These are the original teaching notes from this passage.
Sulat sang pagpatawad… (3 ka punto)
- Introduction… (6 points)
- 1st – Sino nagsulat sang libro?…
- Si Apostol Pablo…
- Pablo- ang amo man nga Pablo nga alagad sang Diyos, kun diin sa Buluhaton 13-28 , ginpahayag ang iya mga nabuhat hanungod sa pagpangalagad sa Diyos.
- Ang Pablo nga nagsulat sang 14 ka libro sa Bag-o nga Katipan
- Tatlo ka malaba nga sulat- Roma / 1 Corinto / 2 Corinto
- 6 ka manubo nga sulat- Galacia / Efeso / Filipos / Colosas / 1 kag 2 Tesalonica
- 3 ka kasulatan sang Pastor- 1 Timoteo / 2 Timoteo / Tito
- Kag FILEMON – ang gaisahanon nga personal nga sulat halin kay Pablo
- Mga ebidensya sa sulat:
- Inumpisahan ni Pablo ini nga sulat sang – “Ako si Pablo nga napriso tungod kay Cristo Jesus…”
- Sa verse 9- “ bilang isa ka tigulang (Pablo)…” sa verse 19- “Ako gid mismo si Pablo ang nagsulat sini…”
- Halin pa sa mga nauna nga mga simbahan , ginabaton na nga si Pablo ang nagsulat sang libro nga ini.
- 2nd– Para kay sin-o ginsulat ini?
- Para kay Filemon nga taga Colosas
- Subong nga moderno nga siyudad sang Chonai – sa Lycus River valley sa may Southeast Turkey…
- Lapit sa mga siyudad sang Laodicea kag Hierapolis – modern day Pamukkale…
- Ang Pamukkale isa ka resort town – nga may natural nga mainit nga mga tuburan – kag matahum nga mga maputi kag mapil-ason nga mga bukid.
- Ang Colosas ara sa northern foot sang Mount Cadmus – 2500m – pinakamataas gid sa ina nga lugar
- Ang taluktok sang bukid nga puno sang niyebe ang nagahatag sang matugnaw kag matin-aw nga tubig tuburan.
- Ang tubig nga halin sa Colosas kag Herapolis nagailig panaog sa Laodicea
- Kun magimpon na ang mainit kag matugnaw nga tubig, maalabaab na lang kag indi na manami. Mas maayo pa itupra na lang
- Sa libro sang Pahayag 3:16- “ Kuntani mabugnaw ukon mainit kamo. Pero tungod kay pareho kamo sa maalabaab nga tubig ibuga ko kamo. “
- Indi kita makapangabuhi nga tunga-tunga ang aton nga gugma, tunga para sa Diyos kag tunga para sa kalibutan.
- Kun Dominggo, ang panglakaton kag mga tinaga daw Kristyano, pero halin Lunes asta Sabado, nagapangabuhi sa pagpakasala.
- Masapwan ta nga maalabaab ang aton pangabuhi kag iluad ta ni Hesus.
- Ang simbahan sa Colosas
- Si Epafras ang nagdala sang Maayong Balita sa siyudad sang Colosas- Colosas 1:7
- Kag kaupod man ni Pablo sa prisohan- Filemon 1:23 “Ang akon kaupod nga si Epafras…”
- Pero, si Pablo wala pa gid nakakadto sa syudad- Colosas2:1
- Si Pablo ang nagsugid sang maayo nga balita kay Filemon- Filemon 1:19
- Si Filemon nga may mga tumuluo (simbahan) nga gatipon sa iya balay- Filemon 1:2
- 3rd – San-o ginsulat ang libro?
- Si Pablo ang nagsulat sini sang una nya nga pagkapriso sa Roma – Acts 28
- Naghulat si Pablo duwa ka tuig sa Caesarea – nga nagaatubang sa paghukom nga ginapangunahan nila ni Felix / Festus / Agrippa…
- Kag ginpadala sya sa Roma sang nag-apela siya kay Caesar.
- Gin house-arrest naman siya duwa pa gid ka tuig sa Praetorium Guard House.
- Ang ikaduwa niya nga pagkapriso natabo sa Mamertine Prison antes siya pamatbatan sang pagkabitay.
- Samtang nagahulat siya nga mag-atubang kay Caesar,
- Ginapatihan nga ginsulat ni Pablo ini nga sulat sang 61 A.D.-sang pagkapreso sa iya.
- Ini ang isa sa mga Prison Letters nga ginsulat niya halin sa Roma – Filemon 1:1
- Nagsulat siya sang apat ka kasulatan halin sa Roma – Efeso, Filipos, Colosas, Filemon.
- 4th – Ang tema sang Filemon…
- Ang tema sini nga libro: ANG PAGPATAWAD
- Bisan wala masambit ang ini nga tinaga sa libro, wala duwa-duwa nga ini ang tema
- Onesimus- ulipon nga nalagyo – may ginkawat sa iya nga amo nga si Filemon –
- Filemon 1:18
- Nalagyo siya sa Colosas pakadto sa Roma – Kun diin nya nakilala si Pablo
- Ginbaton nya si Hesus nga iya manluluwas, kag gusto nya magbag-o nga kabuhi –
- Filemon 1:10
- Ginpangabay ni Pablo kay Filemon nga patawaron si Onesimus, kag batunon siya liwat.
- Indi lang bilang isa ka ulipon kundi isa ka utod kay Cristo.
- Key verse – base sa PAGPATAWAD
- Filemon 1:15-16 – Ginbuot siguro sang Dios nga makapalayo anay si Onesimus sa imo, agod nga sa pagbalik niya sa imo indi na gid kamo magbulagay hasta san-o. 16 Karon indi na siya ulipon lang, kundi imo pa nga pinalangga nga utod. Palangga ko siya, pero mas palangga mo pa gid siya tungod nga subong indi mo lang siya ulipon kundi imo man siya utod sa Ginoo.
- 5th – Ngaa importante ini nga libro?…
- UNA, Ginatudluan kita parte sa PAGPATAWAD…
- Onesimus – ulipon / empleyado – nakakawat sa iya amo kag nagpalagyo…
- Ginsulat ni Pablo ini nga sulat para pangabayon si Filemon nga patawaron kag batunon liwat si Onesimus…
- Ang PAGPATAWAD isa ka DAKO nga bagay nga ginakinahanglan para sa aton nga mga tumuluo
- Namangkot si Pedro kay Hesus kun pila ka beses ako dapat magpatawad – Kapito? Mateo 18:21-22
- Kun makasala gali ang tawo sa akon sa ikawalo nga beses, pwede ko na itanom ang akig sa iya?
- Kun may nagakutso-kutso parte sa akon
- Tapos nagpalapit kag nangayo sang patawad sa akon – Basi mapatawad ko siya
- Dayon nagliwat pa gid palapta sang kutso-kutso parte sa akon – WALA NA KAPATAWARAN!
- Ginsabat ni Hesus si Pedro – Indi lang kapito nga beses, kundi 70 x 7 ka beses magpatawad
- Kun isipon, mga 490 ka beses
- Kun pareho ka sa akon, isulat mo na sa notebook kag magsugod isip
- Ara ka na sa ika 480 abyan, andam ka kay pulo na lang nabilin!
- Pero indi numero ang ginahatag ni Hesus sa aton, Ginahatagan niya ta sang katungdanan sa Bibliya
- Sang panahon ni Hesus, ang Bibliya wala sang pagbahin nga chapter kag verse
- Para magpatuhoy sa isa ka bahin sang Bibliya, magsambit ka sang isa ka parte sang sina nga bahin
- Nagaguwa nga ang 70 x 7 isa ka espesyal nga numero nga kaisa lang gin gamit sa Bibliya
- Daniel 9:24 – ‘Nagtalana ang Dios sang tinion nga 70 x 7 ka tuig… para sa pag-untat sang pagpakasala sa Dios, para matubos sila sa ila sala, para mapaluntad ang wala katapusan nga pagkamatarong…”
- Nagasiling si Hesus – magpatawad kita asta nga wala na sang kasal-anan!
- Kapila ta magpatawad sa tawo nga nakasala sa aton? Sa tanan nga tinion!
- Paano kun sulit-sulit ang ila sala? Sige-sige lang ta patawad!
- NagaPATAWAD kita – para sa aton nga pakig-upod sa Diyos
- Napatawad sang Diyos si Filemon sang iya mga sala – paano siya indi makapatawad kay Onesimus
- Nagpalansang si Hesus sa krus para bayaran ang aton mga sala – TANAN gid nga sala..
- Nangimatay si Hesus para mapatawad kita sang mga nabuhat ta nga sala, kag sa mga mabuhat ta pa nga mga sala
- Bangud sini, aton binag-binagon kun ano kadako ang pagpatawad sa aton – wala na sang rason nga indi kita makaPATAWAD?
- Kun indi ta makasarang magpatawad, ang Diyos indi man makapatawad sa aton
- Mateo 6: 15 “ Pero kon indi kamo magpatawad sa ila, ang inyo Amay indi man magpatawad sa inyo.”
- Ngaa indi kita makapatawad nga halin gid sa tagipusuon…
- Indi sa paghambal lang – kinahanglan sinsero gid nga halin sa tagipusoon nga pagpatawad…
- Kun matuod nga naka hangop gid kita sa aton tagipusuon kun ano kadako ang pagpatawad nga ginhatag sa aton…
- Malipayon gid kita nga makapatawad sa iban!
- IKADUWA – Ginatudluan kita parte sa PAGKAHIUSA…
- Si Onesimus isa ka ulipon, Kag si Filemon isa ka manggaranon nga AMO…
- Lain gid nga pang-ginawi kag kalibutan ang ginhalinan nila nga duwa.
- Pero kay Jesu Cristo, MAG-UTOD sila – May KAHIUSA kag may PAGTUO!
- Galacia 3:28 -” Karon palareho na lang ang mga Judio kag ang mga indi Judio, ang mga ulipon kag ang mga indi ulipon, ang mga lalaki kag ang mga babayi. Kita tanan palareho na lang tungod nga kita ara na kay Cristo Jesus. ”
- Sa kay Hesus, wala na sang kinalain-lain pa…
- Masami, nagapinsar kita nga may nagkalai-lain nga klase Kristyano – may pasaway, may mabuot, kag may ara pinakanami kag perpekto
- Nga kuno abi, galantaw ang Diyos kag makita nya nga may ara nga mas maayo sa iban
- Pero may ara lang sang duwa ka klase sang tawo para sa Diyos…
- Ang mga nagapati kag nagatuo sa Maayong Balita – nga nakadestino sa Langit
- Kag ang mga nagsikway kay Jesus – nga nakadestino sa walay-katapusan nga pagkasepara sa Diyos
- Ang aton Kaluwasan indi nakabase sa aton kaugalingon nga pagkatawo, nakabase ini sa pagkilala ta Kay jesu Kristo!
- Indi importante sa Diyos kun kita Judio okon Gentil, manggaranon okon imol…
- Bisan sin-o ka man, isa lang ang alagyan sa kaluwasan, ang pagtuo kay Jesu Cristo
- Sa salamputan, alangay kag pareho kita tanan sa idalom sang Diyos – mga makasal-anan nga naluwas sang Bugay sang Diyos
- 6th – Paano gin partida ang libro?..
- Filemon 1:1-7 – Ang pagtaha ni Pablo sa kay Filemon
- Filemon 1: 8-25 – Ang pangabay ni Pablo kay Filemon
- 1st – Sino nagsulat sang libro?…
- 1st – pagpanamyaw ni pablo… vs. 1-3
- 1 – Kay sin-o naghalin ang sulat…vs. 1
- Pablo nga NAPRISO tungod kay Cristo Jesus
- Ara man sa Filemon 1:9 / Filemon 1:10 / 13 – “ samtang ari pa ko sa prisohan tungod sa akon pagwali sang Maayong Balita “
- Makatilingala nga wala ginakabig ni Pablo nga priso siya sang Roma…
- Ginakabig nya nga priso siya ni Jesus – tungod napriso siya para sa Maayong Balita
- Ini nga pagpanamyaw, indi ang normal nga pagpanamyaw ni Pablo. Laban nga pagpanamyaw niya: Pablo, isa ka APOSTOL
- Imbis ipalabi ni Pablo ang iya nga mando okon gahum sa kay Filemon,
- Nag-ingod kay Filemon para maghatag konsolasyon, para mapasingayonan niya si Filemon nga magpatawad
- Ang Bibliya pwede mangin lipak nga panghanot para tadlungon kita sa kahustohan, okon pwede man ini makapabaskug sang aton panglakaton
- Depende sa aton ginapalabi, kun puro kalibotanon nga bagay, lipak nga panghanot…
- Kun kay Jesus, magapabakud ini sang aton panglakaton!
- 2 – Timoteo – aton UTOD…
- Na sambit ang ngalan ni Timoteo sa pagpanamyaw sa tatlo ka kasulatan…
- Colosas 1:1 / Filipos 1:1 / Filemon 1:1 – pero wala masambit sa Efesos…
- Namuno man ang iya ngalan sa mga pulo, luwas se trese tanan ka mga sulat ni Pablo, laban gid kun ikompara sa iban nga katawhan…
- Nag-upod sya kay Pablo sa umpisa sang IKADUWA nga biahe misyoneryo ni Pablo – BINUHATAN 16
- Kag nag tiner siya upod kay Pablo sa kabug-osan gid nga IKATLO nga Missionary Journey.
- Pati na ang paglingkod kaupod kay Pablo sang una nga pagkapriso kay Pablo!
- 2nd – Para kay sin-o ang sulat?… vs. 1-2
- 1 – Filemon – ang aton PINALANGGA nga Abyan – Kag kaupod nga MANUGPANGABUDLAY
- Filemon – halin sa tinaga nga phileo – isa nga nagahatag sang paghiuturon nga pagpalangga
- Pinalangga – halin sa agape – isa nga nagabaton sang himpit nga paghigugma…
- KAUPOD NGA MANUGPANGABUDLAY – synergos – 13x sa Bag-o nga Testamento
- Juan 13:35 – “Kon nagahigugmaanay kamo, ina mahibaluan sang tanan nga kamo akon mga sumulunod.”
- Kita ginatawag para mahibaluan kag makilala sang aton paghigugma sa isa kag isa.
- Galing may mga TAWO nga mas mahapos palanggaon, may TAWO man nga mas mabudlay palanggaon. May mga adlaw gid nga mas mabudlay..
- Pero kun may SYNERGY – AGAPE kag PHILEO nga gadungan…
- Kun mabaton ta ang AGAPE sang GINOO – makahatag ta sang PHILEO sa iban!
- 2 – PINALANGGA Afia…
- Afia – Mabinungahon – diri lang nasambit sa Bag-o nga Testamento. Ginaabi-abi nga iya nga Ayo.
- May nagapati nga siya ang asawa ni Filemon – pero wala kita kahibalo…
- Ang nahibaloan ta lang nga siya isa ka tumuluo sa simbahan nga ara sa balay ni Filemon!
- 3 – Arkipus – aton kaupod nga SULDADO…
- May gaabi-abi nga siya anak ni Filemon, pero wala ta kabalo
- Arkipus – nagakahulugan nga Agalon sang mga Kabayo – namitlang 2x sa Bag-o nga Testamento
- Colosas 4:17 – “Silinga ninyo si Arkipus nga tapuson niya ang ginapaobra sang Ginoo sa iya.”
- Kaupod nga SULDADO – 2x sa Bag-o nga Testamento- posible nga si Arkipus isa ka suldado sa Cavalry…
- Sang naluwas na siya, nangin kaupod sya ni Pablo nga suldado para kay Jesu Cristo!
- 4 – Ang Simbahan nga ara sa imo balay…
- Makit-an ta ang mga Simbahan sa mga Balay sa Bibliya – 1 Corinto 16:19 / Colosas 4:15
- May mga nagapati ang ang Simbahan dapat mag tipon-tipon sa balay lang…
- May mga bentaha ang Simbahan sa Balay – mas gamay nga grupo – mas masood nga pagsinalayo…
- Mas dako nga simbahan – mas hapos nga madula ka kag indi masapakan…
- Pero may balanse man – Ang dalagko nga simbahan may mas madamo nga remedyo kag mas madako nga impluwensya…
- Amo kun ngaa ang mga simbahan sa BINUHATAN may ara sang pareho nga dako kag gamay nga simbahan!
- Binuhatan 2:46 – “ Adlaw-adlaw nagatipon sila sa templo (dako) kag nagapamihak-pihak sang tinapay sa ila mga balay (gamay). Malipayon gid sila sa ila pag-ambitanay sa pagkaon,…”
- 1 – Filemon – ang aton PINALANGGA nga Abyan – Kag kaupod nga MANUGPANGABUDLAY
- 3rd – BUGAY kag PAGHIDAET… vs. 3
- Bugay kag paghidaet halin sa Dios nga aton Amay kag kay Ginoong Jesu-Cristo.
- Ang BUGAY sang Diyos – charis – nagamit 156x sa Bag-o nga Testamento…
- Ang PAGHUKOM amo ang madangatan ako sang nagakaangay sa akon, ang KALO-OY amo ang indi ako madangatan sang nagaka angay nga gaba sa akon, …
- Ang BUGAY naman amo ang mabaton ko ang kaayuhan nga indi man tani nagakaangay sa akon- pero regalo nga libre halin sa Diyos!
- Nagakaangay kita magkadto sa impyerno tungod sang aton nga mga sala kag pagkabatinggilan – Paghukom…
- Ugaling, nakabaton kita halin sa Diyos sang puwerte ka maayo nga regalo sang pagkamatarong kag Langit pamaagi kay Jesus!
- PAGHIDAET kaupod sa Diyos – eirene – 92x sa Bag-o nga Testamento…
- Antes kita ginluwas, nagapaabot-abot kita sang kaakig kag paghokom sang Diyos…
- Wala kita sang kalinong kag paghidaet – kahadlok lang sa kamatayon kag gaba!
- Hebreo 10:27 – “ Ang tawo nga nagapakasala nagapaabot na lang sang makahaladlok nga paghukom kag masingkal nga kalayo nga ginpreparar sang Dios para sa mga nagakontra sa iya. “
- Kun may BUGAY kita sang Ginoo, ang libre nga KALUWASAN – may KALINONG KAG PAGHIDAET kita kaupod sa Diyos!
- Wala kita sang tu-od nga PAGHIDAET- kalinong kag pagpahuway sa pagkahibalo nga ginpatawad kita – kun wala sang BUGAY!
- 2nd – ANG PANGAMUYO KAG KALIPAY NI PABLO… vs. 4-7
- 1st – Ang pangamuyo ni Pablo… vs. 4/6
- Nagpasalamat si Pablo sa Diyos…
- Masami kita nagakalipat sa aton kabuhi nga mangin pinasalamoton sa Diyos para sa mga ginbuhat nya kag mga ginhatag nya sa aton…
- Nagapaminsar kita sang mga bagay nga wala kita, sa aton paminsaron kinahanglan ta gid ini, pero sa tu-od tu-od lang, gusto ta lang gid…
- Kun kinahanglan ta gid, Ang Diyos ang magahatag – kun wala ina nga bagay sa aton, indi ta na kinanglanon. Lucas 12:31
- Ginatawag kita sang Ginoo para mangin PINASALAMATON para sa tanan nga butang – para sa tanan nga ginbuhat nya para sa aton- sa matagadlaw-adlaw!
- Sa pagtan-aw sa mga nahatag niya – indi sa mga butang nga ginapinsar ta nga aton kinahanglan.
- I Tesalonica 5:17 –
- ”… gusto sang Dios nga magkalipay kamo permi, magpangamuyo sa tanan nga tion, kag magpasalamat bisan ano ang inyo kahimtangan.”
- PIRME gid nagapangamuyo si Pablo…
- PANGMUYO – 37x sa Bag-ong Teatamento – pagpakigsugilanon sa Diyos…
- Indi paabot-abot lang nga pangamuyo kundi pirme gid kag NAGAPADAYON NGA PAGPANGAMUYO…
- Masami ta nga ginatratar ang PANGAMUYO bilang isa ka ritwal –
- Malaka lang gid kita nagahatag sang tion sa pagpamati sa aton PAGPANGAMUYO – nangin one-way conversation.
- May nagapamati man ayhan? Lucas 18:21
- Ang PAGPANGAMUYO dapat pakigsugilanon sa aton Amay sa Langit…
- Paano kita magkarelasyon sa Diyos kun wala gid kita gasugilanon sa iya…
- Paghatag sang tyempo sa paggpamati sa kaalam nga ihatag nya sa ato kabuhi!
- Ang PANGAMUYO indi isa lamang ka butang nga aton ginaobra – ini ang nagahatag saysay sa aton kabuhi. I Tesalonica 5:17
- May gintuhoy gid nga bagay ang pangamuyo ni Pablo…
- Indi ini kabilugan nga pangamuyo, ini isa ka pagpangamuyo nga may ginatuhoy gid nga mga butang
- Wala man sang malain sa kabilugan nga pagpangamuyo…
- Apang maayo gid kunmay ginatuhoy gid ang aton pangamuyo, ipabutyag ta sa Ginoo ang detalye…
- Indi man sa siling nga wala pa kabalo ang Diyos, makita nya na ang katapusan sa umpisa pa lang…
- Apang ini nagahatag sang paagi nga maguihaan ta sang Ginoo sa mga natuhoy nga mga bagay-bagay – agud maguihaan ta sang Diyos sa pagbaylo sang aton nga tagipusoon…
- Ang pangamuyo indi para baylohon ta ang panghuna-huna sang Diyos, ang pangamuyo amo ang para mabaylohan sang Diyos ang aton panghuna-huna kag tagipusuon.
- Lucas 22:42 – “ “Amay, kon luyag mo, ilikaw ini nga pag-antos nga nagaabot sa akon. Pero indi ang akon luyag ang dapat matuman kundi ang imo.”
- MATIGAYONON nga PAGPANGAMUYO… vs. 6
- ang imo PAGKAMAHINATAGON (koinonia), nga bunga sang imo PAGTUO,
- MAGAPADAYON (energeo)
- samtang nagadalom pa gid ang imo pag-intiendi (epignosis)
- parte sa tanan nga MAAYO (agathos) nga mga butang nga nabaton naton tungod nga kita iya na ni Cristo.
- Nangamuyo si Pablo para mahibaloan ni Filemon tanan nga ginbuhat sang Diyos para sa iya…
- Kag nagaresulta sa paghatag kay Filemon sang kakusog (ENERGY) para magpalapnag sang Maayo nga Balita!
- Gina kahadlok ko nga ginabale-wala ta ang mga naubra sang Diyos para sa aton. Oo. Naluwas kita….pero…
- Wala ta mahangop ang kadalum sang pagbawi niya sa aton sa IMPYERNO, ang ginapromisa nga LANGIT …
- Ang mas madalum nga paghangop sang nahimo sang Diyos para sa aton, ang magahatag sang dugang nga KABASKOG (ENERGY) sa aton, kag mangin mas matutum ta sa pagpangalagad sa iya.
- Sa pagpalapnag sa TANAN nahanungod sang Maayong Balita ni Jesu Cristo!
- 2nd – Ang KALIPAY ni Pablo… vs. 5-7
- Nabatian ni Pablo nahanungod kay Filemon…
- Ang PAGHIGUGMA (agape) / PAGTUO (pistos) nga ara kay Filemon
- Ang kabuhi ni Filemon padayon gid nga napun-an sang PAGHIGUGMA kag PAGTUO…
- Indi lamang para sa Diyos – kundi para gid sa TANAN nga mga TUMULUO!
- Kun may makasaysay sang aton kabuhi sa mga malip-ot nga mga tinaga, ano ina nga mga tinaga ang makasalaysay sang aton kabuhi….
- Ano nga mga bagay ang makasalaysay sang imo kabuhi, ano klase nga mga bunga ang makit-an sa imo kabuhi!
- Ang bunga nga makita sa tawo nga may Espiritu Santo amo ang paging MAHIGUGMAON Galacia 5:22
- Ang iban nga WALO pa ka mga bunga amo ang mga resulta kun ang tawo MAHIGUGMAON!
- Paano ta maagum ang BUNGA sang ESPIRITU SANTO – sa pagpangayo lang gid sa Diyos, sa aton PAGTUO, kag paagi sa iya BUGAY!
- DAKO gid ang KALIPAY ni Pablo – kay nahibaluan niya nga si Filemon ang gahatag gid sang kasulhay sa mga tumuluo…
- May KALIPAY gid si Pablo kag NAKAPAHANAY-HANAY tungod sa PAGHIGUGMA (agape) nga ginpakita ni Filemon…
- PAGHIGUGMA nga makit-an sa kun paano nya GINPASULHAY ang mga TUMULUO…
- KASULHAYAN – 12x sa Bag-ong Tipan – paghatag sang pahuway kag pagpabaskug!
- Si Filemon nagpakita sang PAGHIGUGMA paagi sa praktikal nga pag-alagad sa IBAN.
- Masami kun makabati kita sang Pulong sa Bible Study, kag aton MAHANGPAN ang aton nabatian kag makit-an nga kinahanglan ta magbaylo sang aton kabuhi. Apang kun magpuli na kita…
- Nagabalik kita sa aton daan nga pangginawi, kay nalipatan ta ang aton nakit-an kag nabatian…
- Sa katapusan wala man ta gihapon kinalain sa aton daan nga batasan sang wala pa kita kabati sang Pulong – waay kapuslanan ang aton pagpamati!
- Santiago 1:22-23 -“ Indi lamang kamo magpamati sa pulong sang Dios kundi dapat tumanon ninyo ini. Kay kon indi, ginadayaan lang ninyo ang inyo kaugalingon. Ang bisan sin-o nga nagapamati pero wala nagatuman sang pulong sang Dios, pareho siya sang tawo nga nagatan-aw sa espiho, kag pagkatapos nga makita niya ang iya hitsura, naglakat siya kag nalipatan niya dayon kon ano ang iya hitsura.”
- 1st – Ang pangamuyo ni Pablo… vs. 4/6