Mark 8:22–38

Marcos 8:22-38

Introduction…

• Marcos – Ang Maayong Balita para sa mga Gentil – nagapakita nga si Jesus naga alagad sa tanan – Marcos 10:45
• Marcos 1:1 – 6:7 – ang Pag-alagad ni Jesus sa Galilea …
• Marcos 6:1-56… Ang Pagtapos sang ministeryo sa Galilea
• Marcos 7:1-23… Mga Tradisyon sang tawo…
  • Ang lideres sang relihiyon nag hangkat kay Jesus – ngaa wala nag hugas sang kamot nila ang mga disipulo
    • Si Jesus nag sabat sa ila – ang inyo nga ginatudlo tradisyon sang tawo nga gin himo ninyo nga kasuguan…
  • Sa mga kadam-an – indi tungod sa inyo gina kaon – apang kon ano ang ga guha sa inyo bibig amo ang naga dagta sa inyo…
    • Maathag – kon ano ang naga sulod – nagaguha liwat kag indi makadagta sa imo
    • Kon ano ang ga kawas sa imo bibig – naghalin sa imo tagiposoon – amo na ang naga dagta sa imo
    • Marcos 7:24-37…Daku nga Pagto-o – ang babayi nga Syro-Fenician…
  • Nag kadto kay Jesus nga nagapangayo bulig para sa iya bata nga babayi – si Jesus nag hatag sang 3 ka sabat – nagpahayag sang Daku nga pagto-o
    • DAKU NGA PAGTO-O – dapat mahangpan nga wala na sang iban – si Jesus lang
    • DAKU NGA PAGTO-O – wala naga untat – nagapadayon – maukod nga gapanikasog – ginapangita si Jesus
    • DAKU NGA PAGTO-O – may ara nga pagpaubos – nahibaluan nga wala sa aton kaugalingon ang sabat
  • Ang Pagayo sang bulag kag bungol nga tawo – sa Geresa
    • Ginbutong niya ang tawo pahigad – agod indi siya madisturbo sang kadam-an
    • Gin butang niya iya tudlo sa dalunggan /gin duplaan ang dila – indi ma paktan ang pamaagi ni Jesus
    • Indi lang ang tawo – pati ang kadam-an man – tanan nag guha kag nagsugid parte kay Jesus!
    • Marcos 8:1-21… Pagpaka-on sang 4000
  • Nagtu-on liwat sang isa ka leksion – indi sa kon ano may ara ka – kundi kon kay sino mo gin hatag!
  • Nagaapangita sang milagro – ang Pariseo kag Saduceo…
    • Indi man nila gusto ang milagro – kay kadamo naman – gusto lang nila pamatud-an nga sayop si Jesus!
    • Wala sang tanda nga igahatag – pero ang tanda kay Jonas – ang mensahi sang Maayong Balita!
  • Mag-andam sa lebadora sang Pariseo…
    • Abi sang mga disipulo nga naakig si Jesus kay nalipat sila magdala sang tinapay…
    • Wala siya sang pagkabalaka parte sa pagkaon – kundi ang sayop nga panudlo sang mga lideres sang relihiyon!

Ang pag-ayo sang bulag nga tawo… vs. 22-26

• Nagbalik sila sa Betsaida (mapa sang Israel)…
  • Tungod nga naakig naman liwat ang lideres sang relihiyon (nagaapangita sila sang tanda) Nagbalik sila sa nasidlangan nga bahin sang Galilea
    • Sa tion nga nag-abot sila ang mga tawo nag dala sang bulag sa kay Jesus…
    • Ayhan pareho man nga mga tawo nga nag dala sang bungol kag apa kay Jesus….
    • Pareho sa bungol kag apa nga tawo – gin dala siya ni Jesus pa gwa sa banwa…
  • Gin duplaan ni Jesus ang iya nga mata – kag gin tandog niya sang Iya kamot …
    • Sa ika duha nga tion sa nasidlangan sang Galilea –si Jesus nang ayo paagi sa dupla…
    • Si Jesus wala nakapang ayo paagi sa dupla sa katundan nga bahin sang Galilea…
    • Si Jesus masami nga gapangayo paagi sa pag tandog – ang ugangan ni Pedro / ang aruon…
    • Ang punto indi lang kon ano ang paagi sa pag ayo – kundi nga makaayo siya – kag makaluwas!
    • Sa masami ang tawo kadali mahaylo sa gagmay nga butang – kag mapabay-an kon ano ang importante…
    • Basi makapanumdom ka nga kon magsugod sang simbahan sa nasidlangan nga bahin – ‘Simbahan ni Jesus nga naga dupla’
    • Sa Katundan naman sang Galilea – ‘Simbahan ni Jesus nga nagatandog’
    • Pareho nga simbahan nagapati nga sila lang ang ‘insakto’ nga simbahan kag ang iban indi insakto…
    • Sa masami sa isa ka simbahan naga naga ka apike kita sa magagmay nga kinalain…
    • Fellowship Baptist / Baptist convention / Catholic…
    • Nalipat kita nga parte kita sang pareho nga simbahan – ang Lawas ni Cristo!
    • I Corinto 12:12 – “Ang lawas may madamo nga mga parte pero isa lang ka lawas. Pareho man sini sa aton nga mga tumuluo nga lawas ni Cristo.”
    • Mas importante nga may ara kita sang kapareho – si Jesus – kaysa aton lang nga kinalain
  • Indi lubos ang Pagayo…
    • Si Jesus nagpamangkot sa tawo kon ano iya nakita…
      • Ang mga tawo daw mga kahoy nga nagalakat sa palibot – sa malip-ot nga pulong – makakita siya – pero indi maayo
      • (ayhan nga ang panulok niya buron tungod sa dupla…)
    • Gin tandog siya uli ni Jesus – sa sini nga tion ang iya panan-aw na balik nga bug-os…
      • Amo lang ini nga halimbawa nga nasulat sa Biblia nga si Jesus nagakinanglan sang kaduha nga tion para mag-ayo sang tawo…
      • Wala sang duda – nga maayo siya ni Jesus sa una nga tion – ngaa may ikaduha pa nga tion…
      • Sang wala pa kita maluwas – sang wala pa kita kay Jesus – bulag kita sa espiritu
      • Sang pag tandog ni Jesus sa aton – naluwas kita – kag ang aton mata makakita na
      • Kon una pa lang indi pa naton makita sang maayo – ang mga bagay buron pa…
      • Kabalo kita nga mapa langit kita – kag indi pa amo sina naton kakilala si Jesus/ang Biblia…
      • Apang sa pagpadayon naton kadto kay Jesus – sa pag tandog sa aton sa 2^nd (3^rd, 4^th…) nga tion
      • Makita na naton sang maathag si Jesus – ang aton mata bukas na gid!
  • Indi mag kadto ukon mag sugid sa bisan kay sino sa baryo – nga nagalikaw si Jesus sa igtalupangod sang publiko

Sin-o bala ako suno sa mga tawo… vs. 27-30

• Damo ang pililian – apang isa lang ang husto nga sabat… vs. 27-29
  • Si Jesus kag ang mga disipulo nag sulod sa rehiyon sang Cesarea Filipo…
  • Aminhan sang Israel – sa nalupyakan sang bukid sang Hermon – dulunan sang Lebanon/Siria
  • Ara si Jesus nga naga pamangkot (Imperfect) – ‘Sino ako suno sa mga tawo?’
    • May ara nga iban ga hambal – si Juan nga Manugbawtiso – Marcos 6:14
      • Si Herod Antipas kumbinsido nga si Jesus amo si Juan nga nabanhaw sa minatay
      • Tungod nga gina konsiensya siya sang pag papatay niya kay Juan…
    • Ang iban ga hambal – si Elias
      • Malaquias 4:5 – “Pamati kamo! Sa indi pa mag-abot ang makahaladlok gid nga adlaw nga magasilot ako, ipadala ko sa inyo si Propeta Elias.”
      • Sa katapusan nga bersikulo sa OT nga nagpropesiya sang pagbalik ni Elias nga propeta
    • May nagasiling – isa sa mga propeta
      • Mahimo nga samo nga mga propeta nga ginabanabana man
      • Deuteronomeo 18:15 – “Sa baylo, magapadala sa inyo ang Ginoo nga inyo Dios sang isa ka propeta nga pareho sa akon, nga kadugo ninyo. Kinahanglan nga pamatian ninyo siya…”
      • Si Moises nag tagna nahanungod sang isa ka propeta pareho sa iya nga mag kari…
  • Ka interesante nga makita nga kadamo sang opinyon nahanungod sang pagkatawo ni Jesus…
    • May mga butang nga wala nabag-o sang tuman – damo gihapon sang opinyon sa sini nga tion:
    • Ang kasaysayan nagapati – nga si Jesus isa ka matuod nga bantog nga maragtas – pero indi ang Diyos
    • Ang Muslim nagapati – nga si Jesus isa lang ka propeta – galing kubos kay Muhammad
    • Ang Hindu naga pati – nga si Jesus reinkarnasyon sang isa ka perfecto nga tawo
    • Ang Jehovah Witnesses naga pati – nga si Jesus si Michael nga Arch-angel
    • Ang Mormons nagapati – si Jesus isa ka dios – pero indi ang Isa ka matuod nga Diyos
    • Daw ga gwa nga indi pwede nga indi pagsapakon si Jesus – pero indi sila nagaugyon sino siya
    • Apang indi na importante kon ano ang ihambal sang iban…ang matu-od nga pamangkot
  • “Sin-o AKO sa imo?”
    • Si Jesus wala labot kon ano ang ihambal sang iban – ano ang imo ginahambal
    • Sino si Jesus sa imo kabuhi… isa lang bala siya ka tawo, Angel, ukon Propeta…
    • Siya bala imo Diyos – imo manluluwas – ukon imo nga Ginoo
    • Kahapos mag hambal – pero aton bala gawi ga santo sa aton ginahambal
    • Makita bala si Jesus sa imo kabuhi – kag naga sunod kay Jesus…
    • Ikaw si Cristo… vs. 29-30
  • Si Pedro masidla sa pag sabat..
    • Ikaw si Cristo – literal nga siya Mesias – manluluwas sang kalibutan!
    • Si Jesus indi lang tawo – Propeta – ukon Angel – Siya ang Diyos nga nagsuklob tawhanon!
    • Gin baton ni Jesus ang pagkilala ni Pedro sa iya – kag nagapamatu-od nga siya ang Mesias
  • Paano ni Pedro na hangpan – ang butang nga wala matalupangdan sang iban …
    • Ginpahayag halin sa akon Amay sa Langit – Mateo 16:17
    • Ginpahayag – apokalupto – nagabukad sa natago nga kamatuoran
      • Ang nahangpan ni Pedro isa ka dako nga misteryo – isa nga dugay nga gintago
      • Sa sini nga tion tunga lang ang nakuha niya nga kamatu-oran – kon sino si Jesus – indi kon ngaa nga nag kari siya…
      • Asta sa sini nga tion wala sang may nakahangngop ngaa si Jesus nag kari
      • Kon nahibalu-an lang nila – wala tani nila siya gilansang sa krus!
      • I Corinto 2:7-8 – “ Ining kaalam nga akon ginasiling amo ang tinago nga kaalam sang Dios nga wala ginpahayag sa mga tawo sang una. Sang wala pa matuga sang Dios ang kalibutan, ginplano na niya ini nga mga butang agod mapadunggan niya kita.”
    • Indi kay Pedro nga kaalam ang nag pahanugot nga makahangop…
      • Isa ka pahayag nga halin sa Amay sa Langit
      • Nagakatingala bala kamo nga ang tawo indi makaintiende sang maathag nga kamatuuran
      • Kaathag nga si Jesus amo ang sabat – paano nga indi pa nila matalupangdan ini
      • I Corinto 2:14 – “Pero ang tawo nga wala sa iya ang Espiritu sang Dios indi magbaton sang mga pagpanudlo nga halin sa Espiritu, tungod nga para sa iya kabuangan lang ini. Kag indi niya ini maintiendihan tungod nga ang Espiritu gid lang sang Dios amo ang makabulig sa iya sa pag-intiendi sin”
      • Ang Diyos napatay para kita mabuhi – agod nga kita mabuhi dapat kita mapatay
      • Mangin makusog ka kon ikaw maluya … kabuangan ini para sa kalibutan!
      • Mahangpan naton ini indi tungod pwerti sa aton ka alam – ini tungod sa Espiritu sang Diyos nga ara sa sulod ta!
      • Ang kamatuuran sang Dios mahangpan lang sang may Espiritu sang Diyos
  • Indi mag sugid sa iban…
    • Ang mga disipulo nakahangop nga si Jesus ang saad nga Mesias – manluluwas…
    • Pero ang tion indi pa husto nga mag bantala sang Maayong Balita
    • Si Jesus igalansang pa sa krus – kinahanglanon niya gihapon mag bayad sang presyo sang tanan nga sala…
    • Kun husto na ang tion– bisan indi magsugid ang mga tawo – bisan ang mga bato masinggit gid!

Pas-ana ang imo kaugalingon nga krus… vs. 31-38

• Ang pagsabdong kay Pedro… vs. 31-33
  • Halin sa sina nga tion si Jesus nag hatag sang mensahe sang (Imperfect) Maayong Balita…
    • Kinanglan niya mag antos sang madamo – isikway sang mga pari kag escriba
    • Nga siya pagapatyon – kag sa sulod sang tatlo kaadlaw mabanhaw siya liwat (ang mga discipulo wala nakahangop sini)
    • Amo ini ang tunga sang misteryo – kun ngaa si Jesus nagkari…
    • Ang pag kari ni Jesus sa kalibutan indi bastante nga makaluwas – ang Kaluwasan halin sa Krus
    • Ang tagiposoon sang Gospel – kon wala ang Krus wala sang kaluwasan – wala paglaum!
  • Gininbutong ni Pedro si Jesus pahigad kag ginsabdong niya si Jesus
    • Si Pedro nakahangop nga si Jesus amo ang Cristo – pero wala niya mahangpan ang mensahe sang krus..
    • Nakahangop kon sino si Jesus – apang indi ngaa nag kari siya
  • Si Jesus nag liso sa iya mga disipulo – kag sa atubangan nila tanan…
    • Gin sabdong ni Jesus si Pedro – gintawag siya ni Jesus nga satanas!
    • Wala hinalong-ong basi– si Pedro ginasugyot man si Jesus para makalikaw sa krus
    • Si Pedro, pareho nga tawo nga nakahangop sang kabubuton sang amay kag-ina lang
    • Subong napaidalman na sang impluwensya ni satanas!
  • Wala ka nagapaminsar sang butang nga iya sang Diyos – sa baylo ang imo ginpamatian amo ang kalibutan…
    • Si Pedro namian sang ideya nga si Jesus amo ang saad nga Mesias…
    • Pero indi niya gusto ang ideya sang krus!
    • Bisan sino nga maghandum nga mag upod sa akon… vs. 34-38
  • Sa pag responde kay Pedro sang gintilawan ni Pedro nga ikumbinse si Jesus nga likawan ang krus…
  • Si Jesus nag hambal kay Pedro nga mag pas-an sang kaugalingon niya nga krus!
    • Indi gid malikawan ang katuyuan sang pagkari ni Jesus – nag kari siya para nga mapatay sa krus
    • Sa pag sunod kay Jesus – nga mangin disipulo – buot silingon nga mag sunod sa iya hasta sa krus…
    • Gahambal kita nga nagapati kita kay Jesus – naka hangop bala kita sang tuod nga kahulugan
    • Kaangay kay Pedro nahangpan naton kag nauyonan nga si Jesus amo ang Mesias – manluluwas
    • Pero nalimtan ang kamatuoran nga may ara pa sang krus
    • Nagapangita kita sang alagyan sa kaluwasan – pero naga kabuhi sa aton gusto nga paagi
    • Ang pagpati kay Jesus nagakahulugan nga mag sunod kita sa iya – magpas-an sang kaugalingon nga krus – mapatay sa aton kaugalingon!
  • Kon sino nagahandum sa pag luwas sang iya kabuhi iya madula ini (literal nga ginakondenar sa impyerno) …
    • Kon indi naton isikway ang aton kaugalingon – kon gusto mo mag kabuhi sini nga kalibutan
    • Kon ginapa minsar mo makita mo ang kalipay sa mahatag sang sini nga kalibutan – pyerde gid kita
    • Malagas naton ang kwarta, manggad, kabantugan, kag gahum…
      • Ecclesiastes 2:11 – “Pero sang ginhunahuna ko sing maayo ang tanan ko nga ginhimo, nareyalisar ko nga ini tanan wala sing pulos; daw pareho lang nga nagalagas ako sa hangin. Wala gid sing pulos ang pagpangabudlay diri sa kalibutan.”
      • Pero sa pagpangita sang kalipay – sabat sa kabuhi sa sini nga kalibutan, nagalagas ka sa hangin
      • Indi ini parte sang paglagas sang isa ka butang nga ka budlay dakpon, wala dalakpon kay wala gid unod
      • Wala sang naga abot sa katapusan nga nagahandum pa gid sang mas damo nga kwarta ukon gamit
      • Pero damo sang nakarealisar nga gin uyangan lang nila ila kabuhi – nadula ang ila kabuhi – nga naga lagas lang sa hangin…
    • Kun kumpleto ka sang tanan nga butang sang sini nga kalibutan – pero ginbaliwala mo si Jesus…
      • Kon damo ka kwarta / gahum/ bantog ka – tanan nga gusto mo
      • Apang kon ikaw mapatay magkadto ka sa empierno mahamulag kay Jesus – takus gid bala…
  • Kon madula man ang aton kabuhi para kay Jesus – makita man gihapon
    • Kon naga kabuhi kita para kay Jesus, maangkon ta ang tuod nga kabuhi!
    • daw indi naton mahangpan – apang kon madula aton kabuhi para kay Jesus …
    • Dira naton makita ang tuod nga kabuhi – ang kalipay kag paghidaet nga gina handum sang Diyos para sa aton
    • Ano ka maayo sang binhi kon siya lang? Kon kuhaon ko ang binhi kag uyatan ano ayhan ang matabo ?
    • Kon akon buy-an – ukon ilubong – kag kon mapatay – ano ang dason nga matabo…
    • Juan 12:24-25 – “ Ang tawo nga sobra ang iya paghigugma sa iya kabuhi madula niya ini, pero ang tawo nga wala nagakanugon sang iya kabuhi sa sini nga kalibutan tungod sa akon makaangkon sang kabuhi nga wala sing katapusan.”
    • Kon buy-an na naton ang aton mahugot nga kapot sa aton kabuhi – amo na nga makita naton ang matuod nga kabuhi kay Jesus!
    • Maangkon man naton ang tuod nga padya – indi lamang ang eternidad upod kay Jesus
    • Kundi pati kabuhi nga puno sang kalipay samtang naga hulat kita sang iya pag balik!
  • Bisan sino man nga ginakahuya si Jesus – kag ang iya Pulong…
    • Kon nahuya kita sa pag tindug kay Jesus – kita man iya ikahuya!
    • May ara nga dalagko nga pagsulay sa kabuhi nga gusto mag samo man sa kadam-an…
    • Kon Domingo – sa simbahan – handa gid nga mag tindug para kay Jesus…
    • Abi kon sa tindahan – sa trabaho – sa aton nga panimalay
    • Nagahambal kita nga kilala naton si Jesus – gahambal ka nga ga pati ka – pero ginapakita mo bala sa imo kabuhi
    • Roma 1:16 – “Wala ko ginakahuya ang pagwali sang Maayong Balita. Kay amo ini ang gahom sang Dios sa pagluwas sa tanan nga nagatuo, una sa mga Judio, kag dason sa mga indi Judio…”