulipon sang sala – Roma 6:18
    • Ang presyo sang ginbayad ni Jesus para maluwas kita – amo ang Iya kabuhi….
    • Ginhatagan kita ni Jesus sang ehemplo sang pagka labing-daku sang Dios – Ang paghatag sang imo kabuhi para sa iban!
  • Pagpamangkot sang husto nga pamangkot… vs. 46-52
  • Si Bartimaeus nga bulag…
  • Sang nagapadulong sila sa Jericho…
    • Bag-ong Jericho sa tupad sang guba nga syudad nga ginsakop ni Joshua sang pagsakop niya sa Israel
      • Malaba nga alagyan kun maghalin ka sa Galilea – malabay sa Jordan – padulong sa Jerusalem
      • Madamo nga katawhan ang mga nagsunod sa ila…
      • Basi amo man nga mga katawhan nga nagapadulong sa Jerusalem para sa Paskwa
    • Duwa ka bulag nga tawo ang nagapungko sa dalan kag nagapangalimos – Bar-timaeus – “bata sang di-matinlo”…
      • Mateo 20:30 – nagasiling nga may duwa ka bulag – pero si Bartimaues lang ang naghambal…
      • Amo ni sila ang mga tawo nga wala ginasapak – manuglimos nga mga bulag nga nagapungko sa kilid sang dalan
      • Mga ginsikway – ang indi importante – Mga tawo nga wala gid mataupangdan – wala kapuslanan…
  • Kaluy-I ako – Anak ni David…
    • Nakabati sila nga si Jesus malabay – amo ini ang iya isa ka tsansa nga maayo
    • Ginatawag niya si Jesus – ang kadam-an nagasiling sa iya nga maghipos!
    • Apang nagtunog pa gid ang pagpanawag niya…
    • Basi kaangay ka man kay Bartimaeus– indi sigurado kon importante ka – waay ka man ginasapak…
    • Bulag – indi mo makit-an kun diin nagapadulong ang kabuhi – wala ka kabalo kun diin ka pakadto…
    • Manawag ka kay Jesus – pangayua sa iya nga maghikot Siya sa imo kabuhi – buligan ka nga makakita!
    • May ara nga hambalan ka nga maghipos – “sino ka para magsugilanon kay Jesus”
    • Basi magsiling sila nga si Jesus para lang sa mga importante nga tawo – indi para sa imo
    • Tuduhi pa gid ang pagtawag – makabati si Jesus sa imo – kag handa gid nga magkadto kag magbulig sa imo…
  • Nabatian siya ni Jesus – ginmandoan siya nga magpalapit…
    • Ginhaboy ni Bartimaeus ang iya kunop – nagtindog – kag nagpalapit kay Jesus…
    • Indi siya magpapugong sa bisan ano – nagdalagan siya padulong sa tingog ni Jesus…
    • Sa 2^nd nga bes makita ta nga nagapamangkot si Jesus “Ano ang gusto mo nga himoon ko para sa imo?” …
      • Amo man ina ang iya ginpamangkot kay Santiago kag kay Juan…
      • Tungod nga nangayo sila suno sa ila nga mga makagod nga ambisyon – wala nila makuha ang ila gusto
      • Pirme sa aton kabuhi nagapangayo kita sa Dios sang mga butang – galing para sa mga sala nga rason…
      • Santiago 4:3 – “ Kag kon nagapangayo kamo, wala kamo ginahatagi kay malain ang inyo tinutuyo. Ang mga butang nga inyo ginapangayo para lang sa inyo kaugalingon nga kalipayan.”
      • Nagapangamuyo kita sa Dios nga mag-daog kita sa Lotto – kay gusto ta nga mangin manggaranon kag may madamo nga pagkabutang …
      • Ginapakamatarong ta ang aton motibo – ginabalik ta ang bahin sini sa Dios…
      • Ang indi naton marealisar nga kon kita madaog – ang kwarta na ang mangin diyos naton
      • Kun ang Ginoo magsiling indi sa aton ginapangayo – para ina sa aton kaayuhan!
    • Pero sang nangayo si Bartimaeus nga makakita siya liwat – nabaton niya ang gusto niya!
      • Kun mamangkot kita kay Jesus sang husto nga pamangkot – aton madiskubre nga mabaton ta ang ginapangayo ta nga sabat!
      • Kun mangabay kita sa Ginoo nga abrihan Niya ang aton mata para makita siya – kag maintiendehan ang Iya Pulong
      • Ina nga pangabay sigurado gid nga sabton sang Dios – di-mahamkunon nga pangabay!
  • Ginkaluy-an siya ni Jesus – gintandog ang iya mga mata = kag gilayon nakakita siya…
    • Bisan diin man kita sa aton kabuhi – isa lang gid ang sabat…
    • Kon gusto naton nga mangin Labing-daku sa Kaharian – mapainuboson nga mag-alagad sa tanan
    • Kon nagahunahuna ka nga ikaw ang pinakakubos sa Kaharian – Panumduma nga makabati sa imo si Jesus
    • Kag kun ikaw magtawag sa Iya – abrihan niya ang imo mga mata para makita mo Siya