Mark 10:17–31

Marcos 10:17-31

Introduction…

• Marcos – Ang Maayong Balita sa mga Gentil – nagapakita nga si Jesus nagalagad para sa tanan – Marcos 10:45
• Marcos 1:1 – 6:56 – Ang Pag–alagdan ni Jesus sa Galilea…
• Marcos 7:1-8:21… Ang pakigbais sa mga lider sang relihiyon – nag halin sa Galilea
• Marcos 8:22-9:29…Ang Pagpahayag kay Jesu-Cristo…
  • Sa Cesarea Filipo si Jesus nag pamangkot sa iya disipulo – ‘ Sin-o AKO suno sa mga tawo?’
  • Si Pedro nakabalo kon sino si Jesus (Paagi sa Balaan nga Espiritu) – pero kun ngaa nagkari siya…
  • Gindala ni Jesus si Pedro, Santiago, kag Juan sa Bukid sang Hermon kag didto Nagbalhin ang iya dagway…
  • Marcos 9:30-50… Sino ang labing–daku…
  • Pakadto sa Capernaum – ang mga disipulo naga bais sila – kon sino ang labing daku
  • 1^st – Ang labing daku mangin suluguon sang tanan (magkatuhay sa halimbawa sang kalibutan)
  • 2^nd – Ang labing daku pareho sa bata – simple nga pagtoo sa Amay – wala naga handum sang daku
  • Marcos10:1-16… Ang plano sang Dios sa pag Asawahay…
  • 6 kabulan ang nakaligad – pila na lang ka semana ang nabilin sa krus – si Jesus nagsugod sa katapusan nga paglakbay sa Jerusalem
  • Ang Pariseo nag kari para magtesting sa iya – ‘pwede bala nga ang lalaki mag bulag sa iya asawa?’
  • Ang kasal nagakahulugan nga magpabilin sa bilog mo nga kabuhi – Genesis 1:27, 2:24
    • 1^st – Ang Dios nag hatag sang kasal para nga may ara nga Diosnon nga kabataan – Malaquias 2:15
    • 2^nd – Ang Dios nag hugpong sang Bana sa iya asawa agod mahangpan ang iya nga Gugma
    • 3^rd – Kon ano ang gin hugpong sang Dios –gin kula sang tudo –wala sang may mag separar!
  • Kon ikaw single (nagakabuhi sa Ginoo) – indi magpangita sang pakasalan!
  • Kon ikaw naman kasado – mangin maayo kon si Jesus ang sentro sang inyo pagasawahay!
  • Ano akon himoon agod makakadto sa langit… vs. 17-22
  • Ano ang “Maayo” nga butang… vs. 17
  • Si Jesus naghalin sa balay upod ang iya mga disipulo – pakadto sila sa Jerusalem…
    • May isa ka tawo nga ga dalagan kag nag luhod sa atubang ni Jesus
    • Naga kalipay gid siya nga nakita niya si Jesus. nag pakita sang respeto paagi sa pagluhod…
    • Gintawag niya si Jesus nga“Maayo nga Manunudlo” – kag sensero siya sa pag pangita sang sabat
    • Gusto niya mahibaluan kun ano ang“Maayo” nga butang himoon agod maangkon ang langit…
  • May ara siya nga pamangkot nga insakto – kag nagkadto siya sa insakto nga tawo para sa ginapaabot niya nga sabat…
    • May amo kita sini nga pamangkot – tanan ta gusto magkadto sa Langit – wala sang may gusto magkadto sa impierno
    • Gani ang sabat ni Jesus nga ginhatag sa iya labing importante subong man sa aton…
    • Kon gusto mo mahibal-an kon ano ang “Maayo” himoon mo para maka kadto sa langit – amo ini ang sabat
  • Ang buot silingon sang “Maayo”… vs. 18
  • Si Jesus nag sabat sang iya pamangkot sa pamangkot man…
    • Tumalagsahon nga pag responde – pero importante para masabat niya ang pamangkot sining tawo
    • Gusto sining tawo nga mabal-an kon ano ang “Maayo” nga butang ang iya himoon
    • Agod nga masabat ni Jesus ang iya nga pamangkot – kinanglan mahatgan kahulugan ang “Maayo”
    • Sa pag hambal nga ang isa kabutang nga “Maayo” – indi malaragwayon nga termino…
  • Para mahibal-an mo kun ano ka “Maayo”ang isa kabutang – 1^st hibaluon mo kun sa ano nga “Maayo” ginakomparar ini
    • Mahambal ko nga ang sabor sang ‘balut’ “Maayo”…ilabi kon ikomparar mo siya sa ‘yab-uk’
    • Kon ikomparar mo siya sa Ice cream – indi na malapit sa “Maayo”
    • “Maayo” isa ka termino nga ma komparar – kon hibaloon mo ano ka “Maayo” ang isa ka butang…
    • Hibaloon mo kon sa ano gina komparar
  • Ang kahulugan nga gin hatag ni Jesus sa“Maayo” – “Wala sang iban nga Maayo Isa lang – Ang Dios”
    • Ang Kahulugan ni Jesus sang ‘Maayo’ amo ang Dios mismo – karon may problema na…
      • Naga pinsar pa kita nga “Maayo” kita nga mga tawo – diutay lang gid ang mahambal nga ‘tunto’ sila nga tawo
      • Apang kay sin-o naton gina kumparar aton kaugalingon – “Maayo” kumparar kay…
      • Kon ang kahulugan sang mas “Maayo” pa sa isa ka tawo nga –manugpatay – OK
      • Kon ang kahulugan mo sang “Maayo” pa sa imo – tupad balay – basi OK
      • Pero ti ang kahulugan sang “Maayo” amo ang Dios – buot silingon indi ako “Maayo”
      • Ang pagka “Maayo” ang Dios amo ang basehan, nagakinahanglan nga mangin…
      • Mateo 5:48 – “ Gani dapat wala kamo sing kasawayan sa inyo pagtratar sa inyo isigkatawo pareho sang inyo Amay sa langit.”
    • Amo kon ngaa si Jesus nag hambal – WALA NI ISA nga “Maayo” ang Dios lang…
      • Naga pakita nga wala bisan isa sa aton ang “Maayo” sa pagkamatuod..
      • Halin sa pananaw naton nga maayo pakadto sa pinakamalain – wala gid sang “Maayo” ikumparar sa Diyos
      • Roma 3:10 – “Kay amo gid ini ang ginasiling sang Kasulatan; Wala gid sing bisan isa nga matarong…’”
  • Nagapamatuod gid nga indi kita “Maayo”… Vs. 19-22
  • Gapamatuod nga indi kita “Maayo” – paagi sa pag tanaw sang Kasuguan sang Dios
    • Suno sa Kasuguan ni Moises nga makita sa una nga 5 ka libro sa Biblia
    • Indi lang ang 10 nga Kasuguan – may ara pa 613 ka Sugo nga gin hatag sa Kasuguan!
      • Ang mga sugo sang Dios indi para nga mangin “Maayo”kita
      • Gin hatag ina para matalupangdan naton nga INDI kita“Maayo”
      • Galacia 3:24 – “Ang halimbawa sang Kasuguan pareho sang isa ka yaya nga nag-atipan sa aton hasta sa pag-abot ni Cristo…”
      • Ang Kasuguan naga tudlo lang sa aton kon ano ang talaksan kon ano ang “Maayo”…
    • Pareho sang espeho ukon ang tape measure…
      • Pareho sa espeho makita mo imo kaugalingon nga hitsura – pero indi maka pabag-o sang imo nawong
      • Ang tape measure – naga pakita kon ano ka na kataas – pero indi makabulig sa imo nga magtubo ka
      • Ang kasuguan nagapakita kon ano kita ka“malaut”– pero indi makabulig sa aton nga himoon kita“Maayo”
      • Marealisar naton nga amo ni ang yabi nga makakadto sa Langit – nakahibalo kita nga kinahanglan naton ang bulig!
  • Si Jesus nag hatag sa manggaranon nga tawo sang 6 sa 10 ka Sugo – Exodus 20:12-17
    • Si Jesus naghatag sang 6 ka sugo nga naga angot sa relasyon sa kapareho…
      • Indi: Magpatay/manglahi/magpangawat/magbutig/manghisa kag tahoron ang imo Amay kag Iloy
      • Nalipay gid ang tawo sang pagkabati niya sini – nag hambal siya gin gintuman ko ina tanan halin pa sang pamatan-on ako
    • Talupangda nga si Jesus wala nag lalis sa iya sa punto nga ina
      • May ara man gid siguro nga manami nga tawo – bisan kita guro mapalangga sa sini nga tawo
      • Maminatud-on siya – may kahadlok sa Dios – naga pangabudlay sang tudo kag may integridad
      • Makita mo nga “Maayo ”gid siya nga tuman nga makalakat sa Langit…
    • Si Jesus nag tulok sa iya – gahigugma sa iya ( diri lang namitlang) – “Isa lang ang kulang sa imo…”
      • Lakat kag ibaligya imo propidad kag ihatag sa mga imol (ang manggad sa langit) kag magsunod ka sa akon!
      • Gin hatag ni Jesus ang 1^st nga Kasuguan sa manggaranon nga tawo
      • Indi kamo magsimba sa iban nga dios magluwas sa akon… (Exodus 20:3)
      • Gusto sang manggaranon makadto sa langit – pero may ara siya nga iban nga dios nga mas gusto
    • Pwerte kamanggaran kag damo “Propedad”ang tawo nga ini…
      • Nag lakat siya palayo nga masubo – indi niya gusto nga ibutang si Jesus nga una sang sa iya manggad!
      • Ang manggad niya amo ang nag pugong sa iya pakadto sa langit – ano gid klase nga manggad ayhan
      • Wala mo gid guro gina paminsar nga ikaw manggaranon nga tawo – gina pinsar mo nga imol ka…
      • Waay kaso kon ano kadamo ukon ano ka dyutay imo pagkabutang – kon gina una mo gid pirme ang imo nga pagkabutang – I Timoteo 6:10
      • Kon mas gusto mo pa ang mga“butang” kay sa mag sunod sa kay Jesus – malakat ka palayo nga masinulub-on…
      • Ano ayhan ang imo gina hunahuna nga maya ara ka – ukon ano ang ara sa imo – nga mas daku sang sa Langit?
      • Mark 8:36 – “Ano gid bala ang makuha sang tawo kon maangkon niya ang tanan nga butang diri sa kalibutan, pero mawala ang iya kabuhi?”
    • Naga kahulugan bala nga ang tanan kinanglan nga mag baligya sang ila propedad…
      • Wala sang sala kon damo imo propedad – kon ang propedad mo amo ang gapanagiya sa imo…
      • Kon ginabutang mo imo propedad antes kay Jesus – kinanglan mo gid pamensaron liwat ang imo prioridad – unaha si Jesus!
      • Ang sugo ni Jesus sa iya indi lang sa ibaligya iya pagkabutang kag ihatag sa imol -kundi magsunod kay Jesus!
  • Isa lang kasala…
    • Ang manggaranon nga tawo gin lapas niya ang isa ka sugo sang Dios (nasulat diri)…
    • Santiago 2:10 – “Ang bisan sin-o nga nagatuman sa bug-os nga Kasuguan pero nakalapas sa isa ka sugo, nakalapas sa tanan nga Kasuguan.”
    • Indi man pareho ang aton sala sa manggaranon nga tawo – apang may ara 612 iban pa nga Kasugu-an
    • Isa lang ka krimen, mahimo ka nga krimenal – isa lang ka sala, magin makasasala ka na!
    • Ano kadamo nga sala agod nga indi kita makapalangit… isa man lang
    • Abi ko gamay lang nga sala – puti nga binutig – nagkuha sang gamay nga kan-on (kay ang tupad balay ko damo man siya ah…)
    • Bisan ano klase nga sala – isa lang – nagahimo sa aton nga makasasala – kag indi na kita makakadto sa langit!
  • Ang bili sang kaluwasan… vs. 23-31
  • Daw ano ka budlay sa isa ka manggaranon nga makakadto sa langit… vs. 23-27
  • Ngaa imposible nga ang manggaranon ma luwas…
    • Indi kwarta ang naga pabudlay nga maka palangit kundi – “Atong mga naga salig sa ila manggad…”
    • Sa mga Manggaranon – may huyog nga mag salig sa kwarta – magsalig sa ila nga “Propedad”…
    • Ang ideya nga ang kwarta indi pirme pagpakamaayo – sa baylo pwede mangin dios na naton …
    • Naga depende sa kwarta para maka guha sa kabudlayan -makahimuno sang aton kinahanglanon – kaysa magsalig kay Jesus
    • Kon naga tulok ka sa kwarta nga amo ang sabat – wala kita naga tulok sa Ginoo…
    • Sa mga wala kwarta – kahapos sa aton mag salig sa Ginoo (waay ka na pilian)
    • Diin naton gina butang ang aton Pagla-um – sino aton ginapangita sa tion nga may kinahanglanon kita – kwarta ukon si Jesus
  • Sa paghatag sang importansya – si Jesus nag hatag sang pala-anggiran sa isa ka kamel nga makasulod sa buho sang dagom (2 ka talamdan)…
    • 1^st view – ang buho sang dagom amo ang ganhaan sa pader sa Siudad sang Jerusalem
      • Suno sa tradisyon “buho sang dagom” isa ka magamay nga ganha-an
      • Syado ka gamay nga maka sulod ang Kamel kon kuhaon niya ang iya “bagahe”…
      • Ang ideya nga amo lang hid na ang paagi sang manggaranon nga tawo nga maka sulod sa langit…
      • Ipanghuklason niya ang iya tanan nga manggad agod makaigo siya sa ganhaan sang Langit
      • Nami pamatian – pero wala sang amo sina nga ginatawag nga ganhaan sa Jerusalem…
    • 2^nd view – Ibutang ang Kamelio sa buho sang dagom
      • Ibutang sa pinsar mo nga ang kadakuon sang kamelio daw pareho kadako sa karbaw – kag nakabalo ka kon ano kadaku sang buho sang dagom
      • Mabutang mo ang Camelio sa buho sang dagom – pero imo sa anay galingon
      • Budlay kay malapta – kag sa katapusan ang Camelio indi na siya amo…
      • Ang punto IMPOSIBLE gid nga kon naga salig ang tawo sa iya manggad nga makakadto sa Langit!
  • Sino na lang ang maluwas…
  • Sang nabatian sang mga disipulo, daw gin sumbag sila sa suloksulok (kinulbaan sila)…
    • Ang nami nga tawo – manggaran– indi maka palangit – sino lang abi
    • Sigurado ako nga ang mga disipulo naga tan-aw sa tawo kag naminsar – “Maayo ” nga tawo
    • Wala sila sang pangduwaduwa nga ini tawo makapalangit gid
    • Sa hinali lang may tawo nga mas maayo sa ila – nga kulang man gihapon sa pagka“Maayo”
    • Pareho lang nga gahambal ka nga ang pimakanami – pinakamaalwan – pinaka-buot – nga tawo nga imo nakilala .
    • Indi man gihapon “Maayo” nga maka kadto sa langit
    • Kon indi sila maayo sang tuman – sino na lang ang “Maayo” nga maka panubli sang kabuhi nga wala sang katapusan…
  • Sa tawo imposible gid…
    • Si Jesus nagsabat nga may makakadto sa Langit – sa Dios wala sang imposible!
    • Indi tungod nga makasasala kita (kay tanan man – Roman 3:23) nga indi kita makapalangit
    • Sa pag sikway sang solusyon sang sala nga gin hatag sang Dios si Jesu-Cristo
    • Indi kita maluwas tungod nga may ara na kita sang insakto nga Kaayo para makapalangit
    • Maluwas kita paagi sa pagpati sang sakripisyo nga gin himo ni Jesus sa krus nga amo ang kabayaran sang aton sala
    • Ephesians 2:8-9 – “Kay tungod sa bugay sang Dios naluwas kamo paagi sa inyo pagtuo kay Jesu-Cristo. Ini regalo sang Dios kag wala nabasi sa inyo maayo nga mga binuhatan, gani wala gid sing may makapabugal.”
    • Wala naton gin ganar nga maka palangit – ang langit isa ka regalo sa mga nagtuo kay Jesus!
  • Ginbilin namon tanan… Vs. 28-32
  • Si Pedro naghambal– ‘Gin bilin namon ang tanan kag nag sunod sa imo…’
    • Nahibaluan niya ang kalipikasyon nga gin hatag ni Jesus sa manggaranon nga tawo…
    • Si Pedro gin padumdum si Jesus nga ang mga disipulo nag biya man (indi man nga damo ang ila ginbiyaan)…
  • Ang Saad…
    • Kag tungod sini ginahambal ko sa inyo –nga ang bisan sino nga naga biya sang iya…
      • Balay/utod nga Lalaki/utod nga Babayi/Amay/Iloy/Asawa/kabataan/ ukon Kaumhan…
      • Tungod sa akon kag sa Maayong Balita – tungod sa pag sunod kay Jesus…
      • Ang bili sang pagsunod kay Jesus –tanan nga butang – unahon mo siya sa tanan
      • Daw kadako gid sang presyo nga ibayad parasa kadam-an – apang ang Saad gin hatag gid…
    • Sa mga nag pabilin may 3 ka saad…
      • 1^st -wala sang may nag halin – nga indi maka dawat sang 100 ka pilo sa sini nga kabuhi…
      • Nag halin ako sa akon pamilya sa New York –gin tagaan man ko pamilya sa bilog nga kalibutan – 100 ka pilo!
      • 2^nd – Kag sa matuod lang – may ara nga paghingabot nga gin-impon – Juan 16:33
      • 3^rd – pero ang nami kay makakadto sila sa Langit!
  • Madamo ang Nahauna subong mangin ulihi…
    • Mahimo nga amo ni ang reaksion para kay Pedro nga tinikal nga “ginbilin ko tanan” para kay Jesus…
    • Si Jesus nag paathag sang kahulugan sang parabola sang ‘tag-iya sang Duta’ – Mateo 20:1-16
    • Kon naluwas ka bata pa ukon tigulang na – may padya ka sa langit!
    • Mapauna ukon ulihi – ang padya ara man gihapon sa langit!
    • Bisan ikaw pa ang pinakadaku nga Apostoles – ukon na luwas ka sang isa ka adlaw – Sa langit man gihapon!
    • Sa malip-ot nga pulong indi padamo damo ang imo obra para sa Ginoo…
    • Isa ka kamatuuran – paagi sa regalo sang kaluwasan – maka kadto ka sa Langit!