Mark 6:30–56

Marcos 6:30-56

Review…

• Marcos – ang Gospel nga para sa mga Gentil – nagapakita nga si Jesus nagapangalagad sa tanan – Marcos 10:45
• Marcos 1:1 – 6:7 –Ang Ministeryo ni Jesus sa Galilea…
• Marcos 5:1-43… Panglakaton sa kudal…
  • Nagtabok si Jesus pakadto sa Natundan nga bahin sang Dagat sang Galilea – ang Gadarenes (Decapolis)
    • Isa ka tawo nga nasudlan sang madamo nga mga malain nga espirito nga ginatawag ‘Legion’ ang nagpalapit sa kay Jesus – nag-pangabay nga idap-ong sila nga mga espirito sa mga baboy
    • Sang nagsugata ang mga katawhan kay Jesus, nagpangabay sila nga maghalin na lang si Jesus – kompromiso
  • Nagbalik si Jesus sa Nasidlangan nga bahin sang Dagat sang Galilea – sa Capernaum…
    • Jairus – tagapamuno sang sinagoga – nagpangabay kay Jesus nga ayohon ang iya nga 12 anyos nga bata nga babayi
    • Sang nagapanglakaton si Jesus, isa ka babayi nga 12 na ka anyos may balatian ang nagtandog sang sidsid sang panapton ni Jesus , kag siya na-ayo
    • Sa balay ni Jairus, napatay na ang bata niya nga babayi – indi magkahadlok, magpati lang – nabuhi liwat
    • Duwa ka nagkalain-lain nga mga problema – isa ka solusyon – si Jesus!
    • Marcos 5:1-43… Panglakaton sa kudal…
  • Ang isa ka propeta ginapadunggan man – luas na lang sa iya kaugalingon nga banwa
  • – vs. 1-6
    • Nagbalik si Jesus sa Nazareth – ang gindak-an niya – wala siya nila ginbaton
    • Nakilala siya nila halin sang gamay pa siya – iya ginikanan / mga utod – ano pa wala sila nagpati…
  • Nagbalik si Jesus sa Galilea para ipadala na sa panglakbayon ang 12 ka disipulo… vs. 7-13
    • Tag duwa-duwa / wala dala nga kwarta / magtener kag mag himo sang mga disipulo halin sa mga nagapati kag nagatuo
    • Indi galing tanan ang nagpati – mas maayo pa ang naabtan sang Sodom kag Gomorrah kun ikumparar sa ila…
  • Ang kamatayon ni Juan nga manugbautiso… vs. 14-29
    • Sang nakabati si Herod parte kay Jesus, iya ginpamensar nga amo ini si Juan Bautista nga nabanhaw…
    • Natublag kag nakonsiyensya siya kay siya ang nagpapugot sang ulo ni Juan – tungod sang iya nga panumpa sa kay Salome, sa iya pagsaot sa pagsinadya
    • Pagkatapos nila malubong ang bangkay ni Juan – nagsugid ang mga disipulo kay Jesus

Pagpakaon sa 5000… vs. 30-44

• Pag-alalaw sa kamatayon sang Abyan… vs. 30-34
  • Ang mga disipulo nagbalik pagkatapos nga makigbahin sang Maayong Balita sa Galilea – ginsugid nila kay Jesus ang tanan nga nahimo nila…
    • Tam-an gid kasako si Jesus kag ang mga disipulo nga daw indi na sila makakaon…
    • Ginpasakay sila ni Jesus sa isa ka baroto pakadto sa isa ka tawhay nga lugar para makapahuway…
    • Kon kis-a, tam-an gid kasako sang aton kabuhi – mas rason pa gid nga mag hatag kita sang tion upod kay Jesus
    • Sa kasakuon sang aton kabuhi – sa kay Jesus lang kita makakita sang kaathag kag sakto nga direksyon
  • Nakit-an sang kadam-an ang paglakat ni Jesus – naglakat man sila kag nauna pa sila nag-abot!
    • Nag-guwa si Jesus – indi halin sa isa ka building – kundi halin sa Iya nga “tion nga pagpahuway “- pabalik sa obra
    • Kaangay sa mga karnero nga wala sang manugbantay – ginkaluy-an sila – gintudloan sila sang madamo nga mga butang
    • Kun kapoy gid ako – daw indi ako makahatag sang kaluoy…
    • Nanamian gid ako nga bisan kapoy na gid kag daw naubusan na pwersa si Jesus – Makahatag siya gihapon sang paghigugma sa mga katawhan
    • Wala niya gintabog – wala niya ginhambalan nga magbalik na lang bwas
    • Amo man siya gihapon subong – Ara gid siya kon kinahanglan ta siya!
    • Pagpakaon sa Madamo… vs. 35-44
  • Ang problema: Nagpalapit ang mga disipulo kay Jesus nga may dala nga problema…
    • Manogtunod na ang adlaw kag wala pa gihapon naka-kaon ang mga katawhan
      • Ara sila sa malayo-layo nga lugar, wala gid sang mabaklan pagkaon
      • Ang solusyon sang mga disipulo – Palakton sila ni Jesus para makapangita sang pagkaon
      • Amo ni ang pinaka-lohikal nga solusyon – daw wala na sang mas maayo pa nga paagi
    • Kun wala sila nakapamangkot kay Jesus – amo gid ni siguro ang ila himoon …
      • Masami kita mabutang sa lugar nga kinahanglan ta magdesisyon sa butang nga pwerti kabudlay
      • Himoon ta gid siguro ang pinakamaayo nga nahibaloan ta para makahatag sang pinaka lohikal nga solusyon
      • Kun indi ta pag-dal-on ang problema kay Jesus – limitado lang kita sa ATON nga pinakamaayo nga nahibaloan
  • Ang sugo : Sa baylo, ginhatagan sila ni Jesus sang simple nga mando – kamo pakaon sa ila!
    • Makahalam-ot ini nga sugo – may ara lab-ot nga 5000 ka tawo (+ mga babayi kag kabataan)
      • Namangkot sila kay Jesus kun mabakal sila tinapay nga nagabalor 200 ka adlaw nga sweldo !
      • Pero ginhambalan sila ni Jesus nga isipon kun pila ka tinapay nga may ara sa ila…
      • Nahibaloan nila nga 5 lang ka tinapay kag 2 lang ka isda ang ara…
      • Handurawa bala, mapakaon ka sang masobra 15,000 ka mga tawo gamit ang 5 lang ka yahong nga kan-on kag 2 lang kabilog nga isda!
      • Mas madamo pa ina sang sa populasyon sang San Antonio, Calasa, kag Lagtipon!
    • Bisan tag isa lang ka uyas sang kan-on kada isa – kulang man gihapon!
      • Ang problema nga aton ginaatubang antes ta magpalapit kay Jesus…
      • Amo nga limitado lang kita sa aton kaugalingon nga kasarang
      • Ilisipon lang ang aton oras, kwarta , kag talento
      • Masami kulang gid para maghimono sa mga ginaatubang ta nga problema…
  • Ang solusyon : Ihatag kay Jesus ang tinapay kag isda…
    • Wala kaso kay Jesus kun ano man ang ara sa imo – ang importante nga ginhatag mo sa iya!
      • Kun ang mga disipulo may 500 ka tinapay, kulangon man na gihapon
      • Pero sang paghatag nila sang ila nga dyutay sa kay Jesus
    • Gin padamo niya nga sobra pa mahimon-an ang problema – tanan nabusog!
      • Masami nagatulok kita sa kun ano ang ginakaptan ta
      • Nagapamensar kita nga kulang ang kwarta, kulang ang oras, kulang ang talento
      • Ang aton problema, masyado kita nagatutok sa aton kaugalingon – pero ini tanan indi nahanungod sa aton…
      • Bug-os gid nga nalisanan ta ang punto – indi ini parte sa kun ano ang ara sa aton
      • Nahanungod ini sa kun sa kay sin-o mo ini ginahatag! kay Jesus!
      • Kun ginahatag naton ang bisan ano nga ara sa aton – himon-an gid ni Jesus ang aton mga kinahanglanon!
      • Ang istorya sang subasta sang daan nga biolin (sa kamot sang batid nga manugtukar)
  • Ang resulta: ginbaton ni Jesus ang dyutay nga ginhatag – ginpakamaayo – kag ginhatag balik
    • Ang 5 ka tinapay kag 2 ka isda – nangin bastante para mapakaon ang mga libo-libo!
    • Ang mga disipulo naghatag sang dyutay nila – ginhatag balik ni Jesus nga abunansya kag sobra pa
    • Damo-damo gid nga nabusog gid tanan – kag may nabilin pa nga 12 ka alat!
    • Kun ginahatag ta ang tanan ta kay Jesus – indi lang ina mangin bastante – kundi damo pa gid bilin nga sobra!
    • Kun ari ka kag sobra gid kadamo sang imo problema – kag nagabatyag ka nga daw na-ubsan na gid
    • Ihatag tanan kay Jesus – himon-an niya ang kinahanglanon mo – nga may sobra pa – para pati ikaw puno man!

Ang Hangin kag ang Balod… vs. 45-52

• sa gilayon ginpakadto ni jesus ang mga disipulo sa pihak… vs. 45-46
  • Gusto sang kadam-an nga himoon Hari si Jesus…
    • Basi pati ang mga disipulo nagkakunyag man sa mga hitabo
      • Handurawa kun ang isa ka tawo nakapakaon sang 15,000 gamit lang ang 5 ka tinapay kag 2 ka isda
      • Madaug gid siya siguro sa bisan ano nga eleksyon!
      • Indi na makatilingala nga handa na ang mga tawo nga himoon hari si Jesus
    • Galing may problema – gusto nila siya maging hari sa indi sakto nga rason…
      • Juan 6:15,26 – “Nakahibalo na nga daan si Jesus nga may tuyo sila nga kuhaon siya kag piliton nga mangin hari nila. Gani naghalin siya didto kag nagtaklad balik sa bukid nga siya lang… Nagsiling si Jesus sa ila, “Sa pagkamatuod, ginasugid ko sa inyo nga ginapangita ninyo ako indi tungod sa mga milagro nga inyo nakita, kundi tungod kay ginpakaon ko kamo sang tinapay kag nabusog kamo.”
      • Ang mga katawhan nagapangita lang sang pagkaon – wala sila nagapangita sang kaluwasan – ang Tinapay sang Kabuhi…
      • Kinahanglan nila ang pisikal nga tinapay para sa lawas – pero mas importante pa gid espiritwal nga tinapay para sa ila kalag !
      • Juan 6:35 – “ Nagsiling si Jesus, “Ako amo ang tinapay nga nagahatag sang kabuhi. Ang nagapalapit sa akon kag nagatuo indi na gid pag-gutumon ukon pag-uhawon”
      • Nagatulok bala kita sa Dios para lang mahatag niya ang mga gusto ta – mga pisikal nga mga kinahanglanon / pagkaon
      • Ukon nagapalapit kita kay Jesus tungod Siya ang sabat para sa Kabuhi nga Wala Katapusan!
  • Nagsaka si Jesus sa bukid para magpangamuyo…
    • Dumduma kon ngaa ari diri si Jesus – para makapahuway / makapamensar tadlong
      • Ayhan nga may mabug-at nga balatyagon tungod nahibaloan niya nga lapit na lang matabo ang iya pagkalansang sa krus.
      • Dugang pa gid nga nagpabug-at sa iya nga tagipusoon ang reaksion sang kadam-an…
      • Ang mga tawo imbes nga magpalapit para maka-angkon sang kabuhi nga wala katapusan – nagkari lang para sa tinapay kag isda
    • Nagkadto si Jesus sa isa ka lugar nga kun diin siya malugpayan kag makabawi sang kusog – sa pagpangamuyo
      • Indi na dapat ipamangkot kun maabot bala ang mga problema sa pangabuhi – ang pamangkot, San-o maabot?…
      • Kun indi maayo ang mga sirkumstansya – diin kita nagakadto – ano ang aton obrahon
      • Nagasalig bala kita ukon nagadepende sa iban – nagasalig bala kita sa aton kaugalingon…
      • Ukon nagahatag bala kita sang tion para madangop si Jesus – kag pangyuon sa iya ang mga sabat
      • Nagalakat sa ibabaw sang tubig… vs. 47-52
  • Sang amo man nga tion, ang mga disipulo ginabudlayan sa baroto – madlos gid ang huyop sang hangin…
    • Indi man dako gid ang Dagat sang Galilea – 11 lang ka kilometero ang iya kasangkad
      • Pero inoras na sang makatunga-tunga pa lang tabok ang mga disipulo
      • Ang Dagat sang Galilea 209 ka metro nga mas manubo kaysa normal nga nibel sang dagat
      • Ang Mt. Hermon nga ara lang sa Aminhan, 2, 814 ka metro ang katason (may kalo nga niyebe)
      • Tungod sa kadako nga katuhayan, nagadala ini sang madlos nga hangin kag mabalod nga tubig…
    • Na-agyan gid nila ang ‘pagtilaw’ samtang nagabugsay sila kontra sa hangin…
      • Ang pagtilaw – Ginhambalan sila ni Jesus nga magtabok pakadto sa pihak – pero indi mahapos himoon
      • Sigurado gid nga naga-umpisa na sila nga magduda sa kasarangan nila magtabok…
      • Ayhan nakapamensar man sila nga magbalik na lang…
      • Gin tinguhaan gid nila, pero indi gid makasarang – indi makabato sa hangin
      • Kun may ginapahimo ang Ginoo sa aton – kahapos magsiling ‘Oo’ sa Ginoo
      • Galing paano na lang kun nagabudlay na ang mga hitabo – wala nagsilingl si Jesus nga hapos lang tanan
      • Mauntat bala kita – lisoon ang baroto kag magpuli na lang…
      • Ang pagsunod kay Jesus wala nagagarantiya sang mahapos nga kabuhi – pero nagagarantiya ini sang Kabuhi nga Wala Katapusan
      • Ngaa kinahanglan gid nga mabudlay ini – para matun-an ta gid nga magsalig kay Jesus
      • Permi gid nga may ara kita sang huyog nga magsalig sa aton kaugalingon
      • Bahin na sa pagtuon sang pagsunod kay Jesus – amo ang pagtuon sa pagsalig kag pagdepende sa Iya
  • Mga alas 3 sang kaagahon – Nagpalapit si Jesus nga nagalakat sa tubig…
    • Nagabantay si Jesus sa ila sang bilog nga tion…
      • Ginpahanugotan ni Jesus nga makatilaw sila sang kabudlay sa unos – pero wala gid siya nag-untat sa pagbantay sa ila…
      • Kaangay sang isa ka bata nga nagasugod pa lang maglakat – ang mga ginikanan ara lang sa malapit nga nagabantay
      • Pabayaan lang nila nga ang bata nga magtakangtakang kag bisan matumba – nagatigayon nga nagatuon maglakat
      • Pero ara man lang sila sa malapit para pudyoton ang bata kun matumba kag siguradohon nga layo sa peligro
      • Ginapahanugotan ni Jesus nga maka-agi kita sa mga pagtilaw kag kabudlayan – pero indi gid kita naga-isahanon
      • Permi gid Siya upod sa aton – ginabantayan kita – ginasigurado nga layo kita sa peligro
    • Nagpalapit si Jesus nga nagalakat sa tubig – lapit na lang nga malabayan sila…
      • Natudloan niya na sila sang leksyon – magpamati sa Iya nga Pulong – indi magtulok sa mga sirkumstansya
      • Natabo na kaisa sa nagligad nga ginpakalma ni Jesus ang hangin kag ang balod– Marcos 4:35-41
      • Kun nagatulok lang kita sa mga bagyo sang aton kabuhi – nagakahadlok kag wala kasiguradohan
      • Kun mamati ka kay Jesus – may himpit ka nga paghidaet sa tunga sang bagyo!
      • Nahibaloan gid ni Jesus nga maka-abot sila sa pihak nga bahin – kag pakadto siya didto para sugataon sila
      • (Side note – wala ginsulat ni Marcos ang paglakat ni Pedro sa tubig – kag pagkalugdang)
      • (Kay ang libro nga Marcos kasaysayan ni Pedro sang kabuhi ni Jesus – ayhan basi gusto niya lang hipsan ang ina nga bahin …)
    • Pwerte gid ang kahadlok sang mga disipulo kag nagapamensar sila nga bagat si Jesus (nga nagalakat sa tubig )
      • Gilayon nga naghambal si Jesus, ‘Mangin malipayon kamo – Ako ini – indi magkahadlok.’
      • Nag-saka siya sa baroto kag gilayon – liwat – nag pundo huyop ang hangin!
      • Nahayanghag gid ang mga disipulo – liwat – kay ang ila nga mga tagipusoon matig-a pa gihapon – may kalyo …
      • Sa matuod lang, talagsa lang kita makahangop sang leksyon sa una nga pagtudlo sa aton
      • Kabubut-on gid sang Dios nga tudluan kita sang pareho nga leksyon liwat – kag liwat – kag liwat
      • Nagatingala ka bala kun ngaa may 4 ka mga Gospels – nga daw halos pareho man lang – Kay wala naton maintindihan sang una nga bes!

Ang ikaduwa nga bes… vs. 53-56

• Pagbalik sa Gennesaret… vs. 34-36
  • Gennesaret – ang Decapolis – ara sa Natundan nga mga baybayon sang Dagat sang Galilea…
    • Nakilala sang mga tawo si Jesus – epiginosko – mahibaloan gid sang maayo paagi sa ekspiriensya
      • Indi ini ang una nga bes nga nakita nila si Jesus – ‘Legion’ – Marcos 5:1-20
      • Ginsikway nila si Jesus sang una nga bes – nagpangabay sila nga maghalin Siya
    • Subong ya, nagkari na sila gikan sa bug-os nga rehiyon – nga ginadala tanan kay Jesus!
      • Ngaa nagkambyo ang tagipusoon – ang tawo nga si ‘legion’ nga ginpa-ayo ni Jesus nagtener sa ila lugar
      • Marcos 5:20 – “Gani naglakat ang tawo kag nagkadto sa Decapolis. Kag didto ginpanugid niya ang ginhimo ni Jesus sa iya. Natingala gid ang tanan nga nakabati sa iya.”
      • Tungod nga naka panugid siya nahanungod kay Jesus – ang mga katawhan may kauhaw na nga magbaton kay Jesus!
      • Sa una ta nga bes nga magsugid sang Maayong Balita – basi tabogon lang nila kita
      • Pero samtang makita nila ang ginaobra sang Dios sa aton kabuhi – sa pagpadayon naton nga paghigugma sa ila
      • May maabot gid nga adlaw nga may kagutom gid sila nga makabaton sang Maayong Balita ni Jesus!
      • Indi ka mag-ampo kag mag-untat sa mga may matig-a nga tagipusoon – kis-a kinahanglanon ta gid ipa-ambit sa ikaduwa nga bes
  • Nagpalapit sila kay Jesus kag nagpakilooy nga makatandog man lang sang sidsid sang Iya bayo …
    • Natun-an naton ang parte sa sidsid sa Marcos 5 – ang babayi nga may balatian nga sige lang ilig sang dugo
    • Pinasahi gid ang sidsid sang mga bayo sang mga Hudyo – may 4 ka nagawagayway nga borlas – Numbero 15:38-39
    • Ang sidsid sang bayo ni Jesus nagarepresentar sang Iya Pulong
    • Kun ang tawo nagatalang / dula / kag wala sang kasiguradohan – ang mga sabat ara lang sa Pulong
    • Kon indi sila sigurado kun ano ang ila obrahon – indi sila sigurado sa direksyon sang ila kabuhi
    • Dal-a sila sa Pulong – ihatag gid sang Dios sa ila ang mga sabat nga kinahanglan nila…