Mark 9:30–50 - BibleStudy.ph

Video teaching coming soon

There is no online teaching for this study yet, but the written notes and any available study resources are still below.

These are the original teaching notes from this passage.

Marcos 9:30-50

Introduction…

Marcos – ang Maayong Balita para sa mga Gentil– nagapakita nga si Jesus alagad sang tanan – Marcos 10:45
Marcos 1:1 – 6:56 – Ang Pag-alagad ni Jesus sa Galilea…
Marcos 7:1-8:21… Engkwentro batok sa mga lideres sang relehiyon – Paghalin sa Galileea
Marcos 8:22-38… Pahayag nga si Jesus amo ang cristo…
- Sa Caesarea Filippo Ginpamangkot ni Jesus ang mga disipulo – ‘Sino ako suno sa mga tawo?’
- Nahibal-an ni Pedro kun sino si Jesus (paagi sa Balaan nga Espiritu) – Pero indi kun ngaa nagkari Siya…
  - Sugod sadto, ginsugid ni Jesus sang ma-athag sa mga disipulo ang nahanungod sa krus kag sa pagbanhaw…
  - Si Jesus nagapadulong sa krus – kun magsunod ka kay Jesus – nagakahulugan nga hakwaton mo ang imo kaugalingon nga krus…
  - Marcos 9:1-29… Pagtulok kay jesus / Pagtudlo kay Jesus sa iban
- Gindala ni Jesus sanday Pedro, Santiago, kag Juan sa ibabaw sang Mount Hermon kag didto siya nag-balhin dagway…
  - Si Jesus nga kasanag sang kalibutan – nagatawag sa aton nga magbalhin kag mangin kasanag man
  - 1^st – Sa pagtuon sang Pulong sang Dios / 2^nd – Sa maayo kag sa malain nga mga kahimtangan
  - 3^rd – Sa pagpamati sa Ginoo / 4^th – Sa pagtulok naton kay Jesus – ginabanaag naton ang Iya kasanag
- Samtang, ang 9 ka dispulo indi makapa-ayo sang isa ka bata nga laki nga ginsudlan sang demonyo…
  - Pag-abot ni Jesus, simple nga kamatuoran ang iya ginhambal – ‘Dal-a niyo siya sa akon!’
  - May pagtuo ang mga katawhan – pero sa indi husto nga lugar – si Jesus lang gid ang nagaisahanon nga sabat
  - Namangkot ang mga disipulo kun ngaa indi nila mapa-ayo ang bata – kay ang ginasaligan nila amo ang ila nga kaugalingon
- Sin-o ang Labing-daku…
- Pagtulok sa Krus… vs. 30-32
- Naghalin sila sa Caesarea Filippo kag nagalabay sa Galilea…
  - Indi gusto ni Jesus nga ipabalo nga – akig pa gihapon sa Iya ang mga Lideres sang Relehiyon
  - Gintudlo ni Jesus sa mga disipulo – nga ‘maluiban siya, patyon, kag sa ikatlo nga adlaw mabangon liwat
  - Nagkabalaka gid ang mga disipulo tungod sa ginasugid ni Jesus sa ila – Mateo 17:23
  - Ang kamatuoran likom pa sa ila – indi lang gid nila mahangpan – Lucas 9:45
  - Indi nila maintiendehan – ignorante (Imperfect) – kag nahadlok sila mamangkot…
- Sa ikaduha nga bes, ginsugiran sila ni Jesus tuhoy sa krus – indi gid nila mahangpan tungod sang 2 ka rason…
  - 1^st rason – nagapa-abot ang mga disipulo nga matukod si Jesus sang Iya Kaharian diri sa kalibutan…
    - Kun nagapa-abot ka sang isa ka hari nga mananakop – mga hambalanon parte sa pagluib kag kamatayon daw indi mo maintiendehan
    - Galing si Jesus wala nagkari para maggahom– Nagkari siya para ihatag niya ang Iya kabuhi para kita naman mabuhi!
    - Masami naton malisahan ang obra sang Dios sa aton kabuhi – kay lain ang aton nga ginapangita
    - Nagapa-abot nga ang Dios ang mahatag sang obra – malisahan ta ang isa ka abyan nga ginpadala niya para makabati sang nahanungod kay Jesus
    - Ukon nagapa-abot nga ang Dios ang magpa-ayo – malisahan naton ang grasya nga iya ginahatag sa aton mga kabudlayan
    - II Corinto 12:9 – “ Ang akon bulig amo lang ang imo kinahanglan. Kay makita gid ang akon gahom kon maluya ka.” Gani malipayon gid ako sa pagpabugal parte sa akon mga kaluyahon, agod mabatyagan ko permi ang gahom ni Cristo sa akon.”
    - Imbes nga magpalapit sa Dios nga may madamo nga ginapa-abot – kinahanglan naton magpalapit nga may tagipusoon nga handa magbaton sang kun ano man
  - 2^nd rason – ang mga disipulo ignorante tungod tam-an sila ka bugalon para mag untat kag magpamangkot
    - Kun indi naton maintiendehan ang ginaobra sang Dios sa aton kabuhi – dapat kita mag-untat kag magpamangkot
    - Kun ang mga anak mo may ara sang indi maintiendehan – gusto mo nga magpalapit sila sa imo
    - Wala nagalain ang boot sang Dios kun nagapamangkot kita – Nalipay gani siya nga maghatag sang sabat sa iya nga mga anak
- Ang Labing-daku sa Kaharian… vs. 33-40
- Sang nagapakadto sila sa Capernaum – nagabais ang mga disipulo…
  - Tungod nga nagapa-abot pa sila nga si Jesus matukod sang iya kaharian sa bug-os nga kalibutan…
  - Nagaexpektar nga mangin manugdumala man sila tanan / importante nga mga tawo sa bag-o nga Kaharian ni Jesus…
  - Ang ginalalis nila amo nga kon sin-o ang mangin ‘Labing-daku’ sa ila sa Kaharian
  - Imbes nga tuhoy sa kay Jesus – nakatutok man gihapon ang ila panghunahuna sa ila mga kaugalingon…
  - Indi kita makatulok sa duwa ka butang sa isa ka tion – indi kita makadungan pangalagad sa aton kaugalingon kag kay Jesus
  - Kun nakatutok kita sa aton kaugalingon – wala kita nagatulok kay Jesus…
  - Kun wala kita nagatulok kay Jesus – Pwerti gid kabudlay ang magsunod kay Jesus
- Sang nag-abot sila sa Capernaum, ginpamangkot sila ni Jesus – kun ano ang ila ginalalisan
  - Indi sila gusto magsabat – kay nahuya sila mag-ako…
  - Nagpungko si Jesus– kag gintudloan niya ang mga disipulo tuhoy sa kun sino ang “Labing-daku”…
    - Nami gid siguro makit-an ang mga surpresa sa ila mga guya – paano ni Jesus nahibal-an
    - Basi nagbais sila liwat – ‘sin-o ang nanugid’…
    - Masami nagapaminsar kita nga pwede naton matago ang aton mga sugilanon kag mga ginahimo likom kay Jesus
    - Kabalo siya– tanan nga ginahambal ta, ginahimo, ukon ginapamensar ta nahibaloan sang Dios
    - Nakatilaw ka kadto sa Bible Study – kag ang mga panudlo daw para gid sa imo
    - Mahunahuna ka nga basi nahibaloan sang pastor– sin-o nagsugid sa iya sang gina-agyan ko…
    - Kabalo si Jesus– kag ginapapungko niya kita para makapamati kita sang maayo sa kamatuoran…
  - 1^st – Kun ginahandum mo nga mangin ‘Labing-daku’… – dapat mangin alagad ka sang tanan…
    - Sa kalibutan– ang mga “Labing-daku” – nagauyat sang bug-os nga autoridad – kag masami gina-abuso
      - Ang pagka Labing-daku (Greatness) sa kalibutan daw kaangay sang pyramid – ara ang pinaka-gamhanan sa ibabaw
      - Laragway sang isa ka Manugpigos– Ang ‘Labing-daku’ naga-uyat sang bug-os nga gahum para magkontrol sang tanan
    - Kabaliktaran naman kon ikumpara sa kalibutan – nagsiling si Jesus – para mangin ‘Labing-daku’ mag-alagad sa tanan!
      - Para mangin “Labing-daku” sa Kaharian sang Dios – dapat ka mangin alagad(deakono)
      - Deakono – nagapangalagad sa mga praktikal nga mga kinahanglanon sang iban (Binuhatan 6 – Steven, Phillip)
      - Ang naga-alagad daw indi ta maangot sa isa ka “Labing-daku” – Kalibutanon man gihapon ang aton pagtamod
      - Sa aton, ”Labing-daku” nagakahulugan nga manggad / gahum / impluwensya / kag may mga suluguon
      - Indi ang tawo nga nagatipon basura /nagapaninlo / Manug-alagad lang sila!
      - Tawag ta sa tawo nga ina “indi espesyal” – pero ang tawag sang Dios sa ila “Labing-daku”
      - Ang pamangkot, gusto bala naton mangin “Labing-daku” sa mata sang Kalibutan okon sa mata sang Dios
  - 2^nd – Nagkugos si Jesus sang gamay nga bata …
    - Gin-usar ni Jesus ang bata bilang ehemplo sang tuod nga pagka “Labing-daku”…
      - Ang gamay nga bata wala sang ambisyon – wala sila sang daku nga handom para sa gahum kag autoridad
      - Kontento na sila nga may atop sa babaw sang ila ulo, may pagkaon sa lamesa, kag may mahigugmaon nga pamilya
      - Kun gusto naton nga maging “Labing-daku”sa kaharian sang Dios – kinahanglan naton nga mangin kaangay sang mga bata!
      - Indi nagakahulugan nga mangin bata-bata maminsar kag dihamtong – kundi nga simple sa pagsalig kag sa pagtuo…
      - Mga gamay nga bata wala gid nagapamangkot kun may maabot nga pagkaon – ukon mga panapton…
      - Bug-os ang salig nila sa ila nga mga ginikanan nga ihatag ang ila mga kinanglanon.
      - Wala man sila nagahandom nga mangin “Labing-daku” – kontento na sila nga mangin bata!
      - Kita man dapat mag-angkon sang simple nga pagtuo sa aton nga Amay nga magahimono sa aton nga mga kinanglanon…
      - Wala nagapangita sang kalibutanon nga pagka ‘Labing-daku” – kundi mangin simple kag mangin kontento nga mga anak sang Dios!
    - Kon sin-o man ang magbaton sa isa sa sini nga mga bata – sa Akon ngalan – nagabaton man sa Akon…
      - Kag ang nagbaton kay Jesus – nagbaton man sa Amay nga nagpadala kay Jesus
      - Ang mga gamay nga bata nga ginahambal ni Jesus – amo ang mga nagatuo sa Iya…
      - Galacia 3:26 – “Kamo tanan mga anak na sang Dios tungod sang inyo pagtuo kay Cristo Jesus.”
      - Kun sin-o man nga magbaton sang Iya kabataan(gagmay nga mga bata) – nagabaton man kay Jesus
      - Kun maghatag kita sang tion para magpakamaayo kag magpalig-on sa iban…
      - Kon itudlo naton sila kay Jesus… sa matuod-tuod lang naga-alagad kita kag nagapakamaayo kay Jesus!
- Dyutay nga pag-awat… vs. 38-40
  - Nag saligbat si Juan (Wala namangkot si Jesus) – ayhan gusto niya islan ang topiko…
    - Mga kapila na nga kon ginasaway kita– dayon ta islan ta ang topiko…
    - Ginalaygayan kita ni Tatay ukon ni Nanay – ‘ano aton panihapon?’
    - Nakakita si Juan sang tawo nga nagapangtabog sang mga demonyo sa ngalan ni Jesus…
    - Pero gindumilian nila kay indi siya isa ka “disipulo”…
    - Kanami gid sang pagpailob ni Jesus – Naghatag gid siya sang tion para sabton ang pagsaligbat ni Juan…
  - Indi siya pagdumilii…
    - Ang isa nga naga-obra sa ngalan ni Jesus – indi makahambal sang malain parte sa Iya…
    - Kon sin-o wala nagapamatok sa aton– Ka-upod man naton…
    - Ang mga tawo nanamian gid nga magbinahinbahin – kun indi ka kabahin sang akon grupo – indi ta ka namon ka-upod
    - Tungod nga wala naga kadto sa pareho namon nga simbahan – indi kabahin sang amon grupo
    - Wala nagakahulogan nga indi sila maluwas – indi Kristohanon – indi makapalangit
    - Kadaku gid sang Simbahan kag nanuhaytuhay – pero may isa ka nagapaihusa sa aton tanan – si Jesus!
- Mga pagtilaw kag Pagsulay… vs. 41-48
- Ginbalikan ni Jesus ang pagtudlo tuhoy sa ‘Labing-daku’ sa Kaharian…
  - Dapat kita mangin pakamaayo sa mga anak sang Dios – indi kita dapat magpasandad sa ila…
    - Bisan sin-o nga maghatag sang isa ka baso nga tubig – sa ngalan ni Jesus – makabaton gid sang iya padya
    - Bisan ang pinakagamay nga bulig nga ginahatag sa mga anak sang Dios – ginapadyaan
  - Apang ang sin-o man nga makapasandad sa sining mga nagatuo (scandalidzo – sin)
    - Magsulay kag magpaduda sa isa ka lamharon nga tumuluo…
    - Mas maayo pa nga naghigot siya sang dako nga galingan nga bato sa iya liog kag naglumpat sa dagat…
    - Galingan nga bato – madako nga bato nga ginapabutong sa asno – 200 kilos
- Pinakadalom nga parte sang dagat – kun diin ang mga dalagko nga barko nagalayag – MADALOM GID
  - Buot silingon, ang maka pasandad sa mga anak ni Jesus – ara gid sa pwerte ka madalom nga problema!
    - Dapat kita nga magpalig-on sa isa kag isa – magpakamaayo sa isa kag isa…
    - Kun ginasulay naton ang iban para mag-sala – kun ginatudlo naton sila palayo kay Jesus – indi gid maayo…
- Wala man ginasiling nga indi gid kita mag-atubang sang tentasyon – mga pagtilaw maabot gid – Mateo 18:7
  - Indi ka makibot kon naga-atubang ka sa tentasyon – naga-agi sa pwerte ka budlay nga pagtilaw…
  - I Pedro 4:12 – “Mga hinigugma, indi kamo magkatingala sa masakit nga mga pagtilaw nga inyo ginaagihan. Kon ginatilawan ang inyo pagtuo indi kamo maghunahuna nga kon daw ano na gid ang matabo sa inyo.”
  - Sa baylo, kilalaha nga ginausar sang Dios ang ina nga mga pagtilaw para mangin himpit ka…
  - Pabaskogon sang Dios ang ïnit”sa imo kabuhi – ibutang nya ikaw sa kalayo sang manugtunaw
  - Ang pilak nagaputli lang kon ibutang sa init sang mabaskog kag mainit nga kalayo
  - Ginapaguha sang kalayo ang mga higko sa pilak para ini matinluan
  - Ang platero nakabalo nga putli na ang pilak kon makit-an nya na ang iya kaugalingon sa banaag sa pilak…
  - Ginabutang kita ni Jesus sa kalayo para madula ang mga higko sa aton kabuhi (sala)
  - Mahibal-an niya kon tapos na – kay makit-an niya ang iya banaag sa aton kabuhi!
- Nagahatag sang radikal nga solusyon si Jesus para makalampuwas kita sa mga tentasyon…
  - Kun ang imo kamot, tiil, ukon mata amo ang nagasulay para makasala ka…
    - Kun ang kamot mo pirme nagapanguha sang mga butang nga indi imo – utda
    - Kun ang tiil mo nagakadto sa lugar nga indi dapat kadtuan – utda
    - Kun ang mata mo nagatulok sa mga butang nga indi dapat – lukita…
  - Mas maayo nga magsulod ka sa kabuhi (langit) nga kumpol kaysa magsulod ka sa wala untat nga kalayo (impyerno) nga kumpleto
    - Impyerno – gehenna – Nalupyakan sang Hinnom – bagatnan sang Jerusalem…
      - Ang lugar nga kun diin tanan nga basura kag patay nga sapat sang syudad ginahaboy kag ginasunog
      - Kun diin ang ulod indi mapatay (basurahan) kag ang kalayo wala naga-untat…
      - Maathag nga laragway sang wala katapusan nga pagpa-antos – pagkahamulag palayo sa Dios – ikaduwa nga kamatayon
    - Ang punto ni Jesus indi amo nga lukiton ang imo mata ukon utdon ang imo kamot
    - Kun lukiton mo ang to-o mo nga mata, makasala ka man gihapon gamit ang wala nga mata…
    - Ginapakita ni Jesus ang mga tuman nga madagmit nga hilikoton para mapalayo kita sa kasalanan
    - Kun wala naton ginabantayan ang aton ginapanghunahuna, kun diin naton ginapakadto ang aton nga mga pamensaron…
    - Santiago 1:12-15 – “Ang tawo ginasulay kon ginaguyod kag ginaganyat siya sang iya malain nga handom. Kag kon ang iya malain nga handom matuman, ang resulta sini amo ang paghimo sang sala; kag kon magpadayon ang tawo sa pagpakasala, ang iya padulungan amo ang kamatayon.”
    - Wala kita gulpi lang nagabugtaw isa ka adlaw kag magdesisyon nga magpakasala
    - Ginapasugtan ta ang aton panghunahuna nga magtener sa malain nga handom…kun magbun-ag na ang handom….sala
    - Ang mga hunahuna maabot kag madula sa aton pamensaron –luas kon hatagan ta sang lugar nga magtener…
    - Indi mapunggan ang pispis nga maghugpa sa imo ulo, pero indi pagpabay-ii nga maghimo sang pugad
- Naunawan… vs. 49-50
- Tanan nga mga halad dapat naunawan sa kalayo kag asin…
  - Ginatawag kita nga mangin buhi nga halad – nga magkabuhi para kay Jesus – Roma12:1
  - Ang kalayo amo ang pagtilaw nga gina-agyan ta – samtang ginapaputli kita ni Jesus…
  - Ang asin amo ang epekto naton sa kalibutan samtang nagakabuhi kita para kay Jesus…
    - Ang asin isa ka elemento nga makapreserbar sang pagkaon – kun indi mo gusto mapan-os, dugangi asin
    - Ang aton kalibutan amat-amat nagakapatay – Ginbutang ta diri sang Dios para ipreserbar ini
    - Ang asin isa man ka elemento nga makapa-ayo kag makapa-putli – makatinlo sang mga pilas (medyo masakit kag maka-iritar lang)
    - Ginhatag sang Ginoo sa aton ang Maayong Balita para mapa-putli naton kag mahatagan kabuhi ang naga-hingalo nga kalibutan
    - Apang sigurado nga nagaka-iritar sa aton ang ini nga di-putli kag malaut nga kalibutan
    - Ang asin nagapa-uhaw – tungod sina, mangita ka gid tubig
    - Nauhaw ang kalibutan – galing sala nga bubon ang ginakuhaan nila sang tubig…
    - Sa pagpadayon naton nga pagkabuhi para kay Jesus – nagapakita sang gugma ni Jesus – nagaganyat man kita sa iban nga maghandom para kay Jesus
  - Pero kun ang asin madulaan sabor…
    - Kun mangin kaangay man lang kita sang kalibutan – imbes nga ipaputli ini – nadula na ang aton nga katuyuan
    - Kun madulaan sabor ang asin (iya ikasarang nga nga magpreserbar / magpaputli) waay na ini pulos
    - Masubo gid kun ang simbahan pareho lang gid sa kalibutan
- Conclusion…
  - Nian, mag-alagad kita sa isa kag isa – mangin “Labing-daku”– bilang simple nga mga anak sang Amay…
  - Palig-onon ang isa kag isa nga magpadayon tulok kay Jesus – Kapin na gid sa mga pagtilaw / pagsulay sa aton kabuhi
  - Mangin asin para sa dula kag amat-amat nga nagakapatay nga kalibutan, kay ini nagakinahanglan sang isa lang gid ka sabat – si Jesus!