Making Bible Study Easy for everyoneEnglish • Hiligaynon
Back to Ruth
Verse-by-Verse Bible Study

Ruth 4

A Hiligaynon study of Ruth 4 focusing on Israel and Sin.

Video teaching coming soon

There is no online teaching for this study yet, but the written notes and any available study resources are still below.

These are the original teaching notes from this passage.

Review…

  • Ruth 1 – Ang Introduksion sa istorya sang paghigugma…
    • Elimelech taga Bethlehem (Balay sang Tinapay ) – naghalin kag nag estar sa Moab (gin pakamalaut nga duta)…
    • Napatay kag sunod man ang duha niya kabata nga lalaki – Mahlon (masakiton) kag Chilion (mapaslawon)…
    • Ang iya nga asawa nga si Naomi nakabati nga gin pakamaayo sang Diyos ang Israel liwat – nag desisyon nga ma balik sa Bethlehem…
    • Ang asawa ni Mahlon – si Ruth – nagpabilin kay Naomi nangako nga indi mag halin sa iya tupad!
    • Ruth 2 – Si Boaz kag Ruth…
    • Si Ruth nag lakat sa pag panaghaw sa anihan – nag lab-ot siya sa latagon ni Boaz…
    • Si Boaz gininbitar si Ruth nga mag tinir sa iya latagon para nga makilala siya – upod sila permi mag panyaga!
    • Si Naomi kilala nga Goel siya – malapit nga himata nga makasalbar sa ila…
    • Gani si Ruth nag tinir sa latagon ni Boaz sa sulod sang 3 kabulan – Abril (ani sang sebada) – Hunyo (ani sang trigo )…
    • Ruth 3 – Kasugtanan sa Pag Pakasal…
    • Si Naomi nag desisyon nga tion na nga mag pakasal si Ruth…
      • Gin sugo niya si Ruth nga maligo /suklob sang nami nga panapton / kag mag tulog sa tiilan ni Boaz…
      • Ang Layi sang pag Gawad – Deuteronomeo 25:7-10 – si Ruth gin hatagaan niya si Boaz sang kahigayonan nga magpili…
    • Nakabugataw sang tunga sang gabi si Boaz – nagpakita si Ruth sa iya…
      • Gusto niya nga mangin Goel / manugawad – pero may problema…
      • May mas malapit pa gid nga himata -malakat siya kag iya estoryahon sa aga…
    • Si Ruth naglakat nga dulomdulom pa – ginhambal niya tanan nga gin hambal ni Boaz…
      • Si Boaz nag padala sang 18 litro sang mais – isa ka saad /singsing tanda sang kasugtanan…
      • Ginhambalan ni Naomi si Ruth nga mangin mahinulaton – kay asikasuhon gid n Boaz ang tanan sa adlaw nga ini!

Ang Kasal… (3 Butang)

  • 1st – Sin-o maka gawad…vs. 1-8 Basaha: Ruth 4:1-8
    • 1st – Pag atubang sa problema… vs. 1-2
      • Si Boaz nag kadto sa ganhaan sang banwa kag nag pungko didto…
      • Ang ganhaan sang ciudad dira gatipon mga katigulangan kag manugdumala sang ciudad…
      • Si Boaz nag kadto sa iban nga tumuluo para maresolba ang problema…
      • Sa masami kon may problema kita- imbes nga atubangon ang problema…
      • Gakadto kita sa sekular nga korte – sa barangay – sa mga wala kilala kay Jesus…
      • Kon ang isa ka Utod sa Ginoo kuhaon sa pag obra sa aton balay – wala ga obra sang maayo…
      • Kon ma bakal kita propedad – kag mabal-an mo nga may problema ang titolo…
      • Kon may di-paghangpanay tungod sa muhon sang propidad – kag kon ano pa…
      • Makapamensar pa kita nga manghangkat sang away’ / dal-on sa baranggayl…
      • Akusaron mo sila – nagakabagay lang – sila nangayo sang gamo ti tagaan gamo…
      • Dapat nga dal-on naton ang problema sa lider sang simbahan…
      • I Corinto 6:1 – “Kon ang isa sa inyo may reklamo kontra sa iya kapareho nga tumuluo, ngaa ginadala pa niya ini sa husgado nga wala makakilala sa Dios? Ngaa wala niya ginadala sa mga katawhan sang Dios agod husayon ini nga problema…”
      • Pangitaa ang may Diosnon nga kaalam sa pag husay sang problema – Santiago 3:13-18
      • Ang diyos nagahatag sa aton sa kaalam/abilidad nga maka kita kon ano ang maayo kag malain…
      • Mas takus kita sa pag lubad sang problema nga naga luntad sa simbahan!
      • Kaysa mag hambal sang problema sa simbahan sa mga indi pa luwas…
      • Matutukan naton ang pagsugid sa mga wala pa nakaakilala kay Jesus ang parte sa kaluwasan!
      • Sa amo nga bagay nag labay ang labing malapit nga himata ni Elimelech…
      • Gintawag siya ni Boaz – pariente dali anay – wala sang ngalan nga nasambit…
      • Gin pa pungko siya ni Boas – kay kinanglan nga mag hinunanon sila sa isa ka butang…
      • Kag nag tawag man siya sang pulo ka pangulo sang banwa sa pag saksi sang ila estoryahan…
      • Isa ka maalam nga tikang nga may saksi sa inyo nga pagsinapol …
      • Hulabaton 11:14 – “pero kon may madamo ini nga mga manuglaygay, may kalig-on ini.”
    • 2nd – Ang Problema -Si Naomi ginbaligya ang iya duta sang naglakat sila sa Moab… vs. 3-8
      • Si Boaz gusto nga gawaron ang duta – Leviticus 25 – tungod nga malapit siya nga himata…
      • Pero ang wala ngalan nga pariente amo ang may una nga kinamatarong nga mag bakal…
      • Ang lalaki nag sugot dayon – ‘mahimo ko ini nga baklon!’ – pero may isa ka problema…
      • Kon ang isa ka malapit nga himata nga luyag magbakal sini – iya man nga pakasalan si Ruth…
      • Si Boaz ginsambit ang isa ka punto nga halin siya sa Moab – indi Judio…
      • Iya nga pagagawaron/baklon agod nga maka bata pa ini para may manubli nga bilang bata ni Mahlon…
      • Sa ina nga paagi ang Duta mag pabilin sa pamilya ni Elimelech…
      • Ang malapit nga himata nagsabat – ‘nian indi ako magbakal/ gawad sina ’…
      • Nakita mo wala siya nag hambal indi siya ka sarang mag gawad – pero iya gin hambal indi niya mahimo nga baklon/ ukon gawaron…
      • Suno sa Deuteronomeo 23:3-6 – ang Judio indi pwede nga mag pangasawa sang Moabnon…
      • Asta sa ika 10th nga kaliwatan indi gid ginatugot sa presensiya sang Ginoo…
      • Ang Kasuguan syado gid ka klaro – nga gina dumili mag pakasal sa Moab…
      • Ang mas malapit nga himata gin kuha niya ang iya sandalyas kag gin hatag kay Boas…
      • Amo na ang sugo sa Kasuguan ni Moises – Deuteronomeo 25:5-6…
      • Ang malapit nga himata /wala mapangalanan isa ka laragway sang Kasuguan sang Diyos…
      • Sa pag sunod sang layi indi maka luwas sa aton sala – ukon maka gawad sa aton…
      • Ang pag sulundan maka pakita sa aton nga may kapaltahan – kag pakita sang aton mga kakulangan…
      • Ang problema ang layi wala sang ginahimo / indi makahimo – nga magbulig sa aton para mag bag-o…
      • May abilidad lang nga ipakita nga may gin himo kita nga sala – pero indi makahimo nga insaktohon ang sala…
      • Mahimo ko mag hambal nga basa kamo sang inyo Biblia – simba kamo – mangin maayo’…
      • Masugot man kamo gani guro nga akon gina hambal tuod – Ang Layi maayo…
      • Bisan pila pa ka layi ang ihatag – indi ko ma himo nga mapasunod kamo…
      • Si Jesus naghimo sang indi gid mahimo sang kasuguan…
      • Si Jesus nagahandum nga maluwas kita halin sa sala – sa pagbayad sang mahal kag angkunon nga iya…
      • May ara nga malapit nga relasyon – isa ka may kinamatarong nga nag tilaw nga ma gawad kita primero…
      • Ang kasuguan sang Diyos – pero ang Kasuguan indi makaluwas sa aton…
      • Roma 8:3 – “Ang Kasuguan indi makakuha sang gahom sang sala sa aton kabuhi Ginpadala niya ang iya Anak!”
      • Ang kahulugan ang Kasuguan ang naghatag sang sandalyas kay Jesus – para ma kompleto Niya ang obra…
      • Agod nga kita mangin Nobya ni Jesu-Cristo – Pahayag 22:17
  • 2nd – Ang Kasal ni Boaz kag Ruth…vs. 9-13 Basaha: Ruth 4:9-13
    • 1st – Si Boaz nag pabalo sa tanan nga pangulo – Ako ang magawad sang propidad… vs. 9
      • Pareho kay Elimelech – na wasi naton ang aton palanublion sang nag talikod kita sa Diyos…
      • Ang Diyos ang nag tuga sang kalibutan – gin hatag ang titulo kay Adan kag Eva – Genesis 1:28-30…
      • Sang gin pili ni Adan kag ni Eva nga magsala sa hardin – nagrebelde batok sa Diyos – Genesis 3…
      • Ginbaligya nila ang Titulo sang kalibutan kay satanas – siya na ang may kinamatarong sini nga kalibutan…
      • II Corinto 4:4 / Juan 14:30 – si satanas ginatawag nga dios sang ini nga kalibutan…
      • Si Jesus nag-abot para nga ma gawad ang titulo nga nadula…
      • Ang Bili sang ginbayad ni Jesus para matubos ang kalibutan – amo ang Krus!
      • Pahayag 5:2-5 – gin hambal nga wala sang maka abri sang linukot – ‘Titulo’…
      • Si Juan naghibi – wala sang maka ‘gawad’ sa kalibutan nga nawasi kay satanas…
      • Pero ang Angel nag siling indi maghibi – yari karon ang ‘Leon nga halin sa tribo ni Juda’ – si Jesus!
      • Si Jesus ang nag gawad sang Kalibutan – gin bakal niya liwat ang duta nga nadula!
    • 2nd -Si Boaz man, gin gawad niya si Ruth … vs. 10
      • Ang mga pangulo sang banwa nag sabat – ‘kami ang mga saksi’…
      • Si Boaz natuman ang apat ka kinahanglanon sang isa ka ‘Goel’ – tang himata nga makagawad…
    • 1st – dapat malapit nga himata – Leviticus 25:48 / Ruth 3:12–13
    • 2nd – dapat kasarang siya mag gawad (kasarang mag bayad sang bili) – Ruth 4:4–6
    • 3rd – dapat gusto niya mag gawad – Ruth 4:6
    • 4th – ang pagawad kompleto kon nabayaran na – Leviticus 25:27
      • Si Jesus ang aton Goel – Siya ang aton manunubosHe is our redeemer…
    • 1st – Si Jesus nag paka tawo (himata) agod nga matubos kita- Mateo 1:3
    • 2nd -Si Jesus nag kabuhi nga wala sang sala – agod nga may gahom siya sa pag tubos sa aton – Roma 8:3
    • 3rd -Si Jesus gusto niya nga mag bayad sang bili – amo ang Krus – Lucas 22:42
    • 4th – Ang pag tubos sa aton na kompleto sa krus – Juan 19:30
      • Kita tanan nakagapos sa sala – gin baligya naton ang aton kaugalingon sa pag paulipon sini nga kalibutan…
      • Indi kita maka himo nga mahilway sa gapos -indi kita makabayad sang bili …
      • Gani si Jesus nag kari nga mangin aton nga ‘Goel’ aton manug-gawad – nag kari para mabakal kita liwat!
      • I Pedro 1:18-19 – “Ang gintubos sa inyo indi mga butang nga madula, pareho sang bulawan ukon pilak, kundi amo ang hamili nga dugo ni Cristo.”
    • 3rd – Ang mga pangulo gin pakamaayo si Boaz… vs. 11-12
      • Kabay nga ang imo balay pareho kay Rachel kag Leah – maayo nga pangabuhi…
      • Sila ang mga asawa ni Jacob / Israel -dira naghalin ang 12 ka tribu…
      • Ang ideya nga ang kasal ni Ruth kag ni Boaz mangin pag pakamaayo sa Israel…
      • Maathag nga pamatuod – Ang apo sa tuhod ni Ruth kag Boaz amo si Haring David!
      • Nag hatag pa gid sila isa ka pagpakamaayo, kabay pa nga ang inyo balay pareho kay Tamar kag Judah…
      • Ini daw pag pakamalaut imbes nga pag pakamaayo – isa ka iskandalo nga istorya…
      • Si Tamar asawa sang panganay ni Juda ‘Er’ – pero napatay – Genesis 38…
      • Gani si Tamar nagpakasal sa 2nd nga bata ni Juda,’Onan” – napatay man – pero wala gihapon bata…
      • Ang 3rd nga bata ni Juda bata pa para ikasal – kag nakulbaan siya nga basi mapatay man…
      • Sang na realisar ni Tamar – nag suksok siya sang panapton sang isa ka babayi nga naga baligya sang lawas kag gin limbungan niya si Juda…
      • Ang resulta na busong sang kapid – ang isa sa kapid ang ngalan si Perez…
      • Si Tamar indi Judio – isa siya ka gentil nga nag pakasal sa pinili sang Diyos…
      • Ang edea ang ila kasal – walay sapayan nga ang matuod nga si Ruth indi isa ka Judio…
      • Pwede man gihapon nga pakamaayuhon – sa pagkamatuod indi lang nga paka maayohon ang mga Judio – kundi ang kalibutan!
      • Ang kasal ni Ruth kag ni Boaz nagapadulong sa pag tawo sang simbahan…
      • Leviticus 23 – Ang piesta sang Shavuot – 50 ka adlaw pag katapos sang Pascua…
        • Isa ka Fiesta sang pag pasalamat sa pag saulog sang pag Kompleto sang pag ani sang trigo…
        • Kinabatasan na nga ang libro sang Ruth gina basa – ang istorya ni Boaz nga nag pakasal kay Ruth…
        • Ang rason kon ngaa gina basa ang Ruth – kay ang estorya natabo sang tion sang ani…
        • Ang importante estorya sang isa ka Judio (Boaz) gin gawad ang isa ka gentil (Ruth)!
      • 50 ka adlaw pagkatapos sang Unang Mga Bunga / pagkatapos sang pagkabanhaw – 10 ka adlaw pagkatapos sang Pagkayab padulong sa Langit…
        • Shavuot na tuman sang pag katawo sang simbahan – Binuhatan 2 – Pentecostes!
        • Ang fiesta naglakip sang duha ka tinapay – naga representar sang Judio kag Gentil…
        • Tungod sang gin tubos ni Jesus ang simbahan – ginpakamaayo niya pareho!
        • Efeso 2:14 – “Kag paagi sa iya kamatayon, gin-guba niya ang pader nga nagapaseparar kag nagapaaway sa mga Judio kag sa mga indi Judio. Gani siya amo ang nag-isa sa aton. Gin-isa niya ang mga Judio kag mga indi Judio…”
        • Ang matuod nga ani nag sugod – ang obra nga mang lab-ot sining kalibutan sang Maayong Balita…
        • Tion na nga mag panugid sa kalibutan nga si Jesus amo ang nag bayad sa bili – nga kita maluwas/magawad/ matubos!
  • 3rd – Pagbun-ag kay Obed…vs. 14-22 Basaha: Ruth 4:14-22
    • 1st – Si Boaz nagpakasal kay Ruth – nag bun-ag siya sa kay – Obed (Gapangalagad)… vs. 14
      • Ang mga babayi sa banwa nag hambal kay Naomi – ‘dayawon ang Ginoo nga nag tubos sang imo pamilya!’
      • Tungod nga si Ruth palangga si Naomi – Naging mas bulahan siya kay Naomi kaysa sa 7 ka lalaki nga anak…
      • Kag si Ruth naghatag kay Naomi sang gusto niya gid – isa ka lalaki nga anak nga manubli sang duta…
      • Kag si Naomi ang nag amuma sa bata nga daw iya kaugalingon nga anak!
      • Si Naomi nagarepresentar sang nasyon sang Israel…
      • Nga ang Diyos nag gamit kay Ruth nga mag pakamaayo kay Naomi – nag hatag sa iya sang palanublion…
      • Ang Diyos nag gamit sang simbahan para ipalapit ang Israel balik sa Iya – para mag dala sang kaluwasan sa mga Judio!
      • Ang mga Judio nag sikway kag naglansang kay Jesus – agod nga ang Maayong Balita mag lapta sa kalibutan…
      • Pero ang Diyos may Plano gihapon sa Isarael – wala pa siya katapos sa ila…
      • Maabot ang adlaw nga ang Israel maluwas – Roma 11:26!
      • Ang Diyos nagluwas sa aton mga(gentil) para maghatag kabangdanan sa mga Judio nga manghimon – para gustuhon man nila si Jesus!
      • Sa pag-atipan sang Diyos sang aton mga Kinahanglanon – ginasaad nga iya himoon…
      • Kon may kalinong bisan pa sa tunga sang kinagubot sa aton – nagasalig bisan sa kabudlayan…
      • Ang diyos maga bu-bo sang iya kabuganaan sa iya mga anak – tungod nga gina higugma niya kita…
      • Kag nagahatag sang kabangdanan sa mga nagapalibot sa aton nga magkahisa – para batunon man nila si Jesus…
    • 2nd – Ang Kaliwatan sa Libro sang Ruth…
      • Si Perez bata ni Tamar nga nag pakunokuno nga babayi nga bayaran kay Juda – ila kaliwat…
      • Salmon nag pakasal kay Rahab – makihilawason halin sa Jericho – Mateo 1:5
      • Ang ila Bata si Boaz – naga kahulugan ngaang iloy kag asawani Boaz pareho nga gentil!
      • Si Boaz nagpakasal kay Ruth (Moabnon) nga nangin lola ni Haring David!
      • Si Haring David direkta nga linya ni Jesu-Cristo – ang manluluwas sang kalibutan!
      • Si Jesus isa ka Judio – pero ang ‘linya sang iya mga kaliwatan’ may madamo man nga mga gentil…
      • Mapa Judio o Gentil – wala kinalain – ang kaluwasan para sa tanan…
      • Wala naga base sa kun sin-o ka – kun diin ka halin nga kaliwat – bisan sin-o pwede maluwas…
      • Pwede nga manggaranon ukon Imol /halin sa bisan diin nga pungsod / madamo ang sala ukon naga pinsar nga maayo ka…
      • Isa lang ka alagyan ang pakadto sa langit – nga ikaw paga gawaron ni Jesu-Cristo!