Video teaching coming soon
There is no online teaching for this study yet, but the written notes and any available study resources are still below.
These are the original teaching notes from this passage.
numero 13 – paglakat nga may pagtuo… (2 ka butang)
- 1st – pag espiya sa duta… vs. 1-20 basaha: Numero 13:1-2
- Ang katawhan sang Israel nakaabot na sa Duta nga Ginpromisa sang Ginoo nga ihatag sa ila…
- Nagsiling ang Ginoo kay Moises nga magpadala ang 12 ka ‘espiya’ sa pag lantaw sang Duta antis ila magsulod…
- Tanan sila mga pangulo – isa sa kada tribu sa dose ka mga tribu…
- Isa sa ila amo si Hoshea (kaluwasan) – nga gin-pangalanan ni Moises nga Josue (Ang Ginoo ang kaluwasan)…
- Lantawon nila kon ano ka manggaranon ang Duta – maayo nga duta / kahoy / mga prutas…
- Lantawon man nila kon ano ka kusog ang mga tawo – ila siyudad / kag kon napalibutan sang pader ukon wala…
- Pag espiya sa Duta…
- May ara tion nga makapinsar kita nga ginatawag kita sang Ginoo sa paglakat nga may pagtuo – pero indi kita sigurado…
- Basi mag-intra sa ministry – ukon bag-o nga negosyo – ukon bag-o nga relasyon…
- Makapinsar kita – aton ni bala ideya / aton handom – ukon iya ini sang Ginoo / Espiritu nga naga ubay sa aton…
- Isa sa pamaagi para mahibaluan – amo ang ‘mag espiya sa Duta’…
- Maglakat nga may pagtuo kag tan-awa kon ano ang matabo – tan-awa kon ano klase sang ‘bunga’ naghalin diri…
- Kon testingan naton maglakat – kon maayo ang resulta / may ‘bunga’ – halin ini sa Ginoo!
- 2nd – mga higante sa duta… vs. 21-33 basaha: Numero13:25-33
- Nag biyahe sila sa patag sang Suba sang Jordan padulong sa Lebanon sa Amihan…
- Nagbalik sila sa Medierranean coast sa pagbalik nila sa kampo…
- Nagdala sila sang ubas – kinahanglan pa nga tuwangan ini sang duha ka tawo tungod sa kadako sini!
- Kis-a kon magpanglakaton kita paagi sa aton pagtuo – nagapungko lang kita…
- Madamo kita sang ideya kag maayo nga intensyon – pero indi kita gusto nga magtesting…
- Basi nahadlok kita nga mapaslawan / ukon ano ihambal sang mga tawo…
- Kulang ang kagustohan nga magsunod sa Dios – dapat handa kita maglakat…
- Kon magpanglakaton kita – dira naton makita ang DAKO nga bunga halin sa Ginoo!
- Nagbalik ang 12 pagkatapos sang 40 ka adlaw…
- Ginsugid nila nga – nagailig sa ato nga duta ang gatas kag dugos…
- Pero – gamhanan ang mga tawo – kag GRABE ka dalagko ang ila mga banwa…
- Ato didto ang mga kaliwat ni Anak – mga Higante sa Duta – daw sa mga tibakla lang kita sa ila!
- Sigurado gid nga kon magtuo kita – indi gid malikawan nga may mga pagtilaw nga mag-abot…
- Kon magtulok kita sa mga pagtilaw – daw pareho ini sang Higante nga magadunot sa aton…
- Sang nagsugod ako pangamuyo nga makabalik sa Pilipinas – madamo sang mga Higante…
- Ang kabudlayan sa lain nga linguahe kag kultura – sa pagtudlo / pastor sa simbahan…
- May ara sang mga adlaw nga gusto ko na lang mag untat kag magdalagan tungod sa kahadlok…
- Kon magtulok kita sa Higante – madasig lang kita mangluya kg mag-untat…
- Sa David isa lang ka bata nga manugbantay sang karnero sang nag abot si Goliath sa Israel…
- Ang mga makusog nga mangangaway nanago sa ila mga tolda – pero si David wala mahadlok – I Samuel 17
- Kabalo siya nga ang Ginoo kaupod niya – wala gid sang tsansa ang Higante!
- Kon magtulok kita sa Ginoo – pareho kay David – mapierde naton ang mga Higante sa aton kabuhi!
- Numero 14 – nagrebelde ang mga israelinhon… (3 ka butang)
- 1st – pagrebelde… vs. 1-10 basaha: Numero 14:6-10
- Sadto mismo nga gab-i naghinibi sing tudo ang mga tawo…
- Maayo pa nga nagkalamatay na lang kami sa Egipto – ukon sa kamingawan…
- Pero subong gindala mo kami sa sini nga nasyon para mapatay sa inaway!
- Ang aton mga asawa kag kabataan magkalabihag lang…
- Gani naghambalanay sila – mapili sang bag o nga pangulo nga magabalik sa ila sa Egipto…
- Tanan kita naluwas sa sala sang kalibutan (Egipto)…
- Pero indi tanan sa aton makasulod sa Ginpromisa nga Duta – bugana nga kabuhi kay Jesus…
- Gusto sang Ginoo nga magsulod kita – gusto Niya ihatag sa aton ang kadalag-an – kabuhi sa Espiritu!
- Kalabanan sa aton nahadlok maghatag sang kabuhi sa kay Jesus – nagapangduha-duha…
- Nagapinsar nga mas mayo pa magbalik sa kalibutan – sang sa magkadto kay Jesus!
- Nagpakitluoy si Josue kag Caleb sa mga tawo – indi magkahadlok…
- Ginhatag sang Ginoo ang Duta sa ila – maupod Siya sa ila kag pierdihon ang mga kaaway…
- Ang katawhan sa Duta wala sang upod – pero ang Ginoo kaupod ang Israel!
- Ang katawhan sa Duta ila nga kaunon – hapos lang sila nga pierdihon!
- Kon dumdumon naton kon sin o aton kaupod – ma realisar naton nga wala gid sarang ang mga Higante sa aton!
- Roma 8:31 – “Karon, kon hunahunaon ta ini nga mga butang, makasiling kita nga ang Dios nagaapin gid sa aton, kag wala sing may makahalit sa aton.”
- Kis a madala kita sang aton mga problema – kag malimtan naton ang gahom sang aton Ginoo!
- Wala sing problema nga sobra ka budlay – wala Higante nga makagagahom – wala sing imposible para sa Iya!
- Ang nagtuga sang langit kag kalibutan – ang Ginoo nga makagagahom – makakuha sang bisan ano nga problema naton!
- Makita naton ang kabudlayan – pero makita sang Ginoo ang oportunidad nga ipakita ang Iya gahom!
- Pero ang mga tawo nagsugod istorya parte sa pagbato kay Josue kag Caleb…
- Kon magrebelde kita kay Jesus – indi naton gusto nga hambalan kita sang mga tawo sa aton palibot…
- Sang ginbanhaw ni Jesus si Lazarus sa kamatayon – Juan 11:43
- Dapat tion ato para marealisar sang tanan nga si Jesus amo ang Mesias…
- Si Lazarus ang pruweba sa tanan nga nagapangduha-duha nga si Jesus ang Ginoo…
- Pero imbes makita nila si Lazarus nga isa ka pruweba – ang mga pangulo nakita Siya bilang kaaway…
- Juan 12:10 – “Gani ginplano sang mga manugdumala nga mga pari ng patyon man si Lazarus.”
- Gusto naton kuhaon ang tanan – kag ang bisan sin-o nga nagahukom sa aton nga kulang ang pagtuo…
- Indi naton gusto buksan ang Bibliya – indi naton gusto magpangamuyo…
- Indi naton gusto magkadto sa simbahan – indi naton gusto makita ang iban nga mga kristohanon…
- Sa ulihi kita nagadalagan kag nagapanago lang kita sa Ginoo…
- 2nd – grasya… vs. 11-19 basaha: Numero14:11-19
- Nagsiling ang Ginoo kay Moises – ‘Hasta san-o pa bala ang pagsikway sining mga tawo sa akon’…
- Bisan pagkatapos sang tanan nga mga tanda nga nahimo sang Ginoo para sa Israel – nagapangduha-duha sila gihapon sa Ginoo…
- Ginhambalan sang Ginoo si Moises nga gub-on Niya sila – kag maghimo sang bag o nga nasyon halin kay Moises…
- Sa ikaduha nga tion (ang una sa Bukid sang Sinai) – nag abot si Moises sa pagluwas sa Israel…
- Nagsiling si Moises sa Ginoo – ano na lang isiling sang mga Egiptohanon kon mabalitaan nila ini…
- Nahibaluan nila ang parte sa 10 ka kalalat-an sang Egipto – kag ang parte sa Mapula nga Dagat…
- Nahibaluan nila nga ang Ginoo kaupod sang Israel (panganod/kalayo)…
- Kon gub-on sang Ginoo ang Israel – ang nasyon magasiling nga ang Ginoo indi makasarang magdala sa ila sa Duta!
- Gani indi para sa kaayuhan sang Israel – pero para sa kaayuhan sang Balaan nga pangalan sang Ginoo – luwasa sila…
- Kita ang simbahan sang Ginoo – kag ginadala naton ang Iya pangalan sa kalibutan…
- Dapat ipakita naton si Jesus sa mga tawo nga wala nakakilala sa Iya – magsiga kita para sa Iya…
- Kon ang simbahan madamo sang malain nga nagakalatabo sang sa kalibutan – libakon ini sang kalibutan…
- Ang suga ni Jesus madula – pati ang gahom/mga tawo sang simbahan madula!
- Pero ang Ginoo indi madasig maakig – puno siya sang paghigugma…
- Wala sang rason ngaa ang Ginoo magapatawad kag indi maghukom sa sala sang Israel…
- Pero nagtindog si Moises sa tunga sang Ginoo kag paghukom nga nagakaangay sa Israel…
- Indi kita takos nga patawaron – dapat hukman kita sa aton mga sala…
- Pero ang Maayong Balita amo nga si Jesus nagkadto sa Ginoo – kag nagtindog sa tunga sang paghukom kag sa aton…
- Siya nagbayad – agod kita may ara sang kapatawaran – kag tawgon nga Kabataan sang Ginoo!
- 3rd – konsekwensya… vs. 20-45 basaha numero 14:27-34
- Ang paghukom sang Ginoo… vs. 20-38
- Ang 10 ka mga espiya nga naghatag sang malain nga balita – nakakuha sang kalalat an – napatay…
- Ginpatay sang Ginoo ang iban sa Israel – pero wala sing bisan isa sa ila ang makasulod sa Duta…
- Kundi magalibot-libot sila sa sulod sang 40 ka tuig sa kamingawan…
- Isa ka tuig sa kada adlaw nga ang mga espiya ara sa Duta…
- Ginmanduan sila sang Ginoo nga magbalik sa Mapula nga Dagat…
- Mangin matinumanon – ang pagsalig sa Ginoo amo ang alagyan para makasulod sa ‘Ginpromisa nga Duta’…
- Kon gusto naton sang mabinungahon kag maayo nga kabuhi – kinahanglan naton magpamati sa Pulong sang Ginoo…
- Kon indi – pareho sa Israel – nga mabilin kag ‘nagalibot-libot’ sa kamingawan…
- Indi naton makita kon ano ang ginpreparar sang Ginoo para sa aton – samtang buhi kita nagalibot lang kita gihapon!
- Amo ini ang resulta sang ila mga sala – ang pagpili sa Ginoo nga mangin kaaway nila…
- Kon makasala kita – may ara sang kapatawaran – pero indi ina buot silingon nga wala sang resulta…
- Kon pilion naton magpakasala – may ara gid ini sang bayad…
- Galacia 6:7 – “Indi ninyo pagtuntuha ang inyo kaugalingon. Wala sing tawo nga makadaya sa Dios. Kay kon ano ang ginapanggas sang tawo amo man ang iya anihon.”
- Nahadlok sila nga mapatay ang ila mga kabataan – pero tanan sila mapatay man nga nagalibot-libot…
- Ang ila kabataan mangin ila manugbantay – sila sa ulihi magapanubli sa Duta!
- Luwas lang sa ila ni Josue kag Caleb – sila lang duha (sobra 20 katuig ang ila edad)…
- Si Josue kag Caleb kag ang mga kabataan makasulod sa Duta – pero pati sila magalibot libot man sa sulod sang 40 ka tuig…
- Ang Ginoo wala nagasilot sa aton tungod sa sala sang iban – pero apektado gihapon kita…
- Ang mga ginikanan nga wala nagasunod sa Ginoo – sundon sang kabataan ang ila ginapakita…
- Ang abyan nga nagahagad sa iban nga mag inom/ magsugal – imbes na magtubo sa Ginoo…
- I Corinto 15:33 – “Kon mag-upod-upod kamo sa mga tawo nga nagahimo sang malain, ina magapalain sa inyo maayo nga batasan.”
- Mag-andam kon diin ikaw nagalakat – kag kon sin o ang imo gina-upod…
- Pili-a sing maayo kon sin o imo gina updan – kay apektado ka man sang ila kabuhi!
- Sala nga pagtuad… vs. 39-45
- Sang madason nga adlaw tanan nga mga Israelinhon handa na sa pagkadto sa Ginpromisa sang Ginoo…
- Wala nila liwat ginsapak ang sugo sang Ginoo – kag nagtesting nga ‘sakopon’ ang Duta…
- ‘Narealisar’ nila nga nakasala sila kag subong gusto nila magsulod sa Ginpromisa nga Duta…
- Indi amo sini ang paghinulsol sang Israel – ginatestingan lang nila magpalagyo sa konsekwensya…
- Kon suguon mo ang imo bata magkuha tubig sa bubon – kag indi sila magpati…
- Kon indi mo sila pagwaon sa inyo balay isa ka semana (konsekwensya) – madalagan sila pagguwa para sa magkuha tubig…
- Tungod gusto nila makaluwas – pero ulihi na – wala na sila sang chansa…
- II Corinto 7:10–"Kay ang kasubo nga suno sa kabubut-on sang Dios nagadala sa tawo sa paghinulsol, kag ina nagaresulta sing kaluwasan nga indi dapat hinulsulan. Pero ang kasubo sang mga tawo nga wala nagakilala sa Dios nagadala sa ila sa kamatayon.”
- Hapos lang magpangayo patawad tungod sa sala naton nga ginhimo…
- Pero ang paghinulsol tungod may konsekwensya indi pagbag-o sang tagipusuon…
- Ang matuod nga paghinulsol amo ang pagrealisar nga nakasala kita sa Ginoo – pagpangayo sang kapatawaran…
- Ang matuod nga paghinulsol amo ang pagtalikod sa sala – kag magbalik kay Jesus!
- Nagsiling si Moises sa ila – ngaa ginalapas ninyo liwat ang sugo sang Ginoo…
- Nadula na ila ang oportunidad – indi na sila pag-updan sang Ginoo sa inaway…
- Ginsikway nila ang Ginoo – gani subong pabay-an sila sang Ginoo…
- Kon malakat sila sa inaway – sila lang – ang Ginoo indi magpakig-away para sa ila…
- Pero naglakat gid sila – bisan wala nag-upod sa ila si Moises kag ang kahon sang Ginoo…
- Dayon ginsalakat sila sang mga Amaleknon kag Canaanhon – kag napierdi sila…
- Tungod wala sila nagtuman indi sila makasulod sa ginharian sang Ginoo…
- Hebreo 4:3 – “Kita nga nagatuo amo ang makabaton sang kapahuwayan nga hlin sa Dios. Pero ang wala nagatuo indi makabaton sini, tungod kay nagsiling ang Dios, “Sa akon kaakig nagpanumpa ako nga indi gid nila mabaton ang kapahuwayan nga halin sa akon.” Wala ini nagakahulugan nga ang kapahuwayan wala pa, tungod kay ang matuod, may ara na nga kapahuwayan halin pa sang iya paghimo sang kalibutan.”
- Indi pagsunda ang Israel – indi mangduha-duha sa pagpanglakaton – indi magkahadlok sa mga Higante…
- Mag-angkon kita sang kapahuwayan sa Ginoo – magtulok kay Jesus – kag magsalig sing bug-os sa Iya!