Video teaching coming soon
There is no online teaching for this study yet, but the written notes and any available study resources are still below.
These are the original teaching notes from this passage.
pagreklamo sa ginoo… (4 ka butang)
- 1st – ang kabuhi grabi ka budlay… vs. 1-3
- Wala nagdugay sang naguwa sila sa Egipto – ang mga tawo nagsugod reklamo…
- Komportable na tani sila sa Bukid sang Sinai – nakasaho na sila sang kabuhi didto…
- Subong kinahanglan nila himoson ang ila tolda kada maglakat ang panganod…
- Grabi kainit sa kamingawan – kinahanglan nila magdepende sa Ginoo adlaw adlaw para sa ila pagkaon kag tubig…
- Pero mas maayo ini sang sa mangin ulipon sila sang Egiptohanon…
- Subong wala sila naga-isahaon – ang Tolda – naga istar ang Ginoo sa Iya mga katawhan…
- Kag ang ila pagpanglakaton may katuyuan – ang Promisa nga Duta…
- Importante kon diin kita nagatulok kon mag abot ang kabudlayan sa aton kabuhi…
- Ang Ginoo wala nagpromisa sang tawhay nga kabuhi para sa mga kristohanon – pero may ara ini sang katuyuan…
- Ang pagpanglakaton magadala sa aton pakadto sa Ginpromisa nga Duta!
- Salmo 23:4 – “Bisan pa nga maglakat ako sa patag nga may katalagman sang kamatayon, indi ako mahadlok, tungod kay kaupod ko ikaw. Ang imo proteksyon kag pagtuytoy sa akon nagapalipay kag nagapabaskog sa akon.”
- Kag ang Ginoo kaupod naton sa aton pagpanglakaton – nagalantaw sa aton!
- Grabe ang kaakig sang Ginoo…
- Nasunog ang ila nga mga tolda – madasig ini nga naglapta sa kampo…
- Nagsugod ang kalayo halin sa dulunan sang kampo – ang pinakalayo sa Templo…
- Basi diri una nagsugod ang mga reklamo…
- Reklamo nga naglapta sa kampo pareho sang kalayo…
- Gani nagpadala ang Ginoo sang kalayo para maguntat sila sa panglaton sa iban!
- Kon layo kita sa Ginoo – mas dasig kita mag reklamo sa aton kabuhi…
- Kon magreklamo kita parte sa aton bana / asawa – ukon akig kita sa aton pamilya…
- Kon magreklamo kita parte sa gamay nga kwarta nga ara sa aton – sa aton obra…
- Makita naton ang iban nga nagareklamo man upod sa aton…
- Kon indi kita mag-untat – ang Ginoo magapatunga sa pagpauntat sa aton – kuhaon ang malain nga ihemplo para indi maglapta…
- Ang Ginoo seryoso parte sa mga tawo nga mangin kabangdanan sa pagpakasala sang Iya mga kabataan…
- * Marcos 9:42 – “Pero ang bisan sin-o nga mangin kabangdanan sang pagpakasala sining magagmay nga mga kabataan nga nagatuo sa akon, maayo pa sa iya nga higtan ang iya liog sang galingan nga bato kag itagbong siya sa dagat.”
- Sa Binuhatan 5 – si Ananias kag Safira nagbinutig parte sa paghatag sa Ginoo – malain nga ihemplo…
- Madasig ang solusyon sang Ginoo – ginpatay sila duwa sang Ginoo – para mangin hilway ang simbahan!
- Ang resulta sang kalayo – nagpangayo sila sang bulig sa Ginoo – kag nag untat ang kalayo…
- Makapili kita nga mangin maayo nga ihemplo – magpangayo bulig sa Ginoo…
- Sa pagpalapit naton sa Ginoo – mangin diosnon kita nga ginasunod sang iban!
- 2nd – indi kontento sa kon ano ang ara sa ila… vs. 4-9
- Malain nga ihemplo…
- May mga dumuluong sa Israel – Egiptohanon nga nag upod sa ila – Exodus 12:38
- ‘Gindumdom’ nila ang tanan nga manami nga pagkaon sa Egipto – ginaistorya nila ini sa iban…
- Dayon tanan nga Israel nagsugod reklamo – gusto namon karne / isda / prutas / utan…
- I Corinto 15:33 – “Kon mag-upod-upod kamo sa mga tawo nga nagahimo sang malain, ina magapalain sa inyo maayo nga batasan.”
- Buang buang kita kon aton pinsar ang mga tawo sa aton palibot indi maka apekto sa aton…
- Kon mag-upod-upod ka sa mga tawo nga nagasugal – nagahambal sang malain nga mga tinaga – kag palahubog…
- Pero pinsar mo sa imo kaugalingon – indi ako mangin pareho sa ila – Diosnon ko ya – buang-buang…
- Pilia sang maayo kon sin-o ang imo gina updan – kay mangin pareho ka man sa ila!
- Indi kontento sa kon ano ang ara sa ila…
- Wala nami sa sini nga ‘manna’ – permi lang amo ni adlaw-adlaw!
- Gahimo kita manna nga tinapay/ sinabawan nga manna / manna nga prito – NATAK-AN na kami sang manna!
- Kada aga amo ini ang ila ginapamulot – nagapaulan sang manna ang Ginoo halin sa langit…
- Sang nakita ini sang mga tawo nagpamangkot sila – ‘ano ini?” – Hebreo nga word sang ‘manna’…
- Ang sabor pareho sang matam-is nga tinapay – pagkaon ini sang mga Anghel – Salmo 78:25…
- Pero indi pa gid kontento ang mga tawo sa pagkaon sang Anghel…
- Ginadumdom nila kon ano ang ara sa kalibutan – kag ila pinsar mas maayo ini…
- Kis-a sa nagatulok kita sa mga butang nga ara sa kalibutan – kag makapinsar nga mas maayo didto…
- May simbahan kita – naga bible study – may Jesus kita – pero nagakatak-an kita sini…
- Gusto naton bayle / inom / sadya-sadya – migo-miga…
- Aton pinsar mas sadya sa kalibutan sang sa kay Jesus…
- Ibaylo naton ang wala katapusan nga padya sang Ginoo – sa malip-ot nga kalipayan sa kalibutan!
- Ang maayo nga mahatag sang kalibutan – wala gid nagadugay…
- Ang ginpain ni Jesus para sa aton wala sing katapusan! Ngaa ibaylo naton ini sa kalibutan…
- 3rd – pagdumala sa matig a ulo nga mga tawo… vs. 10-30
- Nabatian ni Moises ang tanan nila nga reklamo – kag nalainan siya sang ila ginhimo… vs. 10-15
- Nag reklamo siya sa Ginoo – ginakainitan mo bala ako – ano bala ang ginhimo ko nga mabaton ko ini?
- Indi ko na sila mga anak – indi nila ako amay – ngaa atipanon ko na sila…
- Ngaa ginahambalan mo ako nga atipanon ko sila kag dal-on sila sa duta nga IMO ginpromisa sa ila!
- Tanan nila nga gusto ila ginahimo – pero kulang gihapon – indi ko masarangan nga atipanon sila tanan kon ako lang!
- Mas maayo nga patyon mo ako subong – mas maayo pa na sang sa atipanon ining mga tawo!
- Makasasala ang mga tawo – kon hatagan sila sang tion – pamatud-an ina nila sa imo…
- May mga adlaw nga daw pareho ako kay Moises – ‘ngaa ako’…
- Kon ang mga ginahigugma mo nga mga tawo nakasala / kon ginhatag mo na ang tanan para sa ila – kulang gihapon…
- Ang lider / pastor – dapat indi magkalipat nga indi ini ila mga katawhan – iya ini sang Ginoo…
- Sobra ina sa isa lang ka tawo… vs. 16-17…
- Ginsilingan sang Ginoo si Moises nga tipunon ang 70 ka manugdumala sang Israel sa Tolda…
- Ang Ginoo makuha sang iban nga Espiritu nga ara kay Moises – kag ibutang man sa ila…
- Buligan nila sa Moises nga pas-anon ang kabudlayan – indi na niya himuon ang tanan nga naga-isahanon lang…
- Kon magtesting kita nga obrahon ang tanan…
- Sa ulihi mainit lang kita – makapoy – indi matapos ang isa ka butang…
- Tungod gina testingan naton nga dunganon ang mga butang – wala sang may matapos!
- Sa ulihi kainitan kita sang iban – tungod ginsilingan naton nga buligan ta sila…
- Pero ayawan na kita tunga sang aton tion para mabuligan ang tanan…
- Ang resulta indi na ang iban makabulig…
- Tungod naghambal kita nga mabulig kita – ukon tungod wala kita nagapangayo sang bulig…
- Ang iban wala na sang oportunidad sa pag alagad…
- Nakabati ang Ginoo sang ila reklamo – magahatag Siya sang karne sa mga tawo… vs. 18-23…
- Indi lang sa isa ka adlaw – ukon lima ukon beinte – kundi isa ka bulan!
- May ara sila sang karne hasta nga masum-oran ila – hasta magsuka sila sa kadamo!
- Tungod ginsikway nila ang Ginoo – kag nagareklamo parte sa pagbalik sa Egipto!
- Kon maghambal kita nga ang kalibutan mas maayo – buot silingon kon Ginoo lang, kulang…
- Si Moises nagpakigbais sa Ginoo – ‘pero paano’…
- Nakita ni Moises ng kadamuon – 600,000 ka mga lalaki (pati mga babayi kag kabataan)…
- Pinsara kon ang Ginoo maghambal sa imo nga pakaunon mo tanan nga Negrosanon 3 ka beses sa isa ka adlaw sa isa ka bulan!
- Indi lang gamay nga kan-on kag sud-an – kundi pati karne hasta masum-oran sila sini!
- Kon ihawon nila ang tanan nga sapat – kulang man gihapon…
- Bisan ang tanan pa nga isda sa dagat – kulang gihapon para sa tanan!
- May ara bala sang limitasyon ang gahum sang Ginoo…
- Padayon pa gid si Moises sa pagpaminsar nga iya ini responsibilidad…
- Sigurado indi mapakaon ni Moises ang minilyon ka tawo sang Israel – bisan ano pa ang iya himuon…
- Kis a nagatulok lang kita sa kon ano ang ara sa aton – ano aton mahimo…
- Makapinsar kita nga wala kita dako nga manggad – tion – ukon talento…
- Ang problema nagatulok lang kita sa aton kaugalingon – pero indi ini parte sa aton…
- Indi naton makita ang punto – indi ini parte sa aton – parte ini kay Jesus!
- Napuno sang Espiritu… vs. 24-30
- Napun-an sang Espiritu ang 70 – kag nagsugod sila tagna…
- Indi kita mangin ‘epektibo’ para sa Ginoo kon paagi lang sa aton kusog – kinahanglan naton ang kusog sang Ginoo…
- Kon mapun an kita sang Espiritu – mangin ‘epektibo’ kita para sa Ginoo…
- Sang gab-i nga gintraidor si Jesus – ginsilingan ni Jesus si Pedro nga ipanginwala mo Ako sing tatlo ka beses…
- Ginpanginwala ini ni Pedro kag nagsiling nga bisan mapriso pa siya kag mapatay indi gid niya ini mahimo…
- Pero nagasalig lang siya sa iya kaugalingon nga abilidad – tungod sina napaslaw siya…
- Pero 50 ka adlaw ang nagligad – sang napun an siya sang Balaan nga Espiritu – nagpanudlo siya – kag 3000 ka mga tawo ang naluwas!
- II Corinto 4:7 – “Kami pareho gid lang sa kolon nga ginbutangan sining malahalon nga butang, agod mahibaluan sang mga tawo nga ang gahom nga indi matupungan nga ari sa amon mga lawas nga maluya indi halin sa amon, kundi sa Dios.”
- Kon nagasalig kita sa aton kaugalingon – ang aton lawas – indi mangin ‘epektibo’ para kay Jesus…
- Pero kon wala kita unod – kag wala nagadepende sa aton kaugalingon – pun-an kita ni Jesus – Balaan nga Espiritu…
- Makita naton nga gin bag o sang Ginoo aton tagipusuon – aton mga handom – kag hatagan Niya kita sang Iya gahom…
- Gani wala sang imposible para sa aton – ang abilidad sa paghimo sang bisan ano para sa Ginoo!
- Si Eldad kag Medad…
- Ang duha sa 70 ka pangulo wala nagkadto sa meeting sa Tolda…
- Pero ang Espiritu sang Ginoo nag-abot gihapon sa ila – nagsugod sila tagna sa kampo sang Israel…
- Si Josue – ang kabulig ni Moises nakabalo gani ginsilingan niya si Moises nga indi sila pagtugutan…
- Basi tungod sa ila kaakig wala sila nagkadto sa meeting – wala namati kay Moises…
- Pero nagsabat si Moises – ‘Gusto ko nga ang tanan nga katawhan sang Ginoo mapun-an sang Espiritu!”
- Ang maayong balita, ang Balaan nga Espiritu sang Ginoo pwede sa TANAN nga nagapangayo!
- Lucas 11:13 -"Ti kon kamo nga mga tawo nga malaot makahibalo maghatag sang maayo nga mga butang sa inyo mga bata, daw ano pa gid ang inyo Amay sa Langit! Ihatag gid niya ang Espiritu Santo sa mga nagapangayo sa iya.”
- Indi lang kaisa – pero padayon nga pagpangayo – sang Balaan nga Espiritu…
- Mateo 7:7 – “Magpangayo kamo sa Dios kag hatagan niya kamo. Magpalapit kamo sa iya kag buligan gid niya kamo. Magpangamuyo kamo sa Dios kag sabton niya kamo.”
- Kinahanglan mo sang gas para magdalagan ang salakyan – pero kinahanglan nga padayon mo nga butangan ini…
- Kinahanglan man naton nga adlaw adlaw mapun-an sang Balaan nga Espiritu para kita magamit para sa Ginoo!
- 4th – ang bayad sa ‘kaibog’… vs. 31-35
- Nagpadala ang Ginoo sang hangin – nagdala sang mga pitaw halin sa dagat – nagpalibot sa kampo…
- Pila ka mga kilometro ang ila kalaparon – nagalupad-lupad sila nga mga tatlo ka tapak ang ila antad sa duta (hapos patyon)…
- Sa 2 ka adlaw ang mga tawo nagpangdakop sang pitaw – wala sing may nakakuha sing manubo sa 30 ka sako!
- Samtang nagakaon sila – naakig gid ang Ginoo sa ila…
- Grabe nga kalalat-an ang nag-abot sa mga tawo – madamo sa ila ang napatay…
- Ginatawag ang lugar nga ‘lulubngan sang mga dalok-dalok’…
- Tungod didto ginlubong ang mga tawo nga dalok-dalok sa karne…
- Kon pasugtan lang naton ang aton 'pagkaibog' – nagahampang kita sa kalayo…
- Hulubaton 6:27 – "Kon ipalapit mo ang kalayo sa imo dughan masunog ang imo bayo.”
- Ang ‘Pagkaibog’ indi makapakumpletu sa aton – gusto pa gid naton sang sobra…
- Namian ko magkaon cookies – sang gamay ko gusto ko gid kaunon tanan…
- Indi ko gusto isa lang – gusto ko damo gid – hasta maubos…
- Hasta naglain akon matyag sagay kaon cookies – pero gusto ko pa dyapon magkaon…
- Ang pagkaibog gusto sang sobra pa – damo nga kwarta, damo nga kalipayan, damo nga pagkabutang, damo nga gahom…
- Pero kulang gihapon – sa ulihi ihatag naton ang tanan – para sa wala…
- Isa pa ka inom – isa pa ka bulang – kwarta pa – permi lang isa pa…
- Ang bayad – masakit (inom), mabali (sugal), maguba ang pamilya…
- Kon madala kita sang aton mga ‘kaibog’ – ginasakit lang naton ang aton kaugalingon…
- Galacia 5:16 – “Ang akon buot silingon, sundon ninyo ang Espiritu Sano agod indi ninyo mahimo ang mga malain nga handom sang inyo tawhanon nga kinaugali.”