Making Bible Study Easy for everyoneEnglish • Hiligaynon
Back to Zechariah
Verse-by-Verse Bible Study

Zechariah 9–11

The end of Fasting... (3 things)

Video teaching coming soon

There is no online teaching for this study yet, but the written notes and any available study resources are still below.

These are the original teaching notes from this passage.

Review…

  • Zacarias – ika 38 nga libro sang Old Testament – ang ika-11 sa ginakilala nga mga 12 Minor Prophets
    • Sang 520 B.C. – sa ika duha nga tuig ni Haring Darius sang Emperyo sang Medo-Persia…
    • Ang Dios nag bayaw sang 2 ka propeta – Haggai / Zacarias (remembered) – sa pagtukod liwat sang Templo!
    • Ang libro sang Zacarias gin tunga sa 5 ka bahin
    • Zacarias 1:1-6 – Ang una nga propesiya nag-abot 2 kabulan makalipas ang pag-tukod sang Templo…
    • Zacarias 1:7-6:15 – Sa ika 11 nga bulan sang ika duha nga tuig ni Haring Darius…
    • Nag hatag ang Dios sang sunod-sunod nga walo ka palanan-awon – ang tanan sa isa lang ka gab-i – sa propeta!
    • Zacarias 7-8 – Duha ka tuig naglipas mga katawhan nagpamangkot kon mapuasa pa bala sila para sa Templo…
    • Apang ang Dios nagsabat – ang dapat tani nga ginhimo sang mga tawo ang mag tuman sang Pulong sang Ginoo…
    • Kon ila ini gin-obra – wala sila tani nabihag – ang Templo ara pa tani gihapon!
    • Apang ang GINOO sang Kasuldaduhan MAKUGI para sa Zion – INDI LUYAG sang Dios sikwayon sila!
    • Apang ang Dios nag tawag sa katawhan nga MAGTUMAN –Kag tapuson ang pagtukod sang Templo…
    • Kag MAGTUO kon ano ang Iya nga gin saad – gani wala sila sang rason nga mahadlok…
    • Pagkatapos dapat nga MAGPANGLAKATON sa paagi nga napain sa sini nga kalibutan…
    • Kag ang resulta nga sila mangin SAKSI sa mga nasyon!

Ang una nga kabug–atan… (3 ka butang)

  • 1st – Ang maabot nga Hari… vs. 1-17
    • 1st – Ang Kabug-atan sang Ginoo…
      • Ang 2 ka Kabug-atan sang katapusan nga 6 ka chapters ni Zacarias –ang propesiya sa pagkari ni Jesus…
      • Chapters 9-11 – ang una nga pagkari ni Jesu-Cristo – ang Iya nga Madinalag-on nga pagsulod, kag ang pagluib sa Iya
      • Chapters 12-14 – ang ika duha nga pagkari ni Jesu-Cristo – Ang mahimaya-on nga pagbalik kag pag paghari!
      • May ara nga gamay nga debate sa sini nga chapter nga kon ginsinulat gid bala ini ni Zacarias…
      • Wala ini nagasunod sa estilo sang nauna nga 8 ka mga chapter…
      • Ang Ginoo sang Kasuldaduhan – mabasa sang 15 ka beses sa chapter 8 pa lang – sa chapter 9-11 mabasa sang makaduha lang ka beses!
      • Wala man sang partikular nga tion kon sang san-o ini gin sulat (e.g. – sa ika-2 ka tuig ni Darius)
      • May bahin nga ginapabangod sa iban nga propeta – Zacarias 11:12-13
      • Gin hambal ini sa Mateo 27:9-10 apang ginapabangod sa kay propeta Jeremias!
      • Apang wala sang duda kon sin-o gid ang Awtor – ang pamangkot lang kon sin-o ang ginapasulat sang Dios!
      • II Timoteo 3:16 – “Ang bug-os nga Kasulatan ginsulat paagi sa gahom sang Dios, kag mapuslanon sa pagtudlo sang kamatuoran, sa pagsabdong sang sala, sa pagtadlong sang sayop, kag sa pagtudlo sang matarong nga pagkabuhi…”
    • 2nd – Ang paghukom sa mga nasyon… vs. 1-4
      • Ang propeta nag sugod sa pag hukom sang Syria (Hadrach / Damascus) – Tyre – Sidon…
      • Bisan pa madamo sila sang kamanggaran – pilak kag bulawan nga daw pareho lang sang yab-ok sa dalan
      • Bisan pa sang ila nga kaalam – ang torre nga ginpatukod sang Tyre – nga sa katapusan maguba man lang!
      • Pagkatapos ginlikop ni Nebuchadnezzar ang siudad sang Tyre sa sulod sang 13 ka tuig iya nga ginguba ini…
      • Ang pumuluyo sang Tyre nagtukod liwat sang siudad sa isa ka Isla – may ara sang kataason nga 100 ft. ang pader…
      • Apang si Alexander the Great – gin haboy niya sa dagat ang mga kagulub-an sang daan nga siudad – kag gin himo niya nga taytay…
      • Ginsunog niya ang bag-o nga siudad – wala na ini matukod pa liwat – nangin malapad nga bato nga bululadan sang pukot!
      • Ezekiel 26:14 – “Himuon ko na lang ang inyo lugar nga isa ka malapad nga bato nga bululadan sang mga pukot. Indi na gid pagtukuron liwat ang inyo siyudad. Matabo gid ini, kay ako, ang Ginoong Dios, ang nagasiling sini.”
      • Talupangda ang verse 1: ang mata sang tanan nga tawo – tanan nga tribu sang Israel – ara sa Ginoo…
      • Bangod nga sa tion sang dalagko nga kagamo – KADA-ISA – nagapanawag sa Ginoo…
      • Kon ang kaalam / kuarta/kag ang tanan nga pag handa napaslaw – Buligi kami Dios!
      • Sa kaso sang Syria / Tyre / kag Sidon sang si Alexander nag salakay – wala gid sang sabat!
      • Apang sang ang mga Judio nagpangita sa Ginoo – wala sila gin hilabtan ni Alexander…
      • Ang istoryador nga si Josephus nag hambal sa aton nga si Jaddua ang Mataas nga Saserdote gin pabasa niya si Alexander sang Daniel 8…
      • Sa pagka kita sang propesiya patuhoy sa Gresya nga nag sakop sa Persia –ginluwas ni Alexander ang Israel!
      • Makatalagam nga negosyo ang maghulat pa nga ang tanan napaslaw na kag mag panawag sa Dios…
      • Kon nagasalig ka sa kwarta – imo kaalam – imo plano – kag tanan napaslawan…
      • Basi ginatudluan kita sang Dios sang leksion kag mag atubang kita sang konsekwensia sing wala sa lugar nga pagtuo…
      • Mas maayo nga magpareho sa Judio kag magtulok sa Ginoo – kag mag tuo sa Iya nga Pulong!
    • 3rd – Ang paghukom sa mga Filistinhon… vs. 5-8
      • Ang propeta nag tagna sang pagkalaglag sang 4 sang 5 ka siudad sang Filistinhon…
      • Ang Ashkelon mahadlukan – ang Hari sang Gaza malaglag…
      • Ang paglaum sang Ekron nadula (ang pagkahulog sang gamhanan nga Tyre) – ang dumulu-ong ang ma-istar sa Ashdod…
      • Ang Gath wala na masambit tungod nga na laglag na ini sang Judah – I Cronica 18:1
      • Literal nga natuman sang nabihag ni Alexander ang Filistinhon – libo ang nagkalamatay!
      • Apang indi sila bug-os nga uboson sang Dios…
      • Kuhaon sang Dios ang dugo/ kangil-aran sa mga bibig sang mga nagkalabilin…
      • Indi na sila mag halad sang sakripisyo sa mga indi matuod nga dios-dios – kag indi na magka-on sang ginatagudili-an (dugo)…
      • Mangin kaangay sila sang nagapangulo sa Judah – kaangay sang mga Jebusnon nga nag buylog upod sa Israel!
      • Lisu-on sang Dios ang kaaway nga mangin abyan – paagi sa halimbawa sang Israel!
      • Bangod nga bisan ang tanan nga mga mabaskog nga siudad nagkalalaglag – Ang Jerusalem nagpabilin nga wala matandog…
      • Nagabantay ang Dios sa palibot sang Iya balay – kag wala sang manugpigos (Alexander) nga nakasulod!
      • Mapat-od ini nga bagay – gina tanaw sang katawhan nga kon matu-od ang Dios…
      • Mahimo nga wala naton marealisar – bisan gina himo kita nga kaladlawan – nagalantaw sila…
      • Kada isa nagapangita sang sabat sa kabuhi – kag paagi sa aton makita nila nga si Jesus ang sabat!
    • 4th – Pagsakay sa tinday nga asno… vs. 9-11
      • Ang propeta gulpi nga nag lumpat sang pila ka gatos nga tuig sa palaabuton sa iya nga pagpropesiya…
      • Gintagna niya ang una nga pag abot sang Mesias – sa adlaw nga aton ginatawag Palm Sunday….
      • Magkalipay anak ni Zion – magsinggit bangod ang inyo Hari maabot…
      • Siya may hustisya /MATARONG – kag may ara nga KALUWASAN – naga sakay sa asno!
      • Marcos 11:1 – sa isa ka PINASAHI nga adlaw si Jesus nag padala sang 2 ka disipulo sa pag kuha sang asno…
      • Ang hari wala naga kari sa paglutos nga nagasakay sa asno – isa ka palatandaan sang kalinong
      • Si Jesus wala nag kari sa pagsalakay – nagkari siya sa pag dala sang paghidait sa tunga sang Dios kag sang Tawo!
      • Si Jesus indi na mag sakay sa asno sa Iya nga pagbalik sa ika duha nga tion…
      • Pahayag 19:11 – “ Nakita ko dayon nga nag-abri ang langit, kag didto may kabayo nga puti. Ang nagasakay sa kabayo ginatawag Masaligan kag Matuod. Matarong ang iya paghukom kag pagpakig-away.”
      • Sa pagkari sa ika duha nga tion ni Jesus INDI na magkari para sa paghida-it
      • Magakari siya nga upod ang mga soldado sang Langit para sa pagpakig-away – sa pag plastar sang Iya Kaharian diri sa Duta!
      • Ang Israel ginapaabot nga kilalahon si Jesus nga amo ang Mesias tungod…
      • Sila gin hambalan eksakto kun paano ang Hari maabot – apang wala ini nila matalupangdan!
      • Ang mga Judio tanan sila mga relihiyoso – tanan sila sa sinagoga kada Sabado…
      • Apang diutay lang ang nakabalo sang Biblia – naga basa sang ila Biblia!
      • Lucas 19:41 – “ Sang malapit na si Jesus sa siyudad sang Jerusalem, kag sang makita niya ini, naghibi siya para sa mga pumuluyo sini.’”
      • Mahapos ang mangin relihiyoso – pero ibaliwala ang pinaka importante sa tanan – si Jesus!
      • Amo nga naga kadto kita sa Bible studies /nagabasa sang Biblia/nagapamati sang Biblia sa radio…
      • Para makatuon kita sang Pulong parte sa aton Ginoo – agod indi naton ma limtan si Jesus!
      • Ang Kaharian sang Mesias magkalap asta sa kaibuturan sang kalibutan… vs. 10-11
      • Indi paagi sa away – ang Dios ang maglaglag sang kangga /bungkagon ang pana sa inaway
      • Ang Iya nga Kaharian ginapasangkad paagi sa pagsugid sang paghidait sa mga nasyon – ang Maayong Balita!
      • Ang kasugtanan sa dugo – halad ni Cristo – nga naga butong sang priso halin sa buho nga wala sang tubig!
      • Lucas 16:24 – “Sugua si Lazarus nga itum-oy niya sa tubig bisan ang iya na lang tudlo kag patuluan ang akon dila agod mabugnaw.”
      • Tanan kita makasasala – Roma 3:23 – ang buho amo ang aton tanan nga destinasyon!
      • Apang si Jesus – siya lang ang MATARONG nga tawo – nagbayad sang dako para sa aton nga sala – kamatayon – Roma 6:23
      • Naglumpat si Jesus sa buho – agod nga Siya ang aton KALUWASAN!
      • Kag ini nga MAAYONG BALITA – gospel – amo na ang kinanglan nga mabantala sa bug-os nga kalibutan!
    • 5th – Manumbalik sa Ginoo … vs. 12-17
      • Magbalik sa Pamakod (Jesus) – mga priso sang Paglaum…
      • Para sa Israel – nga magasikway sa Mesias – Ang Dios nagahambal sa ila nga magbalik… vs. 12
      • Sa tion nga magpasag-uli sila sa Dios Iya ibalik sang doble kon ano ang na-agaw sang sala sa ila!
      • Kon kalibutanon ang aton pagkabuhi – wala ini sang mahatg sa aton – ibilin kita nga wala sang unod…
      • Madamo sa aton nga maka pamalandong sang mga tuig nga aton gin uyang – wala naga kabuhi para sa Ginoo…
      • Sa masami naga hinulsol kita sa mga ‘nauyang nga tuig’ luyag naton nga mabalik ang tanan…
      • Ang Dios ang makapasag-uli sang mga tuig – nga daw wala lang sang may nadula nga butang tungod sang kabuangan sang sala!
      • Tungod nga ang Dios wala pa makatapos sa Israel… vs. 13-17
      • Pareho sa pag gamit sang Dios sa Judah / Ephraim – batok sa mga anak sang Gresya…
      • Sang si Antiochus epiphanies nagpasipala sang altar – kag gin gamit sang Dios ang mga Maccabees para mahilway ang Juda!
      • Mapakita siya liwat sa Iya mga katawhan – kag Iya patunugon ang Iya trumpeta…
      • Kag luwason sang Dios ang Israel halin sa mga nasyon – subong man sa pagluwas sang manugbantay sang Iya mga karnero…
      • kag ang Iya katawhan maigpat nga daw mga alahas – kag mag pangabuhi sa bugana nga duta!
      • Nagapatuhoy sa inaway sang Armageddon – Pahayag 16:6…
      • Kon ang Anticristo mag tipon sang iya mga soldado sa kapatagan sang Megiddo – Pahayag 19:11-21
      • Si Jesus magakari halin sa langit sakay sa puti nga kabayo – Hari sang mga Hari/ Ginoo sang mga Ginoo…
      • Kaupod ang mga Kasoldadohan sang Langit – ang Iya mga Santos (ikaw kag ako) -naga sunod sa likod Niya nga nagasakay sa mga kabayo…
      • Sa isa lang ka pagsambit ma pierdi na ang Anticristo kag ang iya mga soldado – ang dugo malab-ot sa busal sang kabayo…
      • Asta sa punto nga ang bug-os nga Israel maluwas – Roma 11:26 – Millennial nga Kaharian!
  • 2nd – Ang pagpanumbalik sang Israel… vs. 1-12
    • 1st – Ang paghukom sa mga manugbantay… vs. 1-4
      • Ang Ginoo lang amo ang makadala sang pagpakamaayo…
      • Pangayua sa Iya ang naulihi nga ulan (spring) – kag iya nga ipadala para mamukadkad ang mga latagon…
      • Ang kabaliskaran sang mga dios-dios nga naga hatag sang sayop nga pagtudlo /mga babaylan nga naga panagna sang butig…
      • Mga tawo nga nagatalang pareho sang mga nadula nga karnero – kagamo tungod wala na sila nagatulok sa Manugbantay!
      • Ang Ginoo akig sa sini nga mga sayop nga manugbantay /manugsagod sang kanding…
      • Sa mga nagapanguna sa katawhan nga magpalayo sa Ginoo – Iya sila pagasilutan!
      • Apang ang Dios ma bisita sa Iya nga mga katawhan – Siya MANGIN ila nga Manugbantay – himu-on sila nga kaangay sang harianon nga kabayo…
      • Ini nga Maayo nga Manugbantay mangin pamusod nga bato / palpal /pana para sa inaway / Siya ang magahari sa tanan!
      • Juan 10:14 – “Pero ako amo ang maayo nga manugbantay sang mga karnero. Kon paano ang pagkakilala sa akon sang Amay kag ang akon pagkakilala sa iya, pareho man sina ang akon pagkakilala sa akon mga karnero kag ang ila pagkakilala sa akon. Kag ihatag ko ang akon kabuhi para sa ila.”
    • 2nd – Ang pag balik sang Israel… vs. 5-12
      • Ang Dios magpabaskog sa panimalay ni Judah /luwason ang panimalay ni Joseph (Israel)…
      • Ibalik sang Ginoo ang natunga nga nasyon – nga daw wala sila malutos…
      • Maga panihol ang Dios kag tipunon sila – mangin gamhanan sila nga mga katawhan …
      • Halin sa diutay lang nga nabilin – ang ila populasyon magadamo pareho sang una!
      • Bisan pa nga nag aplaag sila /gintanom sa mga kalapit nga nasyon…
      • Siguradohon gid sang Dios nga indi nila malimtan ang Ginoo – kag ila tudlu-an ang ila mga kabataan!
      • Sa adlaw sang Pentecost ang mga Judio sa Bilog nga kalibutan nag tipon sa Jerusalem…
      • Kag nabatian nila ang mga disipulo nga nag wali sang Maayong Balita –sa ila nga kinaandan nga hinambalan…
      • Nagbalik sila sa ila mga lugar sa pag palapnag sang mensahe sang kaluwasan!
      • Sigurado ako nga madamo sa mga Judio ang nagpamangkot ngaa gin tugotan sang Dios nga sila bihagon / kag mag lapta …
      • Apang ang Dios may plano nga mas masanyog pa sang sa ila nga imahinasyon…
      • Ang plano nga maggamit sa naglalapta nga mga Judio / kag ang Pentecost sa pag palapta sang Mensahe sang Maayong Balita!
      • May mga butang nga naga katabo sa aton kabuhi nga indi naton mahangpan…
      • Indi naton mahangpan permi kon ngaa ang Dios may gina himo sa aton kabuhi…
      • Apang ang aton responsibilidad indi sa paghangop – kundi sa pagtuman – kag mag salig nga Siya may plano!
      • Malapta asta nga ang Dios mag dala sa ila pauli halin sa Egypto (una) / Assyria (katapusan)…
      • Sa pag agi liwat nila sa ‘dagat sang kasakit’ / kag ang mga suba mamala…
      • Naga tuhoy kon paano ang Dios nagdala sang Israel sa pagtabok sang Mapulang Dagat /kag pag mala sang Suba sang Jordan!
      • Apang ang paguwa nga maabot mangin mas dako gid kaysa natabo sa adlaw ni Moses / Josue…
      • Ibalik sang Dios ang Iya mga katawhan sa Israel halin sa sa bug-os nga kalibutan – nga may mga gamhanan nga mirakulo!
      • Jeremias 23:7-8 – “Kag sa sina man nga tion ang mga tawo indi na magsumpa nga nagasiling, ‘Nagasumpa ako sa buhi nga Ginoo nga nagpaguwa sa mga Israelinhon sa Egipto.’  Sa baylo, magasiling sila, ‘Nagasumpa ako sa buhi nga Ginoo nga nagpaguwa sa mga kaliwat sang Israel sa nasyon sa aminhan kag sa tanan nga nasyon nga sa diin ginpalapta niya sila.’ Dayon magaestar sila sa ila kaugalingon nga duta.’”
  • 3rd – Ang pagsikway sa mga Manugbantay… vs. 1-17
    • 1st – Ang paglaglag sang Templo… vs. 1-3
      • Sa pag tagna sang maabot nga Hari – Ang pag sikway sa Iya…
      • Kag ang masunod nga pagpasag-uli nga maabot sa Judah kag Israel…
      • Ang propeta nag kadto sa madulum nga tion – kon ano ang matabo sa tunga sang duha ka mahanabu!
      • Abrihan ang ganhaan sang Lebanon – para ang kalayo malamon sang mga sedro…
      • Ang Templo gin tukod halin sa mabaskog nga sedro sang Lebanon – I Hari 5:6
      • Ang manugbantay / ang mga lider magatangis – kay ang ila himaya (ang Templo) na guba!
      • Lucas 21:5 – si Jesus nagpungko upod sa Iya mga disipulo sa Bukid sang Olibo…
      • Sa ila pagdayaw sang himaya sang Templo – si Jesus nagsiling ‘ nga wala sang may mabilin nga bato nga nagatungtong sa isa pa gid ka bato’!
      • 35 ka tuig ang naglipas – 70AD – sang ang Israel nag rebelde batok sa Roma…
      • Ang palaabuton nga Caesar – si Titus Vespasian – nagpadala sang 10th Roman Legion …
      • Nagsalakay sila sa Jerusalem kag ginpamatay sobra sa 1 million ka mga Judio – kag gin guba ang siudad..
      • Wala niya gintuyo nga guba-on ang Templo – apang sang pagpanalakay nasunog ini…
      • Ang bulawan sang Templo natunaw sa tunga sang mga bloke nga bato…
      • Ang mga Romanhon gin bungkag nila ang bato sang Templo isa-isa para kuhaon ang bulawan!
    • 2nd – Ang pagkaguba sang sungkod… vs. 4-11
      • Amo ini ang ginasiling sang Ginoo –pakauna ang panong para sa pagpamatay… vs. 4-6
      • Ang ideya nga pakaunon sang Pulong – agod nga indi mapatay…
      • Tungod nga ang ara sa Judah maga-antos upod sa pagkaguba sang Templo…
      • 1.5 million ang nadlla sa gyera sang Judio – isa ka million ang napatay sa pag laglag sang Jerusalem…
      • Ang manog bakal (Romanhon) ginpamatay ang mga karnero nga wala sang pag hinulsol…
      • Sa mga nag baligya sa ila (lider sang Judio) nagahambal nga Pagdayaw sa Ginoo – ako subong manggaranon!
      • Kag ang Ginoo wala sang kalooy sa ila – Ginhatag Niya sila sa Hari…
      • Juan 19:15 – “Nagsabat ang manugdumala nga mga pari, “Wala na kami sing iban pa nga hari kundi ang Emperador lang!’”
      • Ang Ginoo nag kuha sang duha ka sungkod…
      • Ang ginatawag nga MATAHOM (ukon kahalamut-an) – ang iban nga gina tawag nga HIGOT (ukon paghiusa)…
      • Gani ang Dios gin pahalin Niya ang 3 ka manugbantay nga Iya ginakangil-aran – nga naga tamay sa Iya…
      • Ang tinaga nga ‘ginsikway – sa Hebreo nga tinaga Kachad – paga laglagon!
      • Daw may dala nga elemento nga espiritwal – indi lang ang pagpatay / ikaduwa nga kamatayon!
      • Mahimo nga naga patuhoy sa mga Pariseo / Saduceo /kag ang Escriba!
      • Kag ang Dios nagsiling – Indi ko sila pakaunon – sa mga mga tagumatayon/ patay (Kachad)!
      • Mateo 23:13 – “Kaluluoy kamo nga mga manunudlo sang Kasuguan kag mga Pariseo, kamo nga mga hipokrito! Ginabalabagan ninyo ang mga tawo nga magpasakop sa paghari sang Dios. Kamo mismo indi magpasakop, kag ginapunggan pa ninyo ang mga tawo nga nagatinguha nga magpasakop.”
      • Indi mag pakaon si Jesus sa mga gasikway sa Iya Pulong – apang Iya pakaonon ang mga pigado!
      • Lucas 4:18 – “Kay ginpili niya ako nga magwali sang maayong balita sa mga imol.”
      • Kag ang Dios nag kuha sang sungkod nga Matahom – kag gin utod sa duha – nag guba sang kasugtanan!
      • Kag ang imol nga naga bantay – nahibaluan nila nga ini ang Pulong sang Ginoo!
      • Si Jesus amo ang MATAHOM nga sungkod – nabuka tungod sa krus agod nga ang kasugtanan mabuka…
      • Ang KASUGU-AN nga nagahambal nga ang paagi lang gid sa pagkamatarong amo ang pagsulundan kag regulasyon!
      • Colosas 2:14 – “ May salabton kita kuntani sa Dios tungod nga indi naton matuman ang iya mga kasuguan. Pero gindula ini sang Dios paagi sa pagpalansang ni Cristo sa krus, gani indi na kita pagsilutan.”
    • 3rd – 30 kabilog nga pilak… vs. 12-14
      • Kon mag sugtanay – hatagi ako sang sweldo ko – ginhatagan siya sang 30 ka bilog nga pilak…
      • Suno sa Exodo 21:32 – ang presyo nga gin bayad sa isa ka ulipon nga aksidente nga nasungayan sang karabao…
      • Apang ang Dios nag hambal – ihaboy sa manog colon – ini nga bili para PRINCIPE…
      • Tapos gin utod pa gid ang HIGOT nga sunkod sa duha – nagatunga sang higot sang Judah kag Israel!
      • Si Jesus ang HIGOT nga sungkod – nabuka sa pagkabanhaw para nga ihamulag…
      • Ang mga Judio tungod lang natawo sila nga Judio (Judah) ginhamulag palayo sa mga nagapati kay Jesus (Israel)!
      • Roma 9:6 – “kay indi ang tanan nga kaliwat ni Israel pinili sang Dios…”
      • Ang bili sang pag bali sang duha ka sungkod – 30 ka bilog nga pilak…
      • Ang bili sang pag luib ni Judas kay Jesus –apang ang konsiensia sang gin himo niya nga pagtraidor nagpabug-at kay Judas…
      • Nakahibalo siya nga nakasala siya sa pag traidor sang isa ka inosente nga tawo – Mateo 27:3…
      • Nagbalik siya sa nga lideres sang Judio – kag gin haboy ang 30 kabilog sa ila tiilan…
      • Ang mga lideres sang mga Judio wala gid sang paghinulsol – ginhambalan nila siya nga wala sila sang labot kag siya ang may salabton!
      • Naglakat si Judas kag ginbitay niya iya kaugalingon – apang nagbilin ini sang problema para sa mga pari…
      • Indi nila mabutang sa bahandian sa Templo – ang pilak naghalin sa dugo…
      • Daw ang halimbawa pareho sang pag baligya sang ilegal nga droga – apang ihatag nila ang ganancia sa simbahan!
      • Gani gin bakal nila ang duta sang manogcolon – ‘Aceldama’ (field of blood) …
      • Ginbakal nila nga isa ka lugar nga lulubngan sang mga napatay nga mga dumuluong…
      • Ang duta nahamtang sa makitid nga nagahagdanhagdan nga talamnan sa bagatnan nga bahin sang Valley of Hinnom…
      • Ang kapatagan sang Hinnom (Topet– lugar sang kalayo) – nabagatnan nga kapatagan sang Jerusalem
      • Kon sa diin si Haring Manasseh naghalad sang mga bata para sa dios nila nga si Molech – II Hari 23:10
      • Si Jesus nagatuhoy sa kapatagan sa NT – Mateo 10:28
      • Gehenna – gingamit sang 12 ka beses sa NT– ‘Ang kapatagan sang Hinnom’ – ginbadbad – Empierno…
      • Si Jesus nag gamit sang kapatagan sang Hinnom nga isa ka tinaga nga nagalaragway sang – Empierno – wala katapusan nga paghukom…
      • Ang ‘latagon’ nga gin bakal gami tang ‘premyo’ ni Judas – amo ang Empierno…
      • Ang premyo ni Judas sang pag traidor niya kay Jesus – isa ka wala sang katapusan nga pag hamulag sa Dios…
      • Indi nga si Judas mas malaot sang sa iban nga makasasala – indi kita mas maayo kay Judas!
      • Wala sang lebel ang sala – mas dako o magamay nga sala –tanan kita makasasala….
      • Naga bakal kita sang aton nga lugar sa eternidad gamit ang ‘regalo’ sang aton sala….
      • Ang aton paglaum –kon kita nagatuo – napatay si Jesus para sa aton agod nga makakadto kita sa langit!
      • Wala ang Dios naga padala sang maayo nga tawo sa Empierno – kay wala man bisan isa!
      • Ang makatilingala nga tungod kay Jesus – ginadala sang Dios ang mga makasasala sa langit!
    • 4th – Ang Wala pulos nga Manugbantay… vs. 15-17
      • Sa pagtakop sang una nga kabug-atan – ang propeta naglumpat 2000+ ka tuig …
      • Sa duog sang Maayo nga Manugbantay – sa baylo ang Israel nagahakos sang wala sang pulos…
      • Kon sino nga indi mag duaw sa mga gin-utod (Kachad) / ukon sa pamatan-on / ukon mag-ayo sang may pilas
      • Sa baylo ang ini nga wala sang pulos nga manugbatay iya nga lamunon ang karnero para sa iya benepisyo…
      • Naga patuhoy ini sa Anticristo nga paga batunon sang Israel nga ila prinsipe – Daniel 9:26
      • Nga gin hambal sang Dios nga KAILO – Ang espada mangin batok sa iya nga kamot (kusog) kag mata (handom)!
      • Pagkatapos sang pagpanabnit (1 billion nga tawo ang madula)…
      • Pagkatapos sang pag salakay sang Magog (Ang Dios amo ang magalaglag sang mga soldado sang Russia kag sang mga Arabo) – Ezekiel 38-39
      • Ang kalibutan mangin magamo – isa ka tawo ang magatanyag sang paghidait kag kalinong …
      • Ginahunahuna nga mahatag siya sang paghidait sa pagtanyag sang pag patindog sang ika 3 nga Templo para sa Israel…
      • Ang mga Judio handa na ang tanan sa pag tukod liwat sang templo –naga hulat sang ila nga Mesias!
      • Ang Anticristo batunon bilang Mesias sang mga Judio – tungod kay gin tukod niya liwat ang Templo…
      • Juan 5:43 – “Nagkadto ako diri nga may awtoridad halin sa Amay, pero wala kamo nagabaton sa akon. Pero kon may iban nga mag-abot nga nagagamit sang iya kaugalingon nga awtoridad, amo ang inyo batunon.”
      • Amo ni ang pag sugod sang 7 ka tuig sa orasan sang Dios – ang 7 ka tuig nga Kapipit-an!
      • Ang malain nga balita -ang bisan sino nga wala nagatuo kay Jesus amo ni ang palaabuton nila.
      • Ang maayong balita – kon nag tuo kita kay Jesus – ato kita sa langit malayo sa peligro!
      • Isa ka maayo nga motibasyon sa pag tuo kay Jesus subong na – II Corinto 6:2