Mark 10:1–16

Marcos 10:1-16

Introduction…

• Marcos – ang Maayong Balita para sa mga Gentil – nagapakita nga si Jesus nagapangalagad sa tanan – Marcos 10:45
• Marcos 1:1 – 6:56 – si Jesus kag ang pagalagdan sa Galilea…
• Marcos 7:1-8:21… Ang pagsabtanay sa mga lider sang relhiyon – naghalin sa Galilea
• Marcos 8:22-38… Ang pagpahayag kay Jesus nga siya ang Cristo…
  • Sa Cesarea Filipo si Jesus nagpamangkot sa iya mga disipulo – ‘Sino AKO suno sa mga tawo?’
  • Si Pedro nakabalo kon sino si Jesus (paagi sa Balaan nga Espiritu ) – apang indi kon ngaa nag kari siya…
  • Marcos 9:1-29… Mag tulok kay Jesus / Itudlo si Jesus sa iban
  • Gin dala ni Jesus si Pedro, Santiago, & Juan sa Bukid sang Hermon kag nabalhin ang Iya dagway…
  • Sadto nga tion – ang 9 disipulo wala nila maayo ang bata nga ginsudlan sang mala-in nga espiritu…
    • Sang pag abot ni Jesus naghatag siya sang simple nga kamatuoran – ‘dal-a niyo siya diri sa akon!’
    • Ang tawo may pagto-o – pero ara sa indi amo nga lugar – si Jesus amo lang ang sabat
    • Ang mga disipulo nag pamangkot kon ngaa indi nila napaayo ang bata – nag salig sila sa ila kaugalingon nga abilidad
    • Marcos 9:30-50… Sin-o ang labing daku …
  • Si Jesus sa Galilea – ginahambalan niya ang mga disipulo nahanungod sa pagluib/ kamatayon/kag pagkabanhaw
  • Nag pakadto sila sa Capernaum – naga baisay ang mga disipulo – sin-o ang labing Daku
  • Si Jesus nag pamangkot – kag gintudluan sila nahanungod sa labing daku sa Ginharian
    • 1^st – ang labing daku mangin sulugu-on sang tanan (suli sa halimbawa sang Kalibutan)
    • 2^nd – Ang labing daku pareho sini nga bata – simple nga pagto-o sa Amay – indi ambisioso
  • Ginapalig-on niya ang mga disipulo nga mag buligay sa isa kag isa (gamay nga kabataan) indi mag pasandad sa isa kag isa
    • Apang ang pagtilaw kag ang pag sulay maabot – nga amo mapaputli sa inyo sa kalayo…
    • Siguruha nga maglikaw sa pagsulay/sa sala (utda imo kamot/tiil/mata)
    • Agod nga mangin asin kamo sa kalibutan nga gakinanglan nga makabati parte sa paglaum kay Jesus!
  • Ang plano sang Diyos sa Pag-asawahay…
  • Ang mga Pariseo nag kadto kay Jesus – testingan naman nila si Jesus … Vs. 1-2
  • Naghalin si Jesus sa amo nga lugar sang Galilea – kag nag panglakaton sa bagatnan pakadto sa Judea – sa kilid sang Suba sang Jordan
    • Ang mga tawo nagtililipon liwat sa iya – kag suno sa kinabatasan – nagpanudlo si Jesus…
    • Mga 6 kabulan ang nag lipas halin sa katapusan sang Marcos 9 – kag sugod sang Marcos 10
    • Natabo sa sini nga mga tinion ang nakasulat sa libro sang Lucas 10-18 kag Juan 7-11
    • Amo ni ang sugod kag hingapusan sang paglakbay pakadto sa Jerusalem – Sinimana na lang kag matabo na ang krus…
  • Ang mga Pariseo nag kadto naman kay Jesus liwat para testingan naman…
    • Bag-o pa lang kabalik si Jesus sa rehiyon sang Judea, nag ulhot naman ang mga Pariseo
    • Ang ulihi nila nga pagbais kay Jesus sa Marcos 8 – gusto makakita sang tanda
    • Wala sila gapangita sang sabat – gusto lang nila nga mag atake kay Jesus…
  • ‘Tugot bala sa kasugoan nga ang isa katawo magbulag sa iya asawa’ – ang Mateo 9:3 may dugang – ‘para sa bisan ano lang nga rason’…
    • Ang pakigbulag isa ka dako nga problema sa tion ni Jesus (ilabi na gid sa kalibutan subong)
    • Ang ginabaisan kon ano ang ginatugot sang kasuguan (Kasuguan sang Diyos) nga rason sang pakigbulag…
    • Konserbatibo (indi-bantog) ang lalaki makabulag sa iya asawa kon may kaso sang pag panglahi
    • Liberal ( bantog gid) ang tawo pwede makabulag sa bisan ano nga rason…
    • Kon makakita sang gwapa nga babayi kag gusto niya pakasalan /kon ang iya asawa nag luto sangsunog sunog nga tinig-ang…
  • Ano ang ginahambal sang Bibliya tuhoy sa Pakigbulag… Vs. 3-4
  • Si Jesus’ nag sabat – ‘ano ang mando ni Moses’…
    • Kanami sang pangsabat diri ni Jesus wala siya naga pakigbais parte sa opinyon – ginpabalik sila ni Jesus sa Pulong sang Diyos
      • Sa masami ang gina hatag sang tawo amo ang ila opinyon…
      • Pamangkota 10 ka tawo sang sabat sa isa ka problem – makakuha ka 10 ka nag kalain-lain nga sabat
      • Indi importante kon ano ang opinyon sang iban – importante, ano ang hambal sang Ginoo
      • Kon may ara kita nga pamangkot – ang kinanglan isa lang – ang Pulong sang Diyos!
    • Nagsabat sila – ‘si Moses nag tugot sang sirtipiko sang pagbulagay’ – Deuteronomeo 24:1
      • Si Mioses – Ang Kasuguan – ginatugot sa tawo nga magbulag sa iya asawa…
      • Indi lang amo sina – Ang Kasuguan wala nag pat-od kun ano ang mga rason sa pag bulagay
      • Nagpabilin nga wala sang sabat ang pamangkot nga kun ano ang mga “rason”– kag bukas sa pag interpretar
  • Ang 3 ka New Testament nga rason para sa pagbulaggay…
    • 1^st – ang isa ka rason nga ginhatag sang Diyos sa pabulagay – seksual nga immoralidad – pag panglahi
      • Ang tinaga nga (pornia) – nagadala sang ideya sang indi normal nga kailigbon
      • Pagpanglahi pisikal nga relasyon sa gwa sang kasal
      • Ngaa pagpanglahi lang – isa ka paglapas sang pagsalig nga halos imposible nga malampuwasan
      • Bisan sa pagpanglahi may ara nga paglaum … si Jesus makapanumbalik sang wasak sa pag-asawahay
      • May nabal-an ako nga diosnon nga mag asawa, nahulog sila duha sa pakiglahi
      • Ang Diyos nag ayo sang nawasak nila nga relasyon kag nangin bag-o sila – dalayawon!
      • Ang pagbulag indi kinahanglan kon may pakighilawas – ginatugot lang
    • 2^nd – napatay – kon imo tiayon napatay – pwede magpangasawa liwat
      • Roma 7:2 – “Pareho bala sang babayi nga may bana. Suno sa kasuguan, ang babayi nahigot sa iya bana samtang buhi pa ang iya bana. Pero kon ang iya bana patay na, hilway na siya sa kasuguan nga nagahigot sa iya sa iya bana…”
      • Note – wala ginatugotan nga patyon mo imo tiayon para maka pakasal ka liwat
    • 3^rd – Ginbiyaan – kon ang indi tomulo-o nga bana ukon asawa nag-biya sing permanente – I Corinto 7:15
      • Ang isa ka tomolo-o nga tiayon wala ginapahanugutan nga mag biya sa kasal
      • Sino bala ang makahambal nga basi paagi sa imo madala mo imo tiayon kay Jesus!
      • Kon ang indi tumoluo nga tiayon ang mag biya – hilway ka sa imo kasal
    • Kon ang isa mag bulag kag magpakasal sa bisan ano nga rason – si Jesus ga hambal nga isa ka pagpanglahi… vs. 11-12
      • Kon ikaw mag pakasal sa tawo nga nagbulag – isa ka pagpanglahi
      • Magseparar ka sa imo tiayon kag mag upod sa iban ikaw naga panglahi
      • Ang punto nga gina tagaan gid sang importansia nga ang kasal nagakahulugan nga magpadayon sa bug-os mo nga kabuhi…
  • Ang kasal nagakahulugan nga magpabilin sa bug-os mo nga kabuhi… vs. 5-9, 11-12
  • Bisan nga nag tugot si Moses sa pakigbulag – indi ini ang labing maayo nga sabat – tungod sang katig-a sang tagiposoon
    • Matig-a – literal nga nag mala, tig-a, matigdas, indi gusto mag bag-o,indi gusto magpatawad
    • Ang Gugma, pagpatawad, pagpakigbagay – amo ini ang “kula” nga nagahigot sa pag-inupdanay sang mag asawa!
    • Kon wala sina, ang ‘kula’ matig-a – kag ang pag asawahay mabungkag…
  • Si Jesus nagbalik sa tion nga antes sang Kasuguan ni Moses – Ang orihinal nga plano sang Diyos – Genesis 1:27, 2:24
    • 1^st – Sa ginsuguran gin tuga sang Diyos ang lalaki kag ang babayi …
      • Indi na separar ang duha – literal nga matuman sa mga kabataan– kag ang duha mangin isa!
      • Ang Diyos nag tuga sang lalaki kag babayi agod nga may diosnon sila nga kabataan – Malaquias 2:15
      • Ang mga kabataan nga nakakilala, naghigugma kag nag sunod sa Ginoo – paagi sa pag sunod sa halimbawa sang ila nga mga ginikanan
    • 2^nd – Kon ano ang ginhiusa (literal nga gingota) sang Dios…
      • Ang “gota”/gin obra sang Diyos sa kasal – nagapakita sang gugma sang Diyos sa iban
        • Ang kasal nagalaragway sa pag bulig hangop sang Gugma sang Diyos
        • Ang Diyos naga hambal nga ginahigugma niya kita – pero ano ang eksakto nga kahulugan…
        • Ang kahulugan sang Iya gugma – gintawag niya kita nga mga anak – gintawag man kita nga nobya
      • Kon ang laragway sang kasal buka tungod nag bulagay ukon wala guma nga panimalay
        • May ara kita guba nga laragway sang Gugma sang Diyos…
        • Ginahigugma ako sang Diyos – asta maka kita siya sang mas maayo – kon indi ko mag himo sang kapaltahan
        • Ukon gina-agwanta Nya lang kita kay wala siya sang mapilian…
        • Amo ina nga klase sang larawan ang makita naton sa subong nga panahon…
      • Ang kasal maka impluwensiya sang aton pag hangop sang Gugma sang Diyos…
        • Ang kasal maka apekto sa kabataan sa pag hangop sang Guma sang Diyos
        • Amo na kon ngaa si satanas ga tinguha gid nga ma guba niya ang kasal
        • Kon wala sang gugma ang Kasal – mahalitan gid ang pag hangop sang gugma sang Diyos
        • Labing-daku gid nga regalo sa inyo kabataan nga nagahigugmaanay kamo nga duha
        • Ara sa inyo nga paghigugma kag halimbawa nga ang inyo kabataan naga tuon sang Gugma sang Diyos
    • 3^rd – Waay sang tawo nga mag-bulag…
      • Sa kasal – ang lalaki gin hiusa– literal nga gin kula –sa iya asawa
      • Kon mag kuha ka sang 2 ka bilog nga kahoy – kag imo sila tapikon sang tudo – kag imo sila gision para mag bulag
      • Ma separar mo man – pero indi tinlo – may biak na – ang pag separar nagahalit sa duha
      • Kon ang kasal ma guba – naga gisi kag naga buklas sang tagiposoon sang bana kag sang asawa
      • Ang pagbulagay indi matinlo – ginagisi sini ang indi dapat mag separar
      • Kon ano ang gin-upod (gin kula) sang Diyos – wala sang tawo (upod na ta da) nga mag pa separar
  • Sa inyo nga wala pa nakapakasal… vs. 10
  • Sang pag sulod sang mga disipulo sa balay nag pamangkot sila liwat parte sa kasal
    • Mateo 19:10 – “Dayon nagsiling ang mga sumulunod ni Jesus, “Kon amo ina ang pagsulundan sa mag-asawa, maayo pa nga indi na lang magpangasawa.”
    • Ang mga disipulo naka hangop kon ano ang ginahambal ni Jesus – ang kasal permanente
      • Kon nag pakasal ka sa maayo ukon malain nga tiayon – pabilin ka gid sa bilog mo nga kabuhi!
      • May ara gid posibilidad kag makatalagam magkapakasal sang laway batasan – maayo pa nga mag-pabilin nga indi magpakasal
    • Ang kasal maayo – Hulubaton 18:22 – “Pangita ka sang asawa kag makakita ka sang kaayuhan …”
      • Apang dapat may kaalam kag mag halong kon sino ang pilion nga pakasalan…
      • Isa ka desisyon nga mag pabilin sa bilog mo nga kabuhi – sa maayo ukon malain
  • Kalabanan gintawag nga magpakasal – pero may ara nga diutay nga tinawag nga mag pabilin nga gaisahanon
    • Dako ang bentaha kon indi mag pakasal…
      • I Corinto 7:32-33 – “Ang wala sing asawa wala sing iban nga ginapanumdom kundi ang hilikuton sang Ginoo kag kon paano siya makahatag sing kalipay sa iya.  Pero ang lalaki nga may asawa nagapanumdom pati sa mga butang diri sa kalibutan kag kon paano siya makahatag sing kalipay sa iya asawa.”
      • Kon kita kasado ang aton tion kag kusog ga kadto sa aton pamilya
      • Kon kita indi kasado hilway aton tion kag manggad nga mag alagad sa Diyos
    • Gani mas maayo bala nga mag-isahanon…
      • Kon pwede man lang nga mangin single – maayo nga mangin single kag mag alagad sang bug-os sa Ginoo
      • Apang – kon natentar ka sa ideya sang kasal – I Corinto 7:2
      • Kon bilog mo nga kabuhi nagadamgo ka nahanungod sa pagpakasal
      • Kon naga pinsar ka nga kada may magtulok sa imo, basi amo na siya…
      • May ara gid tsansa nga wala ka gintawag nga magpakasal
  • Ang conclusion – mangin kontento kon diin ka man…
  • I Corinto 7:27 – “kon may asawa ka na , indi na siya pag bulagi, kon wala ka sang asawa, indi ka na lang mag pangasawa.”
  • Kon indi ka pa kasal…
    • Indi na magpangita asawa (tiayon) – Present/Active/Imperative
    • May ara nga kinalain sa duha mag handum kag nagapangita
    • Indi sala ang mag handum nga mag pakasal… indi lang nga gapangita magpakasal
    • Pareho kay Adan – sino kag kon namilit siya mag pangita sa asawahon – limitado ang pililian – amo?
    • Sa baylo nag ‘hulat’ si Adan (nag tulog si Adan ) kag ang Ginoo gindala sa iya si Eva
    • Kon gusto mo magpakasal – indi mag panikasog sang tudo nga makakita pakasalan – gusto mo Amo?
    • Pag tulog (sa imo handum nga mag pakasal) kag mag hulat sa Ginoo
    • Ukon pareho kay Isaac kag Rebekah – amo lang ang nasulat sa Biblia nga may kasugtanan/pamalayi
    • Si Rebekah sako sa transaksion sang iya Amay sang gintawag siya sang ‘Balaan nga Espiritu’
    • Si Isaac wala siya nag guha para magpangita sangasawa – nag hatag siya tion para magpangita kag mappangamuyo sa Ginoo…
    • Pareho sila nga nakatutok sa kay Jesus – Ang Diyos ang nagdala sa ila kag gin-upod sila sa maayo nga pag-asawahay!
    • Kon gusto mo makita ang perfecto – dapat mangin masako ka sa transaksion sang Imo Amay sa Langit
    • Indi magpangita sang asawa/bana – hatagi tion ang pag pangita kag pagpangamuyo kay Jesus
    • Samtang naga hulat/ tulok kay Jesus – sa iya tion – siya ang magahatag sa imo sang perfecto nga tawo para sa imo
  • Kon ikaw kasal na – padayuna nga MAAYO pag-asawahay
    • Ang Dios indi nia gusto ang okey-okey lang nga klase sang pagasawahay – pero MAAYO gid nga pag-asawahay…
      • Nag hatag sang duha ka yabi ang Dios sa MAAYO gid nga pagasawahay- Efeso 5:22-33
      • 1^st – Mga asawa magpasakop kamo sa inyo mga bana / 2^nd – Mga bana higugmaa inyo mga asawa
    • Ang problema nga ina nga sugo saka imposible gid…
      • Ka imposible sa isa ka asawa ang mag pasakop sa iya (may depekto)nga bana
      • Imposible man sa bana nga mag palangga (sing himpit) sa iya asawa
      • Sa baylo, ginahatag ta ang aton ‘pagpasakop’ kag ‘gugma’ nga may kondisyon…
      • Kon magpasakop siya palanggaon ko siya /mapasakop ko kon palanggaon ko niya…
      • Kag indi na naton mahangpan kun ngaa ang aton pagasawahay nagalayo na/kag daw mawasdak na
    • Wala sang divorce diri sa Pilipinas…
      • Apang madamo nga mag asawa wala na – bisan nga ang papeles nagahambal lain
      • Tungod nga kasal lang sa ngalan – wala nagakahulugan pati tagiposoon
      • May ako mga kilala nga mag asawa – pero bulag na sila sa tagiposoon
      • Naga upod sila sa isa ka balay – pero indi na sila upod sa pagkabuhi
    • Ano ang kulang sa kalabanan nga pag-asawahay – si Jesus!
      • Nag tuyo gid ako nga mangita sang rason sa pinakamaayo nga pag asawahay – MAAYO gid nga pagasawahay
      • Interesante, ang pinakamaayo nga pag asawahay wala naga base sa balatyagon, tungod Maanyag siya, ukon tungod naka-panumpa na
        • Ini nga mga bagay indi permanente ~ tungod indi kita dalayon man
        • May tion nga alabuton / indi nami imo adlaw/ naga tigulang .may kurinot /nadula ang pangako
      • Ang permanente nga malig-on nga maka tukod sang pagasawahay ~ si Jesus…
        • Hebreo 13:8 – “Si Jesu-Cristo wala gid nagaliwat. Amo siya sang una, subong, kag sa wala sing katapusan.”
        • Mga Bana – basa kamo Biblia sang asawa mo/ pangamuyo kamo/ dal-a siya sa simbahan
        • Mangin halimbawa sa asawa kag mga anak mo para ila sundon– I Corinto 11:1
        • Samtang ga palapit ka kay Jesus – naga tubo kay Jesus – mapun-an ka man sang gugma ni Jesus sa imo
        • Mga asawa – magpangamuyo para sa inyo bana – palig-ona ang ila panglakaton kay Jesus
        • Samtang naga lapit ka kay Jesus – makapasakop kana sa bana mo – nga nagasalig kay Jesus
  • May mga tawo nga madamo nga gindala nga kabataan kay Jesus… vs. 13-15
  • Apang ang mga disipulo nag sabdong sa mga tawo nga may dala nga bata – nga daw indi importante sa ila…
  • Si Jesus naakig – ‘pabay-i ang mga kabataan nga mag palapit sa akon – kay ang Ginharian sang Dios iya sang mga kaangay nila!’
  • Indi pag kalimti ang katapusan nga komento ni Jesus – ginhambalan niya ang mga disipulo nga ang mga kabataan amo ang punto!
  • Sa masami ang pagasawahay naga ka-siod kita sa aton kaugalingon nga problema
  • Wala naton mabinag-binag ang mga epekto sang aton nga mga desisyon sa aton mga kabataan
  • Ang aton kabataan nagapanilag sa aton gina himo – kag naga tu-on sa aton pagpili
  • Tudluan naton sila paagi sa aton pagasawahay nahanungod Dios nga nagahigugma sa ila
  • Nahanungod kay Jesus nga naga hatag sang tion sa pag pandong sang iya kamot sa ulo sang mga bata para pagpakamaayohon sila!