Making Bible Study Easy for everyoneEnglish • Hiligaynon
Back to Zechariah
Verse-by-Verse Bible Study

Zechariah 8

The end of Fasting... (3 things)

Video teaching coming soon

There is no online teaching for this study yet, but the written notes and any available study resources are still below.

These are the original teaching notes from this passage.

Review…

  • Zacarias – ang ika 38 nga libro sang Old Testament – ika 11 sang ginakilala nga 12 Minor Prophets
    • Sang 520 B.C. – sang ikaduha nga tuig ni Haring Darius the Great sang Emperyo sang Medo-Persia…
    • Nagtawag ang Dios sang 2 ka propeta – Haggai / Zacarias (nadumduman) – nga magtukod liwat sang Templo!
    • Ang libro ni Zacarias natunga-tunga sa lima ka bahin:
    • Zacarias 1:1-6 – Ang una nga propesiya nag-abot 2 ka bulan matapos suguran ang pag-tukod liawt sang Templo…
    • Zacarias 1:7-6:15 – Sa ika 11 nga bulan sang ika 2 nga tuig ni Haring Darius…
    • Naghatag and Dios sang 8 ka sunod-sunod nga panan-awon sa propeta – tanan sa isa lang ka gab-i!
    • 1st – ang apat ka manugkabayo / 2nd – ang apat ka sungay / 3rd – ang latid / 4th – ang pari nga si Josue
    • 5th – ang kandelero nga bulawan / 6th – ang nagalupad nga linukot / 7th – babayi sa sulod sang alat…
    • Ang ika 8 kag pinal nga panan-awon – 4 ka karwahe nga naghalin sa tunga sang duwa ka saway nga bukid…
    • Ang ideya amo nga ini nga mga karwahe naghalin sa Dios kag nagkari – para magdala sang paghukom!
    • Ang chapter natapos sa pagkorona sang Mataas nga Saserdote – PAREHO nga Saserdote kag Hari – Jesus!
    • Zacarias 7-8 – Pagkalipas sang duwa ka tuig naghatag ang Dios sang Pulong tuhoy sa pagpuasa….
    • Ang mga katawhan nagpalapit sa Altar – kag namangkot kon kinahanglan pa nila nga mag-puasa sa ika 5 nga bulan…
      • Ang ika 9 sang Av (5th month) isa ka sagrado nga pag-puasa sa Israel asta subong nga adlaw – Ang pagkaguba sang duwa ka Templo…
      • Namangkot ang Dios – kon nag-puasa bala sila para sa Iya – okon para sa ila nga kaugalingon – ang wala mamitlang nga sabat amo ang para sa ila kaugalingon!
      • Wala nila ini gin-obra para sa pagtahod sa Ginoo – ini isa lang ka waay pulos nga tradisyon!
    • Amo nga nagsiling ang Dios – ang dapat tani nga gin-obra sang mga katawhan amo ang pagtuman sang Pulong sang Ginoo…
      • Kon nagtuman sila – wala tani sila nabihag – wala tani maguba ang Templo!
      • Galing imbes nga magpamati – ang mga katawhan sang Israel nagpawala lang…
      • Okon nagbutang sila sang sungsong sa ila dalunggan– para indi sila makombiktar sang Pulong…
      • Nagtig-a ang ila tagipusuon nga daw santikan (diamante) – MATIG-A – Indi gusto magpamati sa ginahambal sang Espirito!
      • Tungod nga indi nila gusto magpamati sa Ginoo– ang Ginoo indi man magpamati sa ila!
    • Zacarias 9-11 – Ang una nga Kabug-atan nagatuhoy sa una nga Pag-abot ni Kristo
    • Zacarias 12-14 – Ang ika duwa nga Kabug-atan nagatuhoy sa ikaduwa nga Pagkari ni Kristo
    • Katapusan sang Pag-puasa… (3 ka butang)
  • 1st – Ang panaad… vs. 1-8
    • 1st – Ang Ginoo sang Kasuldadohan MAKUGI para sa Zion… vs. 1-3
      • Ang Zion amo ang ngalan sang isa ka bukid (bakulod) nga ginapungkoan sang Jerusalem…
      • Pero masami nii nga nagatuhoy sa siudad sang Jerusalem sa kabilogan…
      • Ang tinaga nga MAKUGI – 3 ka beses ginliwat sa verse 2 – TUMAN GID NGA MAKUGI ang Ginoo!
      • Nanamian ako sang pangbadbad sa NTL – ‘ang Ginoo bug-os gid ang Iya balatyagon para sa Jerusalem’!
      • Nagpatay malisya sila / nagsungsong sang ila dalunggan / kag nagtig-a ila tagipusoon nga daw santikan…
      • Apang bisan pa malaut sila – INDI sila PAGPATUBAYAAN sang Dios!
      • May ara sang makahalalit nga doktrina nga ginatudlo sa madamo nga mga kasimbahanan subong…
      • Ini nagapahayag – Ginsikway na sang Dios ang Israel – kag gin-ilisan na sang simbahan…
      • Galacia 6:16 – “Kabay pa nga ang tanan nga tawo nga ginpili sang Dios kag nagatuman sa sining akon ginatudlo makabaton sang paghidaet kag kaluoy.”
      • Ang rason – tungod ang Israel nagluib kag ginpalansang si Jesu Cristo sa krus…
      • Mateo 27:25 – “Nagsabat ang mga tawo, “Kami kag ang amon mga anak amo ang manabat sang iya kamatayon!”
      • Ini nga doktrina nagdul-ong sang mabaskog nga pagpanghingabot sang simbahan sa mga Judio sa mga nagliligad nga siglo!
      • Apang sa Roma 11:1 – gina-usar ni Pablo ang iya nga kaugalingon bilang ehemplo nga nindi pa tapos ang Dios sa Israel…
      • Sa matuod lang tanan nga mga Apostoles kag tanan nga ara sa simbahan asta Binuhatan 10 puro mga Judio!
      • Pamatuod sila nga wala ginsikway sang Dios ang Israel – ang mga Judio ginluwas/kag padayon nga ginaluwas…
      • Kay wala ginsikway sang Dios ang Israel – Nagpanaad Siya nga pirme gid sila mangin mga katawhan Niya…
      • Basta nagabutlak ang adlaw – nagahampak ang balod sa baybayon – ang Israel nasyon sang Dios!
      • Jeremias 31:36 – “Samtang nagapabilin ang langit kag ang kalibutan, magapabilin man ang katawhan sang Israel hasta san-o!”
      • Nagpanaad ang Dios nga mabalik Siya sa Israel…
      • Ezekiel 10:4/18 – ang himaya sang Ginoo naghalin na sa Templo…
      • Ezekiel 11:23 – “Dayon nagpaibabaw ang gamhanan nga presensya sang Ginoo halin sa siyudad, kag nagpundo sa bukid sa sidlangan sang siyudad.”
      • Ang presensya sang Dios – ang Himaya sang Ginoo – nagbiya sa Israel tungod sang ila sala!
      • Pero magabalik Siya sa Zion – kag tawgon Niya ang ginpatumbayaan nga siudad nga Iya puy-an liwat…
      • Kag sa tion nga Iya himoon ini – mabag-o gid ang Jerusalem – ini mangin siudad sang kamatuoran…
      • Ini siya mangin Bukid sang Ginoo sang Kasuldadohan / isa ka Balaan (Kadosh) nga bukid!
      • Kon aton tun-an ang kasaysayan sang Israel – aton makita ang mahigko kag masami makahuluya nga kasaysayan…
      • Ang katawhan sang Dios – masami nangin mga tawo nga wala nagasunod sa Dios…
      • Pero naluyagan ko ang pasensya sang Dios nga makit-an sa Iya nga pakig-angot sa Israel…
      • May mga konsekwensya sa ila nga mga hulag kag pagrebelde – pero wala gid Siya nag-untat sa paghigugma sa ila!
      • Amo man nga aton man mapunggan ang paghikot sang Dios sa aton kabuhi – kag madula ang Iya presensya…
      • Pero indi gid Niya kita pagpatumbayaan – kag ara gid sa kabubut-on Niya nga magbalik…
      • Aton lang gid nga himoon amo ang magbalik sa Iya – kag mangin puluy-an liwat kita sang Ginoo!
      • Iya nga ginadula ang aton kapaslawan – kag ginahimo kita nga Balaan – liwat nga napain para sa Iya!
    • 2nd – Ang pagpasag-uli sang Jerusalem… vs. 4-5
      • Nagpanaad ang Dios nga mahatag Siya sang duwa ka tanda sang Iya nga pagbalik:
      • May mga katigulangan nga mga lalaki nga magapungko liwat sa mga kalye sang Jerusalem…
      • Gyera / taggutom / kag balatian ang nagsalot sa Israel tungod sang ila nga rebelyon…
      • Amo nga diutay lang ang nagalab-ot sa tigulang nga edad – kalabanan indi na makalab-ot sang ila nga golden years…
      • Pero ipanumbalik liwat sang Dios ang mga tawo nga nagakinahanglan sang baston tungod sang ila nga edad!
      • Isaiah 65:20 – “Wala na didto sang mapatay nga lapsag pa ukon bataon pa. Ang mapatay nga 100 ka tuig ang iya edad kabigon nga bataon pa, kag ang mapatay nga wala makaabot sa 100 kabigon nga ginsilutan ko.”
      • Halin sang 1900 ang average nga kalabaon sang kabuhi sa America nadugangan na sang asta 30 ka tuig (78 na subong)…
      • Kamatuoran nga madamo ang nagahambal nahanungod sa maayo nga pangabuhi kag maayo nga healthcare sa US…
      • Pero interesante tungod ini nga statistic amat-amat na nga naganubo sa mga nagliligad nga mga tuig
      • Ang malaba nga kabuhi indi tungod sa mas maayo nga medical care – okon kadamoon sang kwarta…
      • Ang Dios ang nagapugong sang mga gyera – nagapugong sang balatian / tiggulutom sa pag-ubos sang isa ka henerasyon…
      • Ang malaba nga kabuhi isa ka tanda sang pagpakamaayo sang Dios sa isa ka nasyon!
      • Ang mga kalye mapuno sang nagahalampang nga mga bata nga lalaki kag babayi…
      • Kon may ilinaway sa pungsod – nahadlok ang mga ginikanan nga ipaguwa ang ila nga mga bata!
      • Sang gamay pa ako – mahalin kami sa balay sa pagbutlak sang adlaw kag indi na makabalik asta magtunod ini…
      • Wala nagakahadlok ang mga ginikanan para sa ila kabataan – hilway sila sa katalagman kag napasugtan nila ang mga bata nga mag guha…
      • Ang masubo kay indi na amo sini subong – bakante na ang mga kalye…
      • Madamo na sang manug-biktima – malain nga mga impluwensya – nasyon nga puno sang kagarukan!
    • 3rd – Ang imposible – ginhimo posible… vs. 6-8
      • Ang panaad daw KATINGALAHAN (imposible) sa mga nabilin nga katawhan sang Israel…
      • Isa ka gamay nga gusgusin nga grupo sang mga refugee nga nagapanago sa mga kagulub-an sang isa ka rebelyuso nga siudad…
      • Paano sila mangin ‘ang Siudad sang Kamatuoran’ – nga may mga kalye nga puno sang mga pamatan-on kag mga may edad!
      • Bisan daw ka imposible para sa ila – indi imposible para sa Dios!
      • Papulion na sang Dios ang Iya nga mga katawhan …
      • Pagaluwason Niya ang Iya nga katawhan halin sa mga duta sa Sidlangan kag Natundan – pabalikon ang Diaspora…
      • Mabalik sila kag magpuyo sa tunga sang Jerusalem…
      • Mangin mga katawhan sila liwat Niya – kag Siya mangin ila nga Dios – sa kamatuoran kag sa katarungan!
      • Halin sang 1948, nagdamo na ang populasyon sang Israel kag naglapaw na 6 milyon…
      • Mas madamo na ang mga Judio nga nagapuyo sa Israel kon ikumpara sa guha…
      • Isaias 43-5-6 – “Indi ka magkahadlok kay kaupod mo ako. Tipunon ko ang imo mga kaliwat halin sa sidlangan kag nakatundan.  Hambalan ko ang mga nasyon sa aminhan kag sa bagatnan nga pabay-an ang imo mga kaliwat nga magbalik sa ila duta, nga papaulion sila halin sa malayo gid nga mga lugar.”
      • Kon magtulok kita sa mga PWERTE KA DALAGKO nga mga problema sa aton kabuhi – daw mapung-awan gid kita…
      • Aton nga ginakabig nga MAKATILINGALA kon nagahambal ang Dios nga Siya makapaayo / makahimuno / kag makaluwas sa aton…
      • Ang rason nga nagatingala kita kay tungod ginalimitahan naton ang Dios suno lang sa aton nga abilidad / pagkaintiende…
      • Siya nga nagtuga sang kalibutan sa isa lang ka pulong – wala sang limitasyon – kon magdalagan lang kita pakadto sa Iya!
      • Pero maayo nga aton talupangdon ang tyempo sang katumanan – wala natabo nga gilayon!
  • 2nd – Ang mga mando… vs. 9-17
    • 1st – Magtuman – kag obrahon ang Templo… vs. 9-13
      • Mentras tanto – ang Ginoo nagmando sa mga tawo nga pabaskogon ang ila mga kamot…
      • May parte gid sila sa ulobrahon – may ara sila sang Templo nga kinahanglan itukod liwat…
      • Duwa ka tuig na ang pag-obra nila sang Templo – pero duwa ka tuig pa ang nabilin nga ulobrahon – 516 BC…
      • Kag bisan indi makit-an sang ila nga mata ang katumanan sang saad sang Ginoo…
      • Basta matinumanon lang sila sa Ginoo – ang pakamaayo sang Ginoo sige lang nga maabot!
      • Antes sila nagsugod obra sa Templo…
      • Wala gid sang trabaho – wala sang sweldo para sa tawo okon sa sapat…
      • Wala gid sang kalinong – may mga kaaway sa palibot – tanan nagakontra sa iya kaingod…
      • Wala gid sang bunga – nagtanom ang mga tawo pero wala gid sang may gin-ani– Hagai 5:5-7
      • May ara sang sumpa– nakilala ang Judah sa iban nga nasyon nga isa ka nasyon nga GINAPAKAMALAOT!
      • Kahibalo kita kon paano ang mapaslawan sa kabuhi – GINSUMPA – tanan kita naka-eksperyensya na sang kapaslawan…
      • Siguro nakatilaw kita nga mag-atubang / okon naga-atubang – sang kalugaw-an nga pirme lang kita gina-kulang…
      • Bisan ano pa ang aton obrahon – bisan ano pa naton nga tilaw – daw pirme lang palpak!
      • Ang lyabe sa kadalag-an sa kabuhi – amo ang pagplastar sa nagakaigo nga pasunod kag paagi sang tanan nga butang…
      • Dapat nga unahon ta pirme ang Dios – dayon makabaton kita sang mga kaayohan halin sa Ginoo…
      • Ang mga pagpakamaayo sa kabuhi wala nagahalin sa aton binuhatan – kundi sa kon sin-o ang aton kilala!
      • Lucas 12:31 – “ Gani unaha ninyo ang pagpasakop sa paghari sang Dios kag ihatag gid niya ang inyo mga kinahanglanon.”
      • Salmo 1:3 – “Bulahan ang tawo nga wala nagakabuhi sa laygay sang malaot nga mga tawo… Sa baylo, ginakalipay niya ang pagsunod sa mga pagpanudlo nga halin sa Ginoo,
        kag adlaw-gab-i ang iya pagpamalandong sini.…Ang tawo nga pareho sini magauswag sa iya mga ginahimo.”
      • Apang subong nga gina-obra na ang ulobrahon sa Templo…
      • Makipag-angot ang Dios sa mga katawhan nga pareho sa Iya pakipag-angot sang una / nga mas maayo nga mga panag-on…
      • Mangin madamo ang patubas – kay mapa-ulan ang Ginoo…
      • Luwason sang Dios ang Israel – himoon sila nga simbolo sang PAGPAKAMAAYO sa mga nasyon…
      • Amo nga wala sila sang ikahadlok – sa baylo, mangin mabaskog ang ila nga mga kamot kag makapatukod liwat!
      • Indi nga tungod kinahanglan sila sang Dios para itukod ang Templo – wala nagakinahanglan sang balay ang Dios…
      • Isaias 66:1 – “Ang langit amo ang akon trono, kag ang duta amo ang tulungtungan sang akon mga tiil. Gani ano nga klase sang balay ang patindugon ninyo para sa akon? Diin bala ang lugar nga inyo papahuwayan sa akon?”
      • Pero gusto sang Dios nga ipuhunan sang mga katawhan ang ila mga kabuhi sa Iya!
      • Pirme naton gina-istoryahan ang pagboluntaryo – kag ginahatagan importansya ang pag-angot sa simbahan…
      • Indi tungod nga kinahanglan sang Dios ang aton bulig – okon tungod sang mga obligasyon sa simbahan…
      • Para ini sa aton nga kaayohan – ini ang oportunidad nga magpuhonan sang aton nga oras sa Ginoo!
      • Amo na nga nanamian gid ako kon ang tawo magtindog – indi tungod nga kinanglanon (ang Dios ang magahimono sina)…
      • Tungod kabalo ako kon ano ang matabo sa ila nga relasyon sa Dios – kag ang mga kaayohan nga dala sina!
    • 2nd – Magpati – kag indi magkahadlok… vs. 14-15
      • Kaangay sang determinasyon sang Dios nga pagasilotan ang Israel sang nagrebelde ang Israel kag ginpaakig Siya…
      • Kag indi Siya magpugong – indi na mag-ilis ang Iya paghunahuna!
      • Subong determinado ang Dios nga pakaayohon ang Israel – indi na mag-ilis ang Iya paghunahuna!
      • Gani ang mga katawhan wala na sang rason nga magkahadlok – ikaduwa nga bes nga nagsiling ang Dios nga ‘indi makahadlok’!
      • Pero talupangda nga ang panaad nga indi magkahadlok – para lamang sa mga nagapamuhonan sa Ginoo…
      • Aton obrahon ang bisan ano para lang siguradohon nga mahimun-an ang mga kinahanglanon sang aton mga anak…
      • Pero indi sa aton kabubot-on ang maghimo sang pareho nga sakripisyo para sa mga anak sang iban!
      • Wala nagasaad ang Dios nga maghimono sa mga tawo nga sakop sang kalibutan…
      • Pero nagasaad ang Dios nga Iya atipanon ang Iya nga mga Kaanakan – ang mga nagatuo kay Jesus!
      • Pero ano ang kahulugan sang may ara Pag-tuo – medyo mabudlay intiendihon…
      • Ayhan mas maayo nga tinaga ang PAGSALIG – wala na kita sang rason nga magkahadlok basta NAGASALIG kita kay Jesus!
      • Kag ISA LANG ang paagi sang pagpatubo sang pagsalig – amo ang paghatag sang madamo nga tion nga mag-upod sa tawo…
      • Amo nga kon mas malawig ang tion ang pakig-upod kay Jesus – mas dako ang aton PAGSALIG – mas diutay ang aton KAKULBA!
      • II Timoteo 1:7 – “Kay ang Dios wala naghatag sa aton sang iya Espiritu agod mahuya kita nga mag-atubang sa mga tawo, kundi agod maglig-on kita kag makatuon nga maghigugma sa iban kag makadisiplina sang aton kaugalingon.”
      • Amo man ang ginahambal ni Jesus sa Lucas 12:32 – ‘indi magkahadlok’…
      • Pero nagadugang Siya sang pagtamod sa kon ngaa indi kita dapat magkahadlok – ang aton Amay wala lang nagahatag sang aton nga mga kinahanglan…
      • Gusto Niya ihatag sa aton ang bug-os nga Kaharian – pakamaayohon kita sang sobra pa sa aton nga mahunahuna!
      • Sa kay Cristo nangin mga heredero kita sang tanan nga ara sa Dios – kaupod nga heredero sa kay Jesus – Roma 8:17
      • Tubtob pa sa makapungko kita sa tupad ni Jesus sa Iya nga trono – Pahayag 3:21
      • Sigurado bala kita –SIGURADO GID – ang Dios indi MAG-ILIS sang Iya pensar!
      • Masami nagahunahuna kita kon ang Dios makasarang/gusto maghatag sang aton mga kianahanglan…
      • Indi lang gusto sang Dios nga ihatag aton nga mga kinahanglan – heredero pa kita sang Iya nga Kaharian!
    • 3rd – Lakat– kag mangin ehemplo… vs. 16-17
      • Indi bastante nga MAGTUMAN kag MAGPATI lang…
      • Gusto sang Dios nga kita mag LAKAT bilang Iya nga mga anak – mangin BALAAN / mangin ehemplo…
    • 1st – Dapat sila magsugid sang kamatuoran – kada isa sa iya nga katupad…
      • Sa kalibutan may mga lain-lain nga lebel sang butig- diutay nga butig / puti nga butig / tunga nga kamatuoran…
      • Para sa aton may ara lang sang kamatuoran – kag may ara sang butig – wala sang tunga-tunga…
      • Kon wala kita nagasugid sang matuod – nagasugid kita sang bug-os nga butig!
      • Kag may ara sang maayo nga rason kon ngaa indi magsugid sang matuod…
      • Kaangay sang para indi masaktan ang balatyagon sang iban – ‘ano hitsura ko’ – law-ay!
      • Ang katapusan wala nagapakamatarong sang pamaagi – importante man ang paglakbay, indi nga ang kaladtuan lang…
      • Wala gid sang maayo nga rason nga magbutig – nagadepende sa aton nga panikasog/ kaalam…
      • Mas maayo nga mangin bunayag – maghambal sang matuod – kag magsalig/nagdepende sa Ginoo!
    • 2nd – Dapat sila nga maghatag sang paghukom sa ganhaan (patuhoy sa mga korte)…
      • Ang mga hukom dapat nga maghukom sa kamatuoran kag sa hustisya – nga madala sang kalinong…
      • Kay kon may matuod nga hustisya –ang mga malinapason nahadlok /kag ang mga matarong nagakalipay!
      • Hulubaton 29:2 – “Kon ang mga matarong ang magdumala, nagakalipay ang mga tawo; pero kon ang mga malaot na gani, nagakasubo gid sila.”
      • Naham-ot gid ako sang nakabasa ako sang balita tuhoy sa mga legal decisions sa California…
      • Mga kombiktado nga mga iligal nga mga emigrante ginpatawad / apang ang kape nalista nga peligroso!
      • Kon kis-a nagahunahuna kita kon maabot gid ayhan ang matuod nga hustisya – basi indi sa California…
      • Pero sa katapusan pagahukman gid sang Dios – sang patas kag matarong– ang mga gin-obra sang tanan nga tawo…
      • Gani aton nga pangamuyoan ang mga nagapamuno – ang ginasaligan nga magpatuman sang hustisya sa aton nga nasyon…
      • Mangamuyo kita nga mangin matarong kag mahinadlokon sila sa Dios – nga nagapamati kag nagatuman sa kasuguan sang Dios…
      • Kay kon indi – manabat gid sila– James 3:1
    • 3rd – Indi sila dapat nga magpensar / magplano sang kalautan sa ila nga tagipusoon batok sa ila kaingod…
      • Ini nga partikular nga mando matalupangdan gid – tungod indi ni siya buhat / kundi panghunahuna…
      • Ang mga katawhan indi lang dapat balaan sa ila nga hulag – kundi pati sa ila panghunahuna!
      • Ang aton nga panghunahuna literal nga patag-awayan para sa pagkontrolar sang aton nga mga ginabuhat – Galacia 5:17…
      • Nagakabuhi bala kita para sa kinasadya/subong – okon nagakabuhi kita para sa Ginoo…
      • Madamo ang naga-agom sang dalayon nga kapierdihan kay nagapakigaway sila sa giyera sa ila kaugalingon nga kusog…
      • Ang isa lang gid ka paagi nga magdaog sa gyera amo nga tugotan naton nga si Jesus ang makig-away para sa aton…
      • Samtang nagapadayon kita sa Iya – Juan 15:4-5 – nagapakig-away Siya kag nagadaog para sa aton – kag ginahimo Niya kita nga BALAAN!
    • 4th – Indi sila dapat mag panumpa sang sayop…
      • Ang mga wala nakakilala kay Jesus – wala nagahatag sang importansya sa ila nga hinambalan…
      • Masami nga madugang pa sila sa ila nga mga tinaga – para makapasalig nga wala sila nagabinutig…
      • Sugiran ka nila sang imo luyag mabatian – bisan magbutig pa sa imo atubangan…
      • Apang ang Dios nagapa-abot nga kita mga lalaki kag mga babayi nga matutom sa ila hinambalan…Dapat magsiling ka lang ‘Huo’ kon huo kag ‘Indi’ kon indi; kay kon magsumpa pa kamo halin na ina kay Satanas.”
      • Indi kita dapat manumpa – ubrahon lang naton ang aton ginahambal!
      • Mateo 5:37 – “'Dapat magsiling ka lang ‘Huo’ kon huo kag ‘Indi’ kon indi; kay kon magsumpa pa kamo halin na ina kay Satanas.”
  • 3rd – Ang mga resulta… vs. 18-23
    • 1st – aAng katapusan sang pagpuasa… vs. 18-19
      • Bilang sabat sa orihinal nga pamangkot sa chapter 7 – dapat pa bala nga magpuasa ang Israel sa ika 5 nga bulan…
      • Tanan nga mga puasa – 4 ka nagkalain-lain nga bulan – nagapahanumdum sang mga aspeto sang pagkalaglag sang Jerusalem…
    • 4th month – pader sangf Jerusalem– II Hari 25:3/ 5th month – Naguba ang Templo– Jeremias 52:12
    • 7th month – kamatayon ni Gedeliah- II Hari 25:25 / 10th month – umpisa sang pagpanglikop- Jeremias 52:4
      • Maislan halin sa pagpuasa kag paglalaw – mangin piyesta kag selebrasyon! Paghigugma, kamatuoran kag Kalinong!
      • Naghatag ang Dios sang mga di-mapatihan nga saad – bisan madamo kita sang kapaslawan kag sala…
      • Masami gusto naton nga maghawid sa aton nga nag-ligad – maglalaw sa petsa sang aton kapaslawan…
      • Pero gusto sang Dios kuhaon ang ina nga mga petsa kag himoon nga mga petsa sang pagselebrar…
      • Kay tungod sa mga kapaltahan nga ina nga nahibaloan naton ang pagsalig sa Iya!
      • Tungod sina nakabalo kita mag – TUMAN – kag magpuhunan sa mga butang sang Ginoo…
      • Nakahibalo kita nga – MAGPATI – kag ang tanan nga kahadlok naton napanas sang himpit nga pagsalig…
      • Nakahibalo kita nga – MAGLAKAT – kag nangin BALAAN kita kag nangin ehemplo nga mga anak sang Dios!
      • Isaias 61:3 – “Ginpadala pa niya ako sa paglipay sa mga nagapangasubo sa Jerusalem, agod imbes nga magbutang sila sang abo sa ila ulo sa pagpakita nga nagapangasubo sila, magbutang sila sang korokorona nga bulak sa ila ulo ukon haplasan nila sang lana ang ila ulo, sa pagpakita nga malipayon sila.…”
    • 2nd – Madamo ang mangita sa Ginoo… vs. 20-23
      • Sa ina nga mga inadlaw, madamo nga mga katawhan halin sa bug-os nga kalibutan makari sa Jerusalem…
      • Mga tawo nga halin sa isa ka siudad makadto sa lain nga siudad kag mahambal – lakat kita kag magpangamuyo / pangitaon naton ang Ginoo…
      • Madamo nga mga tawo – bisan mga halin sa mga gamhanan nga mga nasyon – makari para mangita sang Ginoo…
      • Sa ina nga adlaw, pulo ka tawo nga halin sa mga nagkalain-lain nga mga lenguahe / mga nasyon – mahawid sa pako sang Judio…
      • Maga-ayo nga mag-upod sa iya – kay nakabati sila nga ang Dios ara sa ila!
      • Yalak (malakat kita) / Shama (amon nabatiand) – Eloheem (Dios)!
      • Isaias 2:2 – “Sa palaabuton nga mga inadlaw, ang bukid nga ginatindugan sang templo sang Ginoo mangin pinakaimportante sa tanan nga bukid.
        Kag magadagsa sa sini nga bukid ang madamo nga mga tawo nga halin sa tanan nga nasyon.”
      • Kon kita MAGLAKAT nga BALAAN nga mga anak sang Dios– matalupangdan sang mga tawo…
      • Tungod wala sila sang mga saad – apang kita ginapakamaayo sa bisan ano ang aton obrahon…
      • Kay puno gid sila sang kahadlok sa kabuhi – pero kita wala sang kahadlok…
      • Tungod ang Dios nagapuyo sa aton – ginahimo kita nga BALAAN – kag ginapain kita…
      • Amo nga bisan nagaistar kita sa sini nga kalibutan – maathag nga indi kita bahin sang sini nga kalibutan…
      • Nangin suga kita – ehemplo – sa aton nga mga palibot – Mateo 5:1
      • Kag nagapalapit sila kag maghawid sa aton nga pako – kag mag-ayo nga mag-upod sa aton palapit kay Jesus!