Numbers 17-19

Chapter 17 – ang baston ni aaron…

• Pagpamatuod sang pagpili sang ginoo para sa mga pari… vs.1-13 basaha Numero 17:1-8
  • Gusto sang Ginoo nga matapos na ang tanan nga mga pagpamangkot parte sa awtoridad…
    • Gintestingan ni Miriam kag Aaron ang awtoridad ni Moises – Numero 12
    • Si Kora kag ang iya mga upod nagpamangkot sang awtoridad ni Moises kag Aaron – Numero 16
    • Gusto ipakita sang Ginoo kon sin-o gid ang Iya ginpili nga mangin pari sang Israel…
  • Ang pagtesting: ang nagapanalingsing nga baston…
    • Ginsilingan sang Ginoo si Moises nga maghatag sa iya ang kada pangulo sang Israel sang baston…
    • Isa sa kada pangulo sang 12 ka tribu sang Israel…
    • Butangan nila ini sang ila pangalan – kag ibutang sa Tolda nga Ginapakigkitaan…
    • Si Aaron – Pangulo nga Pari – ang nagarepresentar sang tribu ni Levi…
    • Kon magpanalingsing ang baston – amo ina ang tawo nga ginpili sang Ginoo nga mangin Pangulo sang Israel…
    • Kon gusto mo mahibaluan kon ano ang pagtawag sang Ginoo sa imo – pangitaa ang bunga…
    • Kon pinsar mo nga ikaw lider – balikid kag tan-awa kon may gasunod sa imo…
    • Kon magtudlo ang maestra – tan-awa kon may ara sang nagapamati…
    • Kon nagahimo ka sang mga butang para sa Ginoo – makita ini sang tanan!
  • Pagkasunod nga adlaw kay Aaron lang gid nga baston ang nagpanalingsing…
    • Nagpamulak ini – kag nagpamunga pa sang luto nga mga almendra…
    • Isa ini ka milagro – patay lang ini nga lipak – indi buhi nga sanga…
    • Pero ginhatagan ini sang Ginoo sang kabuhi – ang rason kon ngaa nagpamunga ini para sa Iya…
    • Obra sang Ginoo ang pagkuha sang patay nga mga sanga kag hatagan ini sang kabuhi!
    • Kon wala si Jesus – pareho kita sa patay nga sanga – nga wala sing may mahimo kon kita lang!
    • Ang Ginoo nagkuha sa imo kag sa akon – kag gin-angot kita kay Jesus – agod magpamunga para sa Ginoo!
    • Juan 15:4 – “Magpabilin kamo sa akon, kag magapabilin man ako sa inyo. Pareho nga ang sanga indi makapamunga kon wala nagaangot sa puno, amo man kamo sina, indi kamo makapamunga kon magbulag kamo sa akon.”

Chapter 18 – ang mga katungdanan sang mga pari kag sang mga levita…

• lain lain nga hilimuon… vs. 1-7 basaha numero 18:2-5
  • May ara duha ka posisyon nga ginhimo ang Ginoo sa pag-alagad sa Tolda…
    • Ang mga Pari ang responsable sa mga halad – pagtudlo sang espiritohanon nga kinahanglanon sang Israel…
    • Ang mga Levita ang responsable sa Tolda – kag pagtudlo parte sa Ginoo…
    • May ara sila lain lain nga buluhaton kag responsibilidad – pero pareho lang ang ila katuyuan…
    • Kon indi nila paghimuon ang ila mga responsibilidad – pareho sila nga mapatay…
  • May ara lain lain nga hilimuon sa sulod sang simbahan – posisyon sang mga lider nga ginhatag sang Ginoo…
    • Ang Pastor/Elder – amo ang nagatudlo sang Espiritohanon nga kinahanglanon sang simbahan…
    • Pagtudlo sang Pulong sang Ginoo / pangamuyuan ang mga nagakinahanglan…
    • Paghatag sang diosnon nga laygay sa mga tawo…
    • Amo ini ang mga responsibilidad sang Pastor/Elder sa Simbahan…
    • Ang deacon – amo ang nagahatag sang mga praktikal nga mga kinahanglanon sang simbahan…
    • Pagpulot sang basura / pagtinlo sang palibot…
    • Magpreparar para sa simba / pagluto sa simbahan…
    • Amo ina ang mga responsibilidad sang deacon sa simbahan…
    • Lain lain ang buluhaton – pero isa lang ka lawas…
    • * I Corinto 12:12 – “Ang lawas may madamo nga mga parte pero isa lang ka lawas. Pareho man sini sa aton nga mga tumuluo nga lawas ni Cristo.”
    • Parte kita tanan sang lawas ni Cristo – kamot / tiil / mata / dalunggan…
    • Indi literal – pero tanan kita may lain lain nga buluhaton sa simbahan…
    • Isa gintawag nga pastor / manunudlo (baba) / isa deacon (kamot)…
    • Pero bisan ano ang imo regalo / pagtawag – tanan kita palareho kag parte sang ‘Lawas ni Cristo’…
    • Kon himuon ta ang mga butang nga wala ginapa-obra sang Ginoo sa aton – wala sang kabuhi / wala sang bunga…
    • Epektibo lang kita sa Ginoo – kon pun-an naton ang buluhaton nga ginhatag sang Ginoo sa aton!
    • Mga halad para sa mga pari / levita… vs. 8-21 basaha Numero 18:8-9, 20
  • Ang mga pari magakuha sang ila bahin sang tanan nga halad sang Israelinhon…
    • Samtang nagahatag sila sang mga epirituhanon nga kinahanglanon sa mga tawo…
    • Ang mga pari sang Ginoo – hatagan sang ila praktikal nga mga kinahanglanon – halin sa mga halad para sa Ginoo…
    • * I Corinto 9:13-14 – “Indi bala nga nahibaluan ninyo nga ang mga nagaalagad sa templo dira man nagakuha sang ila pagkaon? Kag ang mga nagaalagad sa halaran nagakuha man sang ila parte sa mga butang nga ginahalad sa halaran. Sa amo man nga paagi, nagsugo ang Ginoo nga ang mga nakabaton sang Maayong Balita dapat nga magbulig sa mga kinahanglanon sang mga manugwali sang Maayong Balita agod mabuhi sila.”
    • Ang mga nagatudlo sang espirituhanon nga kinahanglanon sang simbahan – pastoral ministry…
    • Kon mahimo – hatagan sila sang ila praktikal nga mga kinahanglan halin sa mga tawo sa sulod sang simbahan…
    • I Timoteo 5:18 / Mateo 10:10 – “Ang manug-obra dapat hatagan sang suhol.”
    • Kon ang pastor mag-obra para suportahan ang iya kaugalingon – gamay lang tion sa simbahan…
    • Bugay ini para sa mga tawo nga maghatag para sa pastor agod mahilway siya sa iya mga buluhaton…
  • Ang mga Pari indi dapat magtulok sa mga pagkabutang diri sa kalibutan…
    • Damo ako sang kilala nga mga pastor nga gusto magdamo ang kwarta paagi sa sini nga buluhaton…
    • Nagatulok sila sa mga ‘pagkabutang’ diri sa kalibutan…
    • Imbes nga mangin bugay para sa mga katawhan sang Ginoo – sila pa ang nagakuha sa mga tawo…
    • Ang Pastor INDI dapat magdemanda – ukon mangayo – sang kwarta sa mga tawo…
    • * I Corinto 9:15 – “Pero wala ko paggamita ang akon kinamatarong nga ina. Kag wala man ako nagasulat subong agod pabati-batian kamo nga hatagan ninyo ako. Maayo pa nga mapatay ako sang sa himuon ko ina. Siguruhon ko nga wala sing bisan sin-o nga makakuha sang akon ginapabugal nga ini.”
    • Ang mga pastor nga nagademanda sa mga tawo – hukman sang Ginoo…
    • Ezekiel 34:2 – “Tawo, maghambal ka batok sa mga manugbantay sang Israel. Silinga sila ako ako, ang Ginoong Dios, nagasiling: Kaluluoy kamo nga mga manugbantay sang Isarel. Ang inyo lang kaugalingon ang inyo ginatatap! Indi bala nga ang mga manugbantay dapat magtatap sang iya mga karnero?”
    • Ang tawo nga nangin ‘pastor’ tungod ila pinsar obra ini – ukon pamaagi para makakwarta…
    • Wala sila sa posisyon para maghigugma kag maghatag sa mga tawo – ihatag ang ila kabuhi…
    • Kon mag abot ang problema – magadalagan sila – tungod ila kaugalingon lang ang ila gina una…
    • Juan 10:13 – “Ang sinuhulan nagapalagyo, tungod kay sinuhulan man lang siya kag baliwala lang sa iya kon ano ang matabo sa mga karnero.”
  • Ang Ginoo amo ang padya sang mga Pari…
    • Indi ang mga tawo nga nagahatag sa mga Pastor – ang Ginoo ang nagahatag sang ‘padya’…
    • * I Corinto 9:17 – “Kon nagawali ako tungod nga amo ini ang akon ginpili nga obra, ti magapaabot ako sing suhol. Pero ang matuod, ginatuman ko lang ang akon obligasyon nga magwali tungod nga amo ini ang obra nga gintugyan sa akon sang Dios.”
    • Tungod kay ang Ginoo ang nagapili sang pastor – ang Ginoo man ang magahatag sang iya kinahanglanon…
    • Ang paghatag sang Ginoo sang mga kinahanglanon sang pastor – nagahatag sang kasiguraduhan sa simbahan nga siya amo ang gintawag…
    • Kon ang pastor magsige-sige tudlo parte sa ‘tithes’ – kag basi makakwarta…
    • Pero basi magpamangkot ka – pastor gid bala siya – ukon gusto lang sang kwarta!
    • Paghatag balik sa ginoo… vs. 22-32 basaha Numero 18: 21, 26
  • Ang mga Levita magabaton sang ikanapulo halin sa Israel…
    • Pero kinahanglan nga maghatag man sila sang ikanapulo halin sa amo nga ikanapulo sang Israel – bilang halad sa Ginoo…
    • Indi ang bisan ano lang nga parte – kinahanglan ihatag nila ang pinakamaayo balik sa Ginoo!
    • Kis a ang mga ara sa ministry – nagapinsar sila nga indi sila kinahanglan maghatag
    • Mahatag ka sa simbahan – kag mabaton nila ang imo ginhatag – pero indi ina ang katapusan…
  • Ang mga naga-alagad sa Ginoo – kinahanglan gihapon maghatag balik sa Ginoo…
    • Kon ang pastor magsiling sa imo nga maghatag sa Ginoo – pero wala man siya nagahatag – malain nga ehemplo…
    • Paagi sa paghatag balik sa Ginoo ang simbahan may maayo nga ehemplo nga sundon…
    • Ang matuod nga tagipusuon sang Diosnon nga pastor amo ang paghatag sa mga katawhan sang Ginoo…
    • * Binuhatan 20:34-35 – “Nakahibalo gid kamo nga nag-obra ako agod may galastuhon ako sa akon mga kinahanglanon kag sa akon mga kaupdanan. Ginhimo ko ato agod ipakita sa inyo nga paagi sa sini nga mga pagpangabudlay mabuligan ang mga imol. Dumdumon ta permi ang ginsiling ni Ginoong Jesus nga mas bulahan ang nagahatag sang sa nagabaton.”
    • Paghatag sa mga tawo bilang ehemplo – mas maayo maghatag sang sa magbaton!

Chapter 19 – ang pula nga babayi nga baka…

• Pagpakatinlo… vs.1-22 basaha Numero 19: 1-3
  • Ginsilingan sang Ginoo si Moises nga magkuha sang mapula nga baka (babahi)…
    • Ang baka dapat perpekto – wala sang deperensya…
    • Kinhanglan man wala pa magamit sa pag-arado…
    • Dal-on ini sa guwa sang kampo – bilang halad…
    • Dapat sunugon ang bilog nga baka…
    • Haboyan ang kalayo sang kahoy nga sedro / isopo / kag pula nga higot…
    • Seremonya ini sa pagkuha sang sala!
  • Ang abo gamiton sa pagtinlo sa mga mahigko… Basaha Numero 19:9
    • Kon nagtandog ka sang patay nga lawas – ukon sang lulubngan – kabigon ka nga mahigko sa sulod sang 7 ka adlaw…
    • Kinahanglan mo maghimo sang espisyal nga sermonya para magbalik ang imo relasyon sa Ginoo
    • Tinluan ka paagi sa tubig kag abo sang Pula nga Baka – ikatatlo & ikapito nga adlaw…
    • Kon indi – pahalinon ikaw sa Israel…
    • Tanan kita makasasala – kag ang silot sa sala amo ang kamatayon – Roma 6:23…
    • Indi lang kamatayon sang aton lawas – espirituhanon nga kamatayon – wala katapusan nga separasyon sa Ginoo
    • Mahigko kita – nakatandog kita sa sala/kamatayon – naseparar kita sa Ginoo
  • Ngaa ang Pula nga Baka…
    • Tungod nga nagapadumdum sa ginhimo nila nga 'bulawan nga baka' – Exodus 32
    • Ang Israel naglagas sa mga kalipayan sa kalibutan/ sala – ‘manggad kag bulawan’…
    • Tungod sini ginsikway nila ang Ginoo sa ila kabuhi – Mateo 6:24…
    • Gani gingamit sang Ginoo ang 'pula nga baka' para ibalik sila – kuhaon ang ila kahigko…
    • Halos tanan sa aton naglagas sang 'manggad' diri sa kalibutan – nagkalipay sa sala…
    • Gani ginhatagan kita sang Ginoo sang Pula nga Baka – si Jesus…
    • Si Jesus ang perpekto nga halad – nag abot Siya sa pagtinlo sa aton…
    • Naseparar kita sa Ginoo – gani nag abot Siya para ibalik kita sa Ginoo…
    • Si Jesus nagguwa sa kampo para kuhaon kita – nag antos Siya kag napatay para sa aton mga sala…
    • * Hebreo 13:12-13 – “Kag pareho man sini ang natabo kay Jesus tungod kay didto man siya ginpatay sa guwa sang banwa, agod paagi sa iya dugo matinluan niya ang mga tawo sa ila mga sala. Gani magkadto kita kay Jesus sa guwa sang banwa kag magpakigbahin sang iya mga gin-antos nga kahuy-anan.”
    • Gintinluan kita ni Jesus – ginkuha Niya ang aton mga sala – kag ginhatagan kita sang bag-o nga tagipusuon…
    • Ginbalik Niya ang aton relasyon sa Ginoo – gindala kita balik sa presensya sang Ginoo!
  • Ang ikatatlo nga simbahan…
    • Ang tradisyon sang Judio – ang Mishna – nagatudlo nga kon idedikar ang Simbahan…
    • Ang abo sang ‘pula nga baka’ kinahanglan sa pagtinlo sang Simbahan – II Cronica 29:18
    • Ang una nga Simbahan (Solomon) – kag ang ikaduha nga Simbahan (Herod) – gintinluan sa sini nga paagi…
    • Ang pula nga baka para sa seremonya BUDLAY gid makita – sa matuod wala na gani sila…
    • Wala sing pula nga baka nga wala sang deperensya ang nabata sa Israel halin sang pagkalaglag sang Jerusalem sang A.D. 70…
    • Sang sini lang – 2010 – natawo ang perpekto nga Pula nga Babayi nga Baka sa Israel!
    • Para sa iban nga mga Judio isa ini ka senyales sa pag abot sang Manluluwas / pagpatindog sang Simbahan…
    • Suno sa propesiya sa bibliya ang ikatatlo nga Simbahan patindugon antis sang ikaduwa nga pagbalik sang Ginoo…
    • Daniel 9:27 – ang Anti-Christ maga sang makangilil-ad nga butang
    • Magatindog siya sa Pinakabalaan nga lugar sa tanan – kag magpakilala sang iya kaugalingon bilang ginoo…
    • Ang ‘Pula nga Baka’ bala buot silingon nga patindugon liwat ang templo – basi…
    • Indi ini pagtagna nga halin sa bibliya – base ini sa tradisyon sang mga Judio…
    • Ang punto – magtulok – kay malapit na lang gid ang pag-abot ni Jesus – Lucas 21:28