Mark 8:1–21

Marcos 8:1-21

Review…

• Marcos – Ang Maayong Balita para sa mga Gentil – ginapakita nga si Jesus alagad sang tanan – Marcos 10:45
• Marcos 1:1 – 6:7 –Ministeryo ni Jesus sa Galilea…
• Marcos 6:1-29… Ang Konklusion sang minsteryo sa Galilea
• Marcos 6:30-56… Ginpakaon ang 5000
  • • Sa 5 ka tinapay kag 2 ka isda napakaon ni Jesus ang 5000 ka tawo – pati babayi kag mga kabataan!
    • Marcos 7:1-23… Mga Tradisyon sang mga Tawo…
  • Nanghangkat ang mga Lideres sang relehiyon kay Jesus – nga wala nagapanghinaw kamot ang iya nga mga disipulo
    • Nagsabat si Jesus – Ginatudlo nila ang mga tradisyon sang tawo nga ila ginakabig nga Kasuguan…
  • Sa mga katawhan – Indi kun ano ang ginakaon mo – kundi ang kun ano ang naga guha sa imo bibig nga nagadagta sa imo…
    • Klaro gid – kun ano ang nagasulod – maguwa liwat kag indi makadagta sa imo
    • Kun ano ang nagaguwa sa imo bibig – nagahalin sa imo tagipusoon – amo ina ang nagadagta sa imo
    • Marcos 7:24-37… Daku gid nga Pagtuo– Ang Syro-Phoenician nga babayi…
  • Nagpalapit siya kay Jesus para mabuligan ang iya bata nga babayi – Naghatag si Jesus sang talo ka sabat – nagpakita sang daku gid nga Pagtu-o
    • DAKU GID NGA PAGTUO – nagahangop nga wala na sang iban nga sabat – kundi si Jesus
    • DAKU GID NGA PAGTUO – wala naga-untat – kag nagapadayon gid nga pagpangita kay Jesus
    • DAKU GID NGA PAGTUO – may pagkamainubuson – nakahibalo nga indi kita ang sabat
  • Pag-ayo sang bulag kag sang bungol – Gadarenes
    • Gin butong niya pahigad ang tawo – para indi siya matublag sang madamo nga tawo
    • Gin butang niya ang iya tudlo sa dalonggan/kag nagdupla sa iya dila – indi mo makahon ang mga pama-agi ni Jesus
    • Nag tangla sa langit kag nang hakroy – tanan nga tawo bungol kag apa …
    • Nag hambal siya sa Aramaic – mangin bukas – kag ang tawo na ayo
    • Indi lang ang tawo ang naayo – pati man ang mga kadam-an nga ato didto – ang tanan nag sugid sang ngalan ni Jesus!

Ang pag pakaon sang 4000… vs. 1-9

• Ang pagtuon sang leksion – sa liwat…
  • May ara nga dako nga kadam-an nga gasunod kay Jesus sa sulod sang 3 ka adlaw nga wala sang pagka-on…
  • Naga kalooy siya sa mga ini – indi man siya gusto nga palakton nga wala sang pagka-on – basi malipong sila
  • Gin tawag niya ang iya mga disipulo para makita niya kon ano ang mahimo nila…
    • Pwede gid ni Jesus ma solbar ang problema nga wala sang bulig sang iban
    • Pero isa ka kahigayunan nga mapahanumdom/kag matudlu-an sang leksion ang mga disipulo…
  • Ang mga disipulo nag sabat – diin kita makakuha sang tinapay sa tunga sang desierto nga ini?
    • Makatilingala kadali sa ila nalipat sang natun-an nila sa 5000
    • Sa baylo nga dapat mangita sila sang sabat – gintan-aw ya nila ang kalibutan
    • Nakita nila may ara nga 4000 kalalakin-an(+ babayi kag kabataan) -nakita nila ang desierto – nga wala pagka-on
    • Nalipat sila kon sin-o ang ara sa ila atubangan – si Jesus!
    • Makapinsar kita nga maghukom sa mga disipulo–kon ano kadasig sa ila malipat!
    • Pero pareho man lang ta sa ila – nakita naton kon daw ano kakulunyag ang mga butang nga gin himo niya sa aton
    • Pero sa dason nga mag atubang kita sang pagtilaw – gina una ta balikid ang kalibutan sang sabat…
    • Dapat nga padayon nga pag panumdum agod nga mag tulok kita kay Jesus – pwerti sa aton ka malipaton
  • Si Jesus nag pamangkot kon pila ka tinapay ang ara sa ila’…
    • May ara nga ideya diri – si Jesus wala nag sugo sa ila nga mag pangita sang kaunon para sa tanan
    • Gapamangkot si Jesus kon ano lang ang may ara sila
    • Nag sabat sila sa iya –7 ka tinapay – kag duha ka isda – indi gid makaigo sa ila tanan…
  • Pareho nga leksion nga gin tun-an nila sa pag pakaon sang 5000
    • Kon may 500 ka kilo nga bugas 500 ka isda indi man gihapon makaigo!
    • Pero indi importante ang kon ano ang may ara sila – kundi kun kay sin-o nila ginhatag ini!
    • Sa kamot ni Jesus – ang nakita nila nga indi makaigo – nangin MAS SOBRA pa sobra
    • Permi ta naga tanaw sangkabudlayan nga gina atubang ta base sa aton nga manggad
    • Ano kadamo ang aton kwarta, aton talento, aton abyan, pamilya, oras
    • Kag sa masami nga gakatabo mas gamay sang sa kinahanglanon…amo na ang punto
    • Si Jesus gusto mag tudlo sa aton nga indi sa kon ano nga may ara kita
    • Kon ihatag naton ang aton nga indi DYUTAY sa Iya – Himo-on niya nga MAS SOBRA pasa SOBRA!
  • Gin papungko sila tanan ni Jesus – kag ginkuha niya ang tinapay kag ang isda…
    • Nag pa salamat siya – kag gin hatag sa mga disipulo – nga amo ang naga tagtag sa kadam-an
    • Nakita niyo nga si Jesus wala nag pakaon sa disipulo – gin himo tanan sang mga disipulo…
    • Ang tanan nakakaon kag nabusog – kag may 7 kadalagko sang basket ang nabilin…
    • Nag sugod sila sa 7 ka tinapay kag natapos nga may bilin nga 7 KADALAGKO nga basket!
    • Ang Diyos gusto niya kita pakamaayuhon agod nga mangin pagpakamaayo ka man sa iban…
    • Sa pag hatag naton sang GAMAY kay Jesus kag himoon niya nga MAS SOBRA pa sa SOBRA
    • Kag sa pag baton naton sang pagpakamaayo mangin pagpakamaayo man kita sa iban tungossa gin balik ni Jesus nga abunansya sa aton
    • Kag permi madamo ang bilin sa pagpakamaayo sang Diyos sa aton!

Pangita sang Tanda… vs. 10-13

• Ang Fariseo kag ang Saduceo…
  • Si Jesus nag tabok balik sa katundan nga parti sang baybayon sang Galilea – lugar sang mga Judio
  • Sa una nga tion pareho nga ang mga Fariseo kag Saduceo – naghangkat kay Jesus…
    • Ini nga grupo may may kinalain sa ila teolohiya – gasanto sila sa kagamay lang gid!
      • Ang Fariseo tama ka konserbatibo – estrikto – ortodokso nga Judio
      • Ang Saduceo tama naman katama ka-liberal – “abanse” magpaminsar nga mga Judio
    • Gaatakihay ni permi ang duha ka grupo – pero nag upod sila – para mag pamatok kay Jesus!
      • Ang makatilingala ini nga mga tawo wala naga santo sa madamo nga butang
      • Pero nag santo sila nga indi nila gusto si Jesus – kag sa imo kun magdampig ka kay Jesus
      • Kon gusto mo mag pahubog, manahor, pangdaya, pangita away, lakat sa igpat igpat nga lugar…
      • Waay na sang mahambal ang mga tawo – kay ginahimo man nila ina nga mga butang.
      • Apang kon mag kadto ka sa Bible Studies – nagpa baptiso – suyaan ka
      • Indi ikaw – ang Bible study – ukon ang bautiso – si Jesus ang indi nila gusto!
  • Ini ikaduha na nga beses nga gin ‘testingan’ siya – gapangita sang tanda gikan sa langit – Mateo 12:38
    • Indi man maintindihan kun ano ang ila nga ginapangita…
      • Wala gid nila gin binag binag ang mga nakita nila sang una palang nga pag pangayo nila sang tanda…
      • Si Jesus nagpaka-on 5000+ sang 5 ka tinapay kag 2 ka isda / naglakat siya sa tubig!
      • Nag tabog sang malain nga espiritu sa bata sang isa ka Fenicia nga babayi
      • Nagpaka-on naman sang 4000 nga kadam-an sang 7 ka tinapay kag 2 ka gamay nga isda!
      • Nagapakita lang nga indi tanda nga halin sa langit ang ila ginapangita
      • Kon indi ato tanda sang langit nga si Jesus amo ang saad nga mesias – ano pa gid abi…
    • Ang problema indi ang kakulangan sang tanda…
      • Bisan 10,000 pa ka mirakolo ni Jesus ang makita nila – indi man gihapon mag pati
      • Ang problema wala kay Jesus – ang problema ang ara sa ila Tagiposoon…
      • Ang Fariseo kag Saduceo indi nila gusto mag pati kay Jesus
      • Naga pangita sila sang kahigayunan nga ipakita nga peke si Jesus
  • Nakahibalo na nga daan si Jesus – nagpamangkot balik sa ila ngaa gapangita pagid sang (iban) nga tanda
    • Sa Matthew 16:2 – si Jesus nag siling kabalo gani kamo magbasa sang tanda sang ‘panahon’
      • Sa isa ka mapaang –mahangin nga adlaw – nga may madulum nga panganod – nakabalo kita nga malapit na mag ulan!
      • Pero kon matinaw ang langit –wala panganod – kag matawhay – indi mag– ulan!
    • May ikasarang sila sa pag panilag sang maathag pareho sa panahon
      • Pero wala na nila makita ang simple nga matu-od nga ang Diyos naga tindug sa ila atubangan!
      • Ukon gin pili gid nila nga indi makita ini…
      • Naga katingala ka nga indi nila makita si Jesus – sa pagkamatuod indi tungod nga na tago si Jesus
      • Kahapos gid pangitaon si Jesus – pero wala makita sang tawo…
      • Ngaa nga madamo ang indi gusto mag kadto sa simbahan nga mag pamati sang Maayong Balita…
      • John 3:19-20 – “ Silutan sila tungod kay nag-abot siya diri sa kalibutan bilang suga, pero mas gusto pa sang mga tawo nga magpabilin sa kadulom sang sa magpalapit sa iya nga nagahatag sang kasanag, kay malain ang ila mga ginahimo.  Ang tawo nga malain ang iya ginahimo wala naluyag sa kasanag. Nagalikaw pa gani siya sa kasanag kay basi kon mahibaluan ang iya ginahimo nga malain.”
      • Indi nga indi nila makita si Jesus – indi gid nila gusto si Jesus…
      • Ang tawo gapalayo kay Jesus tungod nahigugma nila ang sala
      • Gina pinsar nila nga italikdan nila ang makagalanyak nga kasalanan sa ila kabuhi…
      • Pareho sa pagkamiserable – kasubo – sakit ang ulo tungod sa inom – mapait nga klase sang kasal – ka hungkag nga kabuhi…
      • Apang ang tawo nahaylo gid nga ang ila sala mas maayo pa sang sa kay Cristo!
  • wala sang tanda nga ihatag sa sini nga henerasyon…
    • Ang wala sang tanda suno kay Mateo 16:4 – ang tanda ni Jonah – ang 3 ka adlaw kag 3 ka gab-i…
      • Pareho kay Jonah nga propeta nga 3 ka adlaw kag 3 ka gab-i sa tiyan sang Isda…
      • Si Jesus mangin ara siya sa sulod sang 3 ka adlaw kag 3 ka gab-i sa dalom sang duta…
      • Ang krus – 3 ka adlaw nga matapos ina – ang pagkabanhaw – amo lang ang tanda nga naga dala sang kaluwasan!
      • Basi naga paminsar ka nga tani kita (ukon kakilala ta) makakita sang milagro
      • Ukon makita kag ma-atubang gid naton si Jesus…
      • Amo lang ang kinanglanon para nga mag to-o kay Jesus
      • Nakita na tanan sang mga Fariseo kag mga Saduceo– pero indi pa gid bastante
      • Ang kinahanglanon para mag To-o sa mensahe sang Maayong Balita – ang krus ni Jesus
      • Ang tawo di nagakinanglan sang milagro – kinanglan lang nga makabati sang Maayong Balita– Roma 1:16

Mag-andam sa lebadora… vs. 13-21

• Ang lebadora sang Fariseo kag Saduceo… vs. 13-16
  • Si Jesus kag ang mga disipulo nag halin – basi nagadali – kag ang mga disipulo nalipat mag dala sang tinapay
  • Si Jesus nag hambal nga mag andam sa lebadora sang Fariseo(relihiyon) kag ang kay Herod (kalibutan)…
    • Mag-andam – mag tulok sa inyo palibot – mag-panilag…
    • Mag-andam – magmainandamon kag pamati – indi pagpasapayi
    • Lebadora – gina tawag tapay – panguna nga sangkap nga naga pahabok sa tinapay
      • Ang tapay isa ka organismo – nga halin sa tanom – naga sugod dunot kon ibutang sa harina
      • Ang gas nga ginahatag naga proseso nga ang tinapay mag habok
      • Ang gamay nga lebadora sarang maka hil-ob sang isa ka resipe sang tinapay
      • Sa masami gina gamit ini sa Biblia nga laragway sang sala – nagailog sa iya pagka dasig mag lapta
      • nagakadunot – amo ni ang ginahalinan nga ang tawo nagahabok sang pag pabugal
  • Ang mga disipulo wala nakahangop kon ano ang buot silingon ni Jesus…
    • Naga baisanay na sila (imperfect) kon ano buot silingon ni Jesus…
      • Wala sila kabalo kon ano ang gina hambal ni Jesus – kag wala man sila nag pamangkot…
      • Ang pinaka lohiko nila nga ginahunahuna amo nga – nalipat sila mag dala tinapay
      • May mga pilaka problema sa mga disipulo ang ila “lohiko”…
      • Una pa lang gina tanaw lang nila nga ka natural lang
        • Nakatutok lang sila sa ila nga kapaltahan – kag ang ila kahimtangan
        • Nadula na sa hunahuna nila ang leksion nga ginatudlo ni Jesus sa ila
        • Sa masami kon may gusto nga itudlo si Jesus sa aton kabuhi
        • Makita lang naton aton kapaltahan – sang sa leksion nga iya ginatudlo sa aton
        • Kon palpak na gani – ga pinsar kita nga ang Diyos napaslawan sa aton
        • Sa baylo nga magbinagbinag nga basi may ginatudlo sa aton
        • Ayhan simple nga leksion – mag tuon nga indi/magsalig sa kaugalingon nga kusog
      • Kaduha nag salig sila sa ila kaugalingon nga rason – kaysa nga pangitaon nila ang Diyos
        • Kon wala kitta ka intiendi sang nagakatabo sa aton kabuhi
        • Naga panikasog pa kita basi sa aton kahimtangan – ngaa ga katabo ini…
        • Malakat pa kita anay sa iban kon ano ila gina pinsar – pero nalipat sa Diyos
        • Sa iya lang ang insakto nga sabat – kon kita ga pakighambal sa iya
        • Isaiah 1:18 – “ Nagasiling pa ang Ginoo, “Dali kamo, husayon naton ini…”
        • Wala gid bala kamo nakahangop… vs. 17-21
  • Nakabalo gid si Jesus sang ila nga gina estoryahan – gipamangkot niya sila…
  • Nakadumdum bala kamo – ang 5 ka tinapay sa 5000 / kag 7 ka tinapay sa 4000…
    • Pila ka basket ang gin punpon nyo nga bilin – ang sabat 12 kag 7
    • Ang punto simple – si Jesus wala nabalaka nga wala sang tinapay
    • Kon sa ka diutay sang (5 ukon 7 ka tinapay) kag nakakaon 9,000+ nga mga tawo
    • Indi siya ga ulikid kon naka dala o wala sang tinapay!
    • Ang Ginoo wala nagakabalaka nahanungod sa paghimono sang aton pang-adlaw-adlaw nga kinahanglanon
      • Mapaka-on niya ang linibo bisan sa 12 ka tinapay…
      • Indi budlay para sa Diyos sa pag himono sang pang adlaw-adlaw naton
    • Ang iya nga ginkabalak-an sa aton nga mag tubo kita nga malig-on sa aton nga relasyon sa iya
      • Kadamo nga mga tawo nga naga obra bisan sa adlaw nga Domingo tungod kinanglanon nila ang kwarta
      • Pero kon pamangkuton mo sila kon nag manggaranon sila sa ila pagpanikasog… wala ni isa
      • Kon pamangkuton mo man kon malapit ang ila relasyon kay Jesus… wala ni isa
  • Ngaa wala kamo nakahangop sang ginahambal ko kag wala man ko ga pamangkot sa inyo parte sa tinapay…
    • Ang mga disipulo nakadumdum kon ano kadamo ang gin paka-on –nadula sa ila nga pa-inu-inu
    • Nakita lang nila ang pisikal kag nadula sa ila panghunahuna ang ginatudlo sa ila nga leksion
    • Mag andam sa panudlo kag/impluwensia sang mga Fariseo (relihiyon) kag Herod ( ang kalibutan)…
    • Si Jesus nagapaandam nga magmahinalungon sa impluwensia sang relihiyon kag sang kalibutan
    • Ang Relihiyon naga tudlo nga mangin maayo agod maka pa langit – pagpakamatarong sa kaugalingon
    • Ang kalibutan naga tudlo sa aton nga magkabuhi subong – kaon/inom – indi mag kabalaka parte sa langit
    • Ang kamatuuran isa lang ang alagyan pakadto sa langit – pagto-o kay Jesu-Cristo…
    • Kag gusto ni Jesus nga mag palapit kita sa iya – ang pag himono sang aton kinahanglanon ara na ina!