Making Bible Study Easy for everyoneEnglish • Hiligaynon
Back to Ruth
Verse-by-Verse Bible Study

Ruth 3

A Hiligaynon study of Ruth 3 focusing on Sin.

Video teaching coming soon

There is no online teaching for this study yet, but the written notes and any available study resources are still below.

These are the original teaching notes from this passage.

Review…

  • Ruth 1 – Ang itroduksion sang Istorya sang pagHigugma…
    • Ang masubo nga hitabu sa ginsuguran – may gutom sa duta sang Israel (resulta sang siklo sang sala)…
      • Elimelech taga Bethlehem (balay sang tinapay) – naghalin kag nag istar sa Moab (sinumpa nga duta)…
      • Napatay siya kag sunod man ang duha ka bata nga lalaki – si Mahlon (masakiton) kag si Chilion (mapaslawon)…
      • Nabilin ang iya asawa nga si Naomi (makapalipay) kag duha ka umagad – si Orpah kag si Ruth…
    • Si Naomi nakabati nga ginpakamaayo ang Israel liwat – nag desisyon nga magbalik sa Bethlehem…
      • Gin hambalan niya ang iya mga umagad nga mag balik sa ila pamilya – kay wala naman siya sang bata nga pwede nila mapakasalan…
      • Si Orpah naglakat – pero si Ruth nagpabilin kay Naomi -kag nag saad nga indi siya mag halin sa tupad ni Naomi!
      • Ruth 2 – Si Boaz kag si Ruth…
    • Si Ruth kag si Naomi wala sang makaon – gani si Ruth nag lakat para mang saghaw sa may naga ani…
      • Nakalab-ot siya sa talamnan ni Boaz – nga nag pamangkot parte sa iya samtang naga obra siya…
      • Matahum / nagapangabudlay tudo / palangga ang pamilya / kag matinahuron – nag higugma na si Boaz!
      • Gin imbitar niya si Ruth nga mag tinir sa talamnan para makilala siya – upod sila sa pag panyaga kada adlaw!
    • Si Ruth nag istorya kay Naomi parte sa nag kalatabo – parte kay Boaz…
      • Si Naomi nagapati nga si Boaz isa ka Goel – ang himata nga maka tubos sa ila pamilya…
      • Gani si Ruth nag pabilin sa pag obra kay Boaz sang 3 kabulan – Abril (pag-ani sa sebada) – Hunyo (pag-ani sang trigo)…

Ang panaad sa pagpakasal… (3 Butang)

  • 1st – Gin patigayon nga pag asawahay…vs. 1-4 (3 things) Basaha: Ruth 3:1-4
    • 1st – Si Naomi naghambal kay Ruth nga tion na nga mag pamana… vs. 1
      • Suno sa kinabatasan sang ‘natung-an sang sidlangan’ – ang ginikanan amo ang mag pili sang mapamana sang ila kabataan…
      • Nakita ni Naomi nga naga bulakad ang relasyon ni Ruth kag Boaz – sakto na ang tion…
      • Nalab-ot na ni Ruth ang tuod nga pagtuo sa Diyos sang Israel – siya naluwas na…
      • Pero indi lang ini parte sa pagkadto sa Langit – may ara pa gid nga istorya sang pag higugma nga ipahayag…
      • Sa masami kon mag estorya kita parte kay Jesus – ginapinsar ta lang ang kaluwasan sa impierno…
      • Indi lang amo sina ang gusto sang Diyos sa aton nga makaangkon sang langit –
      • 2 Pedro 3:9
      • Ang Diyos nag tuga sa aton nga mag handum sang maayo nga relasyon sa Iya…
      • Kabuhing dayon – tuod nga kabuhi – nga maghalin lang sa personal nga pag kilala sa Diyos…
      • Juan 17:3 – “Kag amo ini ang kabuhi nga wala sing katapusan: nga ang mga tawo magkilala sa imo nga amo lamang ang matuod nga Dios kag magkilala man sa akon nga imo ginpadala.”
    • 2nd – Si Naomi nag hatag kay Ruth sang praktikal nga laygay nga makabulig sa pag preparar…
      • Paligo kag – butang sang pahamot – sulob sang manami nga panapton…
      • Maayo ini nga laygay sa mga naga date – magpagwapa man’…
      • Ang makatilingala lang nga sang nagpalapit kita kay Jesus – wala man sang makita nga ka-anyag sa aton kaugaliongon…
      • Kanta 1:6 – “ Indi ninyo paghikayi ang akon kaitom sa sobra nga painit. Naakig sa akon ang akon mga utod nga lalaki, kag ginpaobra nila ako sa talamnan sang ubas. Gani wala na ako sang tion sa pag-atipan sang akon kaugalingon!”
      • Naga pas-an kita sang marka /piklat sang aton sala nga desisyon / kasaypanan nga aton gin himo…
      • Tuig nga nadula sa kalibutan – nag bilin sang itom nga mantsa sang sala sa aton…
      • Pero ang Diyos wala nagatulok sa aton malaw-ay hga kahimtangan – makita niya kita sa panapton sang pagkamatarung ni Jesus…
      • Kanta 4:1-2, 7 – “Daw ano katahom sa imo, palangga ko. Ang imo mga mata nga natabunan sang imo belo daw pareho sa mata sang pating…  Daw ano katahom sa imo, palangga ko. Wala ka gid sang deperensya…”
      • Wala kita makita sang Diyos base sa aton sala – makita niya kita sa aton kahimtangan sa palaabuton…
      • Nakita niya kita nga matahum/ perfecto / wala dagta / putli – makita niya kita sa kapawa ni Jesus!
      • Nagapadayon siya sa pag paminsar sa aton – kag indi niya mahulat ang adlaw nga mag-upod liwat…
      • Salmo 139:17-18 – “O Dios, indi ko matungkad ang imo ginahunahuna;
        puwerte ini kadamo.
        Kon isipon ko ini, madamo pa ini sang sa balas.
        Kon magbugtaw ako ang akon hunahuna ara gihapon sa imo.”
    • 3rd – Si Naomi nag hatag kay Ruth sang tumalagsahon nga laygay…
      • Si Ruth makadto sa linasan (dira gina siparar ang trigo sa labhang)…
      • Ina nga tion manug tapos na ang ani gani ara si Boaz nga gaobra…
      • Si Ruth manago asta matapos ang panyapon – tapos maghigda sa tiilan Boaz…
      • Daw ka indi amo sa aton – ang masiling ko lang si Ruth ka deretso gid…
      • Pat-od gid nga indi halimbawa sa mga pamatan-on nga sundon sa subong nga tion…
      • Kon gusto mo pamanahon ang lalaki – indi pwede mag tulog sa tiilan sang kama!
      • Si Naomi naga tudlo kay Ruth parte sa Layi sang pag tubos…
      • Suno sa Deuteronomeo 25:7-10 – Si Ruth maka pilit kay Boaz nga pakasalan siya…
      • Kon mag pang indi si Boaz kay Ruth pwede niya dal-on sa mga katigulangan sang siudad…
      • Kon mag pang indi gihapon si Boaz pwede nga kuhaon iya sapatos – kag pwede siya duplaan sa guya ni Ruth…
      • Sugod sadto makilala siya nga isa ka lalaki nga gin kuhaan sang sapatos…
      • Ang ideya nga mag higda sa tiilan isa ka tanda nga naga paubos…
      • Si Ruth wala naga pilit kay Boaz nga mag himo sang tikang – gin tagaan niya sang kahigayonan nga magpili…
      • Si Ruth nagkadto nga gabi kay kon magpang-indi si Boaz – indi mahuyaan si Boaz…
      • Ang Diyos naga abri sang dalan nga bisan sino pwede nga maki pag relasyon sa iya…
      • Ang Diyos amo ang ga lagas sa aton – naga pakamaayo sa aton – ginapapalapit niya kita sa iya paagi sa iya nga kaayo – Roma 2:4
      • Pero ang Diyos wala naga pamilit sa aton nga batunon naton siya – kita ang nagapili…
      • Revelation 22:17 – “Nagasiling ang Espiritu Santo kag ang babayi nga kalaslon, “Dali!” Kag ang tanan nga nagapalamati magsiling man, “Dali!’”
      • Indi mo mapilit ang Gugma – pareho sa iban nga nami nga estorya sang paghigugma – kita ang mahulog para sa Diyos!
  • 2nd – Kasugtanan sa pagpakasal…vs. 5-13 (4 butang) Basaha: Ruth 3:5-13
    • 1st – Si Ruth maka desisyon – mag tuman / ukon malakat kag himoon niya iya gusto… vs. 5-6
      • Si Ruth wala na duro pamangkot sa gintudlo ni Naomi – nag tuman lang siya…
      • Nag kadto siya sa linasan SINA NGA GAB-I – kag nag sunod sang instruksion…
      • Kon ginpili ni Ruth nga indi magpamati – basi wala niya napamana si Boaz!
      • Si Naomi isa ka laragway sang Pulong sang Diyos…
      • Ang Pulong sang Diyos nag hatag sang maathag nga pagtudlo kon paano maka relasyon sa Diyos…
      • Sa Bugay, na Luwas kita paagi sa pagtuo kay Jesu-Cristo – Efeso 2:8-9
      • Makapili kita nga mag sunod sa Tudlo – ukon sundon naton aton gusto…
      • Basi gina pinsar mo nga kon miembro ka sang isa ka kasimbahan…
      • Ukon mangin maayo gid nga persona – batunon kita sang Diyos…
      • Ang problema ang paagi nga makilala si Jesus – ara lang sa pag sunod sa iya nga Pulong!
      • Roma 3:30 – “kay may isa lamang ka Dios. Kag pakamatarungon niya ang mga Judio kon sila magtuo kay Jesus, kag amo man ang mga indi Judio kon magtuo man sila kay Jesus!”
    • 2nd – Si Boaz naglakat pakadto sa latagon para didto matulog… vs. 7-9
      • Si Ruth hinay hinay nga nag kadto kag nag higda sa tiilan…
      • Sa mga tunga sang gab-I nakabugtaw si Boaz – kag nakibot kon sino ang ara sa iya tiilan…
      • Tungod nga nagabantay si Boaz sang nga ani – nagtulog siya sa latagon…
      • Gani nag pangabay nga mabalan niya kon sino ang ara- basi kawatan…
      • Si Ruth nagpakita sa iya – ‘tabuni ako sang imo nga bayo’ – ikaw ang akon manunubos’…
      • Laragway sang isa ka piso – nga naga dalagan pakadto sa dalum sang pakpak sang munga…
      • Si Ruth naga pamangkot kay Boaz kon himuon niya iya katungdanan – kag tuboson siya…
      • Ibutang si Ruth sa idalum sang iya pakpak /sa dalum sang iya proteksiyon – Himoon siya nga iya asawa!
      • Ang Diyos gusto niya ibutang kita sa iya proteksiyon – sa pag himono sang aton mga kinahanglanon..
      • Psalm 91:4 – “Protektaran ka niya pareho sang pagprotektar sang pispis sa iya mga buto sa idalom sang iya mga pakpak.
        Sa iya katutom, protektaran ka niya kag apinan.”
      • Ang pamangkot naga dalagan bala kita sa iya sa tion sang kabudlayan / naga pangayo sang iya bulig…
      • Isa ka lugar nga malayo kita sa kapahamakan – sa sala kag pagtilaw sining kalibutan – sa tupad ni Jesus!
    • 3rd – Ang sabat ni Boaz… vs. 10-11
      • Ang Gino-o mag pakamaayo sa imo inday (si Boaz mas magulang kay Ruth)!
      • Si Ruth nag pakita sang iya nga daku nga pag unong kay Naomi kag iya Pamilya paagi sa pagtanyag nga mag pakasal kay Boaz…
      • Siya may ara nga Matahum nga dagway kag pwede siya makapili sang gustuhon niya…
      • Ayhan maka pamana siya sang bataon nga lalaki – mapa manggadan ukon imol…
      • Sigurado nga nakapaminsar man siya sang amo sini – may pilian siya…
      • Sa baylo nagpili siya nga padunggan si Naomi – iya pamilya – para mag pakasal sa sulod sang pamilya!
      • Kita dapat man magpili kon sino/ano aton gina lagas sa sini nga kabuhi – gakabuhi kita para sa ano…
      • Kag ang butang sa sini nga kalibutan daw maka sulay gid sa aton…
      • May ara kawang sa kada tagiposoon sang tawo – ginbilin sang Diyos – nga siya lang ang maka puno…
      • Maghinguyang sa bilog mo nga kabuhi tilawan tanan para lang ma puno ang bakante sa tanan nga obra kalibutanon…
      • kwarta – relasyon – pamilya – pahubog – druga – mabusog sa makadali…
      • Si Jesus lang ang maka busog sang handum naton sa tagiposoon – siya lang maka pa kontento sa aton!
      • Si Boaz handa gid nga pakasalan si Ruth…
      • Tanan nakabalo – sa bilog nga banwa – nga si Ruth isa ka dungganon nga babayi…
      • Ano nga klase ang imo reputasyon sa palibot sang banwa – ano ang pagkilala sa imo…
      • Bantog ka bala sa pagka tahor /pahubog /kutso-kutso…
      • Ukon kilala ka nga naga sunod kay Jesus – sa mga naga pangalagad sa Ginoo!
      • Hulubaton 22:1 – “Mas maayo nga pilion ang maayo nga reputasyon sang sa madamo nga manggad…”
    • 4th – May isa ka Problema… vs. 12-13
      • Si Boaz indi siya ang pinakamalapit nga himata sa kay Ruth – may ara isa nga mas malapit nga paryente…
      • Deuteronomeo 25:7-10 – ang utod ukon mas pinakamalapit nga himata ang mag pakasal sa balo…
      • Klaro man nga si Boaz gin himo niya iya obligasyon – gusto niya man pakasalan si Ruth…
      • Si Jesus gin himo niya ang iya ihibalo – kabalo siya sang bili sang pag tubos – Pahayag 13:8…
      • Kabalo siya nga ang maka luwas sa aton sa impierno – amo nga mapatay siya didto sa cross…
      • Pero si Boaz nag pasalig kay Ruth nga siya ma asikaso sang tanan – siya ma estorya sa tawo…
      • Kon gusto niya gawadon/kag pakasalan si Ruth – ti amo na ina…
      • Kon indi man – ‘sumpa ko sa Ginoo’ – ako mapakasal sa imo!
      • Si Jesus gin himo niya ang tanan – bisan iya kabuhi ihalad niya para maluwas kita…
      • Filipos 2:7-8 – “Kundi ginpakanubo niya ang iya kaugalingon paagi sa pagsuksok sang kinaiya sang isa ka ulipon.
        Nagpakatawo siya nga pareho sang mga tawo.
        Sang nangin tawo na siya, ginpaubos niya ang iya kaugalingon paagi sa pagtuman sa Dios hasta sa kamatayon, bisan pa sa kamatayon sa krus.”
      • Makita mo nga makahalawhaw ang gin himo ni Jesus – ano ka daku sang gugma sang Diyos sa imo kag sa akon…
      • Paminsara kon ano kita ka malahalon – gin bakal kita sang kabuhi ni Jesus!
  • 3rd – Ang Paghulat sa Gino-o…vs. 14-18 (3 butang) Basaha: Ruth 3:14-18
    • 1st – Si Ruth nag hulat asta mag aga – madulom dulom pa nag bangon si Ruth kag nag lakat… vs. 14
      • Bisan sila indi man nila gusto nga pahuy-an nila ang isa kag isa…
      • bisan nga ang ila ginhimo inosente lang gid – pero ang tawo mahaum-haum gid…
      • Permi ko maka kita pamatanon nga babayi kag lalaki nga sila-sila lang – Indi maayo…
      • Bisan nga naga estoryahanay lang sila’ – iban nga tawo wala kabalo sina…
      • Kon kakita ka lalaki kag babayi nagaupod sa bakante nga balay – inosente…
      • Indi mag pabilin nga kamo lang nga duha lalaki/babayi – indi mag kadto sa kwarto nga kamo lang – tinir sa lugar nga damo tawo…
      • I Tesalonica 5:22 – “Kag likawi ang tanan nga malain.”
    • 2nd – Naghatag si Boaz sang regalo kay Ruth bag-o siya mag halin… vs. 15-16
      • Nabutang siya 18 ka litro nga mais sa takdong ni Ruth bag-o niya gin palakat…
      • Iya nga garantiya kay Ruth nga tapuson niya ang obra nga ma tubos siya…
      • Kon gusto mo nga pakasalan – mahatag ka sa palangasaw-on mo sang singsing…
      • Isa ina ka garantiya – saad mo sa iya nga pakasalan mo siya…
      • Si Jesus ginbakal kag ginbayaran kita didto sa Krus – I Corinto 6:20
      • Gin tagaan niya kita sang Balaan nga Espiritu – para sa pangunang bayad’…
      • Iya nga garantiya nga mabalik siya sa pagtapos sang obra niya sa aton nga iya simbahan!
      • Asta sa tion – asta nga ato na kita sa langit – gin silyuhan kita sang Espiritu…
      • Pareho sang selyo nga gina-usar sang Diyos para higtan si satanas sa sulod sang 1000 kalibo ka tuig – Pahayag 20:3
      • Gin selyohan kita -wala sang may makahalit- asta mag abot ang adlaw nga mag abot kita sa langit nga katawhan sang Diyos!
    • 3rd – Sang si Ruth nag-abot na sa balay, si Naomi namangkot – ‘Ikaw na bala anak ko?’
      • Kabalo si Naomi nga si Ruth – pero ang gusto niya mabalan kon asawa na siya ni Boaz…
      • Sang nabatian ni Naomi kon ano hambal ni Boaz – ginhambalan niya si Ruth nga mangin mahinulaton…
      • Si Boaz, indi siya mag pahuway asta nga indi niya maasikaso ang tanan – tapuson niya gid sini nga adlaw!
      • Si Jesus nagahambal nga atipanon niya tanan – kag maga balik para sa aton…
      • Pero kadasig sa aton malipat nga indi ni aton puluy-an -nagahulat lang kita nga mag puli na sa aton tuod nga puluy-an…
      • Indi mag pahamtang – indi mangin comportable – indi ta mag tinir dugay diri sa kalibutan!
      • Hebreo 11:16 – “Pero ang ila ginhimo, ginpalabi gid nila ang mas maayo nga lugar, kag ini wala sing iban kundi ang siyudad nga didto mismo sa langit. Gani wala mahuya ang Dios nga tawgon nila siya nga ila Dios, kay ginpreparahan niya sila sang isa ka siyudad.”
      • Malayo nga distansya ang aton nga pagpakigbahin’ – madali kita nga ma tublag…
      • Importante gid mag hatag tion agod magtubo ang aton gugma sa Diyos…
      • Maghatag tiempo para kay Jesus paagi sa iya Pulong – kag sa pagpangamuyo…
      • Magpreparar sang kaugalingon para sa sina nga adlaw nga maatubang ta gid Siya kag makita ang iya nawong!