Mark 7:24–37

Marcos 7:24-37

Review…

• Marcos – Ang Maayong Balita para sa mga Gentil – nagpakita sang pagalagad ni Jesus para sa tanan – Marcos 10:45
• Marcos 1:1 – 6:7 – Ang ministeryo ni Jesus sa Galilea…
• Marcos 6:1-29… Ang Paghinakop sang Ministeryo sa Galilea
• Marcos 6:30-56… Pagpaka-on sa 5000
  • Sang pag balik sang mga disipulo halin sa ila misyon sa Galilea – Gin dala sila ni Jesus sa kilid
    • Ang Kadam-an nag sunod sa ila nga naga lakat – may kalooy si Jesus sa ila kag iya gintudlu-an sila
    • Sa 5 ka tinapay kag duha ka isda napakaon ni Jesus ang 5000 ka tawo – dugang pa ang mga babayi kag kabataan!
  • Gin pabalik ni Jesus ang mga disipulo sa nasidlangan nga bahin sang Galilea…
    • Si Jesus nag kadto nga nag lakat sa tubig – malabay man lang kon tani – sa pagtabok sa pihak nga bahin
    • Dayon sang ara na si Jesus sa sakayan – ang hangin kag balod nag untat
  • Sang nakadangat sila sa Genesaret – Ang mga tawo didto gindala nila tanan kay Jesus
  • Marcos 7:1-23… Mga tradisyon sang tawo…
  • Ang mga lideres sang relihiyon nanghangkat kay Jesus – ngaa ang imo mga disipulo wala naga panghugas sang ila mga kamot
    • Indi ini nahanungod lang sa pag paninlo – kundi sang ila mga tradisyon – isa ini sa madamo nga may ara sila
    • Si Jesus nagsabat – ginatudlo nila ang Kasuguan nga gin himo lang sang tawo…
  • Ang Mga lideres sang relihiyon nagagamit sang sakto nga mga tinaga – pero ang ila tagiposoon malayo sa Diyos
    • Ang Diyos naga Sugo nga tahuron ang ila Amay kag Iloy – ang penalidad amo ang kamatayon
    • Ang mga lideres sang relihiyon naga tudlo nga mahatag mo ang ka kwarta sang ginhikanan mo bilang regalo mo sa Diyos
  • Sa mga kadam-an naman – Indi sa imo nga ginakaon – kundi kon ano ang gaguha ang maka padagta sa imo…
    • Ang mga disipulo nag paminsar nga isa lang ini ka parabola – isa ka radikal nga paghambal…
    • Kaathag gid – kon ano ang ga sulod – magwa ina liwat kag indi makadagta sa imo
    • Kon ano ang ga kawas sa imo bibig – naghalin ina sa tagiposoon – amo ang naga padagta sa imo

Daku nga pagto-o… vs. 24-30

• Ang Taga-Fenicia nga babayi… vs. 24-25
  • Si Jesus nag lakat kag nagkadto sa rehiyon sang Tiro kag Sidon …
    • Ang Tiro kag ang Sidon makita sa aminhan sang rehiyon sang Galilea (subong ginatawag na nga Lebanon)
    • Ang pag panghangkat ni Jesus sang ila tradisyon natublag gid ang mga Escriba kag Fariseo – tion nga magpatawhay anay
    • Gani nagkadto siya sa Rehiyon sang Fenicia kon sa diin wala sila impluwensia
    • Indi niya gusto nga may makabalo nga ara siya dira – pero indi siya maka pabilin nga naka tago …
  • Ang isa ka babayi nga taga-Fenicia nagpalapit kay Jesus nga nag pangayo bulig…
    • Ang Siria (pareho nga Siria subong) kag ang Fenicia (nga subong amo ang Lebanon)
    • Para nga sigurado nga ma hangpan naton – indi siya isa ka Judio
    • Amo nga nangin interesante ang iya nga pag tawag kay Jesus – Mateo 15:22
  • O Ginoo – anak ni David – Kalooyi ako…
    • Sa una pa lang nag pasakop na siya awturidad ni Jesus– gintawag niya ini nga Ginoo / kag nag luhod sa iya atubang
    • Gin tawag nia man sa titulo tuhoy sa Mesias – Anak ni David
    • Indi man sia Judio – apang nakabalo siya nga si Jesus amo ang saad nga Mesias
    • Nakilala niya ini nga manunubos – kag naga pangayo sang Bulig…
  • Ang iya nga bata ginsudlan sang malain nga espiritu…
    • Ang iya problema –iya bata nga Babayi – nasudlan sang malain nga espiritu…
    • Wala ni naton mabal-an kon paano nag-abot sa sini nga sitwasyon – ang nahibaluan ta lang nga nakabalo siya nga si Jesus amo ang sulosyon!
    • Sa masami naga sala kita sa pagtutok sang aton problema (kon paano naglab-ot sa amo sina nga kahimtangan)
    • Kon naga tulok lang kita sa aton problema – wala man kita naga tulok kon paano ang sulosyon!
    • Ang solosyon sa isa ka madulom nga kwarto indi nga mag tutok nga kon ano kadulom ang kuarto…
    • Pasigahon mo ang suga – amo man lang na ang solusyon sa kadulom
    • Sa pag pasiga mo sang suga – ang kadulom indi na nangin problema
    • Sa amo man sini nga paagi kon sige kita tulok sang aton problema – makita naton nga ara man kita gihapon sa kadulom
    • Sa tion nga mag tulok kita kay Jesus – masiga ang suga sa kadulom – siya lang gid ang solusyon!
    • Indi na importante kon ano ang problema – siya ang solusyon sa kada Problema!
    • 3 ka sabat ang gin hatag ni Jesus sa babayi – (2 recorded in Matthew / 1 one in Mark)… vs. 26-28
  • 1^st – wala nag sabat sa iya si Jesus sang derecho – Matthew 15:23
    • Daw nag guha sa una nga wala siya mabati-an ni Jesus…
    • Ukon wala gid nagapamati sa iya tawag – pero indi man amo sina ang natabo – kay indi man amo sina ang kaso…
    • Si Jesus gusto niya ipakita ang tumalagsahon sa iya nga mga disipulo… DAKO NGA PAGTO-O
    • Ang mga disipulo (Imperfect) nag pamangkot kon palakton siya (Imperative)
      • Nag himo iksena ang babayi nga ang mga disipulo nahuya
      • Wala gid sila namangkot kay Jesus kon ano ang gina ayo sang babayi…
      • Gusto lang nila nga palakton ini (kay wala pa nila makuha ang leksyon)
    • Pero ang babayi naga padayon sa pag ayu’ – wala nahadlok kon ano ang ihambal sang iban – kay si Jesus lang ang iya pagla-um!
      • Huyog mo lang bala mag sunod kay Jesus – kon wala sang may naga tulok sa imo…
        • Madali ka bala magpakigimpon sa kadam-an kon may ara nga iban nga nagatan-aw sa imo…
        • Wala kita gin tawag nga pareho man ang gawi naton sa kalibutan – gin tawag kita para nga mangin suga
      • Buot silingon indi gusto sang iban nga ara kita…
        • Kon ara ka sa kadudulman – kag ang iban mag pasiga sang suga – masakit sa mata indi bala
        • Kon naga obra ka sang malain sa dulom – imo paga kaugtan ang suga
        • Kita ang kapawa – kag kon sin-o ang sa madulom indi mag sugot sa kapawa ni Jesus
        • Gusto nila kita ( kag si Jesus sa aton) nga mag palayo agod nga ang kadulom mag balik
    • Ang babayi nakabalo nga wala na siya sang iban nga makadtu-an – si Jesus lang gid ang sabat…
      • Ginahimo taya anay ang tanan – kag ang katapusan nga palapitan – si Jesus
      • Pag palapit mo sa Pulong – pag pangamuyo –amo na ang ulihi gid nga pilion
      • Ang tanan imo na nga gin tilawan…
      • Amo lang kag nagpalapit ka sa isa lang gid ka sabat nga naga garantiya nga sigurado gid nga ma obra!
  • 2^nd – gin padala ako sa mga nadula nga karnero sa puluy-an sang Israel – Mateo 15:24
    • Ang mga nadula nga karnero – ang Israel isa ka pungsod nga nadula sa dalan – nag talang-talang sila palayo sa Diyos…
      • Lucas 15:4 – “Halimbawa, may tawo nga may 100 ka karnero. Ang isa nadula. Ti ano ang iya himuon? Siyempre bayaan niya anay ang 99 sa palahalban kag pangitaon ang nadula hasta nga makita niya ini?”
      • Si Jesus nagkari para sa pag pangita sang nadula nga karnero – ato ang mga nag lalapta
      • Kahapos sa aton madisturbo – nga madula kita sa pagtulok kay Jesus
      • Nakakita kita sang matahum sa sini nga kalibutan kag nag talang talang na…
      • Nadala na sa mha butang sang sini nga kalibutan – nadula na gali kita
      • Daw ano kasulhay nga paminsaron nga ang Ginoo wala gapabaya sa aton
      • Kon mag talang kita – ara siya permi sa likod ta naga tuytoy para kita magbalik
      • Si Jesus wala gid naga palayo sa aton, balik lang ( mag hinulsol)
    • Indi lang mga nadula nga karnero – Ang Panimalay sang Israel…
      • Si Jesus nagkari sa pag hatag sang mensahe sang kaluwasan sa mga Judio… una…
      • Ang Biblia iya sang Judio nga libro – sinulat sang mga Judio…
      • Ang kada propeta sa Biblia mga Judio – kag ang mga disipulo
      • Gani para gid sa Judio una ang Maayong Balita….
      • Roma 1:16 – “Wala ko ginakahuya ang pagwali sang Maayong Balita. Kay amo ini ang gahom sang Dios sa pagluwas sa tanan nga nagatuo, una sa mga Judio, kag dason sa mga indi Judio.”
      • Apang ang Maayong Balita indi lamang para sa mga Judio… (John 3:16)
    • Ang pag responde sang sang babayi – nagsimba kay Jesus (Imperfect) nga nagahambal, Ginoo buligi ako…
      • Wala nag papugong ang babayi – nagpadayon siya sa pag simba kay Jesus
      • Nagin maukod – wala siya nag untat…
      • Lucas 11:9 – “Gani ginasilingan ko kamo: Magpangayo kamo sa Dios kag hatagan niya kamo. Pangitaa ninyo sa iya ang inyo ginapangita kag makita ninyo. Magpanuktok kamo kag pagabuksan niya kamo.”
      • Masami gid nga madali lang kita nagakadulaan paglaum kag nagauntat…
      • Ang Diyos nagahambal nga mag pangayo, mangita,kag mag panuktok – ginaa-obra ta sini – Kaisa lang…..
      • Pero ginahambal gid nga mag pangayo,pangita,panuktok – kag padayunon
      • Indi maka isa lang mag kadto kay Jesus –mag padayon gihapon sa pag pangita sa iya
  • 3^rd – Indi maayo nga kuhaon ang tinapay sang mga kabataan – kag ihatag sa mga “tutoy”
    • Sa kultura sang mga Judio kinaandan ang paglaragway sa mga wala nagapati nga gentil nga mga ido
      • Indi gid isa ka pagdayaw – nga ang pag laragway nagatuhoy sa isa ka ilahas, dimapunggan nga sapatsapaton
      • Pero indi amo sini ang ginsambit ni Jesus…
      • Gin gamit niya lang tutoy – indi masyado ka sakit nga komentar
      • Pero naga dala sang idea kon ano ang para sa mga Judio ( kabataan)
      • Indi angay nga ihatag sa mga tutoy ( mga gentil)
    • Bisan ang mga tutoy…
      • Ang babayi wala na insulto sa komentar… nagapakita nga naga paubos
      • Sa baylo gin gamit niya ang komento sa iya kaayuhan…
      • Bisan ang mga tutoy nagakaon sang momho nga nahulog sa lamesa sang ila agalon(Judio)
      • Sa malip-ot nga sugilanon wala siya nagapangayo sang sobra – ang salin man lang iya kinanglan
      • Daku gid nga pag paubos kon mag pangayo bulig kay Jesus
      • Buot silingon nga akuon naton nga indi kita ang sabat – nga kinanglan naton ang bulig
      • Naga kahulugan nga mag maminatud-on kita sa aton kaugalingon – nga wala kita sang ikasarang sa aton problema
      • Ang matuod nga pagpaubos amo nga mag abot kita sa lugar nga marealisar naton nga wala gid kita sang mahimo
      • Kon may pagpaubos ma tigayon mo nga makita ang wala gid latid nga manggad sang Bugay sang Diyos!
      • Santiago 4:6 – “Pero ginakaluoyan gid kita sang Dios. Amo ina nga nagasiling ang Kasulatan, “Ginasumpo sang Dios ang bugalon, pero ginakaluoyan niya ang mapainubuson.”
  • Dako ang imo pag to-o…
    • Ang Jesus nag sabat sa iya – tungod sa imo ginhambal, makalakat ka na – kag nag-ayo ang iya bata
    • Sa una pa lang – indi matu-od nga indi gusto ni Jesus mag bulig sa babayi…
    • Ginagamit ni Jesus ini para magtudlo sa iya mga disipulo nahanungod sa DAKU (megas)nga PAGTO_O…
    • Ano ang hitsura sang DAKU NGA PAGTO-O – pareho sa Gentil nga babayi
    • DAKU nga PAGTO-O – nahangpan nga wala na sang iban nga sabat – si Jesus lang
    • DAKU nga PAGTO-O – nagapabilin – nagapadayon – sa pag pangita kay Jesus
    • DAKU nga PAGTO-O – nagapaubos – nakahibalo nga wala sa aton ang sabat
    • Nagahandum kamo nga mag pareho kamo sa lalaki kag babayi nga may DAKU nga PAGTO-O
    • Hebreo 11:6 – “Ang tawo nga wala sing pagtuo indi gid makahatag sing kalipay sa Dios…”
    • Dapat pareho man kita sa ila nga makapagpahamuot sa Diyos – pareho sining babayi – nga may daku nga pag to-o
  • Ang pag-ayo sang bulag kag apa nga tawo… vs. 31-37
  • Dayon nag halin si Jesus kag nagpadulong sa dagat sang Galilea (bagatnan nga bahin) – sang Decapolis…
  • Sa pareho nga lugar nga si Jesus nag ayo sa tawo nga may ‘legion’
  • Lugar sang Griego – para nga maka padayon likaw sa mga lideres sang relihiyon
  • Ang mga kadam-an nagdala kay Jesus sang tawo nga – bungol kag apa – nag pakitlooy kay Jesus nga ayohon siya (5 butang)…
  • 1^st – Gin kuha ni Jesus ang tawo kag gin palayo sa kadam-an…
  • Nakita na sang mga tawo si Jesus nga gapang ayo – Marcos 6:56 – pero mas mabudlay ang kaso
  • Ang mga kadam-an basi gina tilawan si Jesus – ukon isa lang kakalingawan
  • Gani gin upod niya anga tawo palayo – para wala disturbo – para kuhaon ang iya pagtamod
  • Kadamo na sa aton kabuhi – nga ang rason kon ngaa indi kita kabati kay Jesus – kadamo sa aton disturbo
  • Nasiod kita sa pamilya / abyan / mga anik anik sa kabuhi – nalipatan ta na ang importante nga butang
  • Sa masami si Jesus gina kuha niya aton igtalupangod – layo sa tanan nga bagay – agod kita makapamati
  • 2^nd – Si Jesus gin butang niya ang iya mga kamot sa dalunggan sang tawo – kag nag dupla siya kag gintandog ang dila nia…
  • Daw ka sikwawi’ – daw ka higko – nga klasi nga pangbulong sang tawo…
  • Si Jesus ma obra niya man mag ayo bisan sa paghambal – kag ang tawo mag ayo
  • Gapabilin nga mag pamangkot ngaa gintandugon kag mag dupla sa tawo – 2 ka rason…
  • 1^st – Ang tawo isa ka bungol kag apa – si Jesus gintandog iya dalunggan kag iya dila para mahibaloan niya…
    • Si Jesus indi niya mahambal sa tawo kay – bungol ang tawo
    • Amo na nga gin tandog niya ang dalunggan para ipakita nga gusto niya nga ayohon siya ni Jesus!
  • 2^nd – Si Jesus wala naga himo sang mga butang nga pareho – indi siya nalubong sa ritwal…
    • Kon si Jesus mahimo sang pareho nga butang – makapinsar kita nga amo lang na ang paagi
    • Basi malibot ka man kag tuslokon mo sang imo tudlo ang dalunggan sang bungol – kag duplaan mo iya bibig
    • Sabaylo nga makita naton kon paano mag-ayo – hibaloon naton nga si Jesus makaayo
    • Kahapos sa aton madala sa pamaagi – kag naga kalipat nga nahanungod sa pagkilala lang kay Jesus
    • Kon malakat sa simbahan para pakamaayohon ako sang Dios– imbes nga nga malakat sa simbahan para makapamati sang pulong sang Diyos
    • Kon mag hatag ako sa mga nagakinahanglan, kay ang Diyos mahatag man sa akon – imbes nga maghatag tungod sa gugma
    • Indi lang na nga naga basa/pangamuyo/nagasimba/naga hatag – kundi nahanungod sa Ginoo nga makilala naton siya
  • 3^rd – si Jesus nag tangla sa langit – nanghakruy siya…
  • Sa matuod lang indi si Jesus nabudlayan sa pag ayo sang tawo –ngaa nga nag tangla/ kag nanghakruy …
  • Ayhan indi ang tawo nga gin ayo niya – kundi ang kadam-an – nga amo ang nag patulok sa iya sa langit/kag nanghakroy
    • Ang mga katawhan amo ang nag dala sining tawo kay Jesus – kay sila man utro man ka bungol kag apa
    • Indi nila mabati-an ang Pamulong ni Jesus – daw wala sa bungog nila kon ngaa ara sila dira – ang Krus
    • Wala nila gin abri ang ila mga bibig – sa pag bantala sang Gospel – sa iban nga wala pa naka bati
  • Gina tudlo naton ang tawo kay Jesus – naga pamati ka man bala sa imo kaugalingon nga panudlo…
    • Hapos lang mag hambal sa iban – makadto kay Jesus – siya ang sabat sa aton problema
    • Apang kon kita may kaugalingon nga Problema – diin ka ga kadto – sino ang aton gina tolok
  • 4^th – Si Jesus naga hambal – ‘mangin bukas’…
  • Gin hambal niya sa Aramaic – Ephphatha – ang naandan nga lingwahe sang ina nga mga tinion…
  • Wala na sang iban sa palibot – kag ang tawo indi makabati – ngaa nga mahambal siya
  • Tungod nga makabati na siya – si Jesus nakabalo na – kag ang una nga tinaga nga iya nabatian amo ang tinaga ni Jesus
  • Wala man naton mabatian si Jesus sang una – basi ang imo pangamuyo wala sang sabat
  • Kon mag hatag kita sang tion naton para kay Jesus – kag mag pamati kay Jesus – mabatian siya naton!
  • 5^th – Ang mga tawo nakibot – ‘nahimo niya ang bungol nga makabati kag ang apa nga makahambal na’…
  • Si Jesus nag sugo sa mga tawo nga indi mag sugid sa iban –pero mas ilabi na gid nga gin pahayag nila!
  • Tungod ining tawo nga bungol kag apa na-ayo – ang kadam-an nakabati man kag nag hambal man
  • Sa padayon naton nga pag pamati sa Ginoo – ang iban maka kita man…
  • Mamati man sila kay Jesus – kag makapahayag man sila nahanungod kay Jesus sa iban!