Mark 9:1–29

Marcos 9:1-29

Introduction…

• Marcos – Ang Gospel para sa mga Gentil – nagapakita nga si Jesus alagad sang tanan – Mark 10:45
• Marcos 1:1 – 6:56 – Pag-alagad ni Jesus sa Galilea…
• Marcos 7:1-8:21… pag-engkwentro batok sa mga lideres sang relehiyon – paghalin sa Galilea
• Marcos 8:22-38… Pagpahayag nga si Jesus amo ang Cristo…
  • Pag-ayo sang Bulag – Nagbutang sang laway si Jesus sa iya mata – indi pa bug-os nga pag-ayo…
    • Masami sa simbahan, nagatulok kita sa aton pagkalain-lain – imbes nga magtulok kay Jesus
    • Sang bag-o gid kita naluwas – nag-abre ang aton mga mata… diyutay lang – sigihon ta balik-balik kay Jesus!
  • Sa Caesarea Filippo namangkot si Jesus sa iya nga mga disipulo – ‘Ano ang pagkilala sa akon sang mga tawo?’
    • Madamo lang nga mga opinyon – Juan Bautista / isa sa mga propeta
    • Ang matuod gid nga pamangkot – ‘Para sa inyo, sin-o ako?’ – Nagsabat si Pedro -ikaw ang Cristo!
  • Nahibaloan ni Pedro kun sin-o si Jesus ( paagi sa Balaan nga Espiritu ) – pero indi ang rason kun ngaa nagkari siya…
    • Sugod sina, maathag nga ginasugiran ni Jesus ang mga disipulo nahanungod sa krus kag sa pag-banhaw…
    • Ginsabdong ni Pedro si Jesus tungod sang pagpanugid niya parte sa krus – kamatayon…
    • Ang sabat ni Jesus – ‘Hakwata ang imo nga krus kag sundi ako!’
    • Si Jesus nagapadulong sa krus – kun magsunod ka kay Jesus – nagakahulugan nga hakwaton mo ang imo nga krus…

Pagtulok kay Jesus… vs. 1-13

• Ang pagpili sang mga tawo nga “Espesyal”… vs. 1-2
  • May ari diri nga indi makatilaw sang kamatayon asta nga makita nila…
    • Ini nga ginhambal ni Jesus nagdala sang madamo nga espikulasyon nahanungod sa kahulugan sini …
    • Wala nagasiling si Jesus nga may mga disipulo nga indi mapatay – Ang iya nga ginahambal nahanungod sa…
    • Ang Bukid sang Pagbalhin-dagway – 3 sang iya nga disipulo nakakita sang bug-os nga himaya ni Jesus
  • Pagkalipas sang 6 ka adlaw – Gindala ni Jesus sa mataas nga bukid sila ni Pedro, Santiago kag Juan…
    • Ang pinakataas nga bukid sa Israel amo ang Mount. Hermon – 2,814 ka metro
    • Makita mo ang Mt. Hermon halin sa Caesarea Filippo (para sa inyo, sin-o ako)
    • Tunga nga adlaw nga panglakaton halin sa syudad asta sa tiilan sang bukid
  • Ngaa ini lang nga 3 ka disipulo…
    • Ang una nga butang nga mahimutaran ta amo nga indi tanan nga mga disipulo naga-upod kay Jesus – ang tatlo lang…
      • Buhia liwat ang babayi – Marcos 5:37 / Bukid sang Pagbalhin-dagway – Mateo 17:1
      • Mga panudlo hanugod sang katapusan sang kalibutan – Marcos 13:3 / Subong, ang hardin sang Gethsemane – Mateo 26
      • Ang kinaandan nga paghangop sini amo nga ang tatlo ka disipulo espesyal – super nga mga disipulo
      • Ang mga nakatagna nga usaron sang Dios sa mabaskog nga paagi – amo na nga mas madamo ang nakit-an nila
    • Pero indi man nagahanungod sa pagiging espesyal – bisan “espesyal” sila
      • Indi man sila mas maayo kun ikumpara sa iban – mas problema pa gani sila!
      • Si Pedro – una ang hambal – ulihi magpaminsar – permi nagadala sa iya sa gamo…
      • Mga Anak sang Daguob – paulanan ta sila kalayo?- Lucas 9:54
      • Mahunahuna kita nga ang ginausar lang sang Dios amo ang mga may mga dalagko kag dalawayon nga abilidad kag talento
      • Lain ang kamatuoran – Gina-usar sang Dios bisan ang mga buang-buang! – I Corinto 1:26-27
      • Nauyonan sang Dios ang mag-usar sang mga tawo nga pareho sa imo kag sa akon – mga ‘Espesyal nga tinuga’!
      • Sa amo sina nga paagi, kun mag-hikot ang Dios– Mahibaloan sang tanan nga obra sang Ginoo!
      • Suga sang Kalibutan… vs. 3
  • Pag-abot nila sa babaw sang bukid -Nagbalhin ang laragway ni Jesus …
    • Ang iya panapton pareho kaputi sa nyebe (mas maputi gid kun ikumpara sa ginlabhan lang)
    • Sa malip-ot lang nga tion, gin hayag ni Jesus ang Iya bug-os nga himaya … Dios nga Makakagahum!
    • Kaangay sang Adlaw kag sang Suga– Lucas 9:29
      • Juan 8:12 – “Nagsiling liwat si Jesus sa mga tawo, “Ako ang suga sang mga tawo sa kalibutan. Ang nagasunod sa akon, indi na magakabuhi sa kadulom, kundi masanagan siya sang suga nga nagahatag sang kabuhi.”
      • Si Jesus ang Kasanag sang kalibutan nga nagabutong sa aton halin sa kadudulman
      • Ginapakita niya sa aton ang kasanag sang Kaluwasan – ang paglaum sang Maayong Balita – langit!
  • Nabaylo ang laragway ni Jesus – metamorphoo – magbalhin sa lain nga butang…
    • Ginatawag man kita nga mangin kasanag sa kalibutan – Mateo 5:14
    • Sa aton nga kaugalingon – indi kita amo sina klase nga suga – wala kita nagasilak nga kaangay sang adlaw…
    • Naga-amat-amat kita balhin nga mangin amo sina nga suga samtang ginabag-o kita – na-bag-o… (2 ka butang)
      • Roma 12:2 – “..Indi kamo magsunod sa mga pagginawi sang mga tawo sa sini nga kalibutan. Tuguti ninyo ang Dios nga bag-uhon niya ang inyo hunahuna, agod mahibaluan ninyo ang kabubut-on sang Dios—kon ano ang maayo, husto, kag kon ano gid ang iya nagustuhan.”
      • Madali gid masiod sa pangginawi sang kalibutan
      • Gusto naton nga batunon man kita sang mga nagapalibot sa aton – mangin kaangay man sa ila
      • Indi naton gusto nga magtindog kag makit-an – kag mangin puntariya – gusto lang naton nga magsimpon sa kalibutan…
      • Pero kon nahisuno kita sa kalibutan – indi kita mabag-o para kay Jesus
    • Kun wala si Jesus – isa lang kita ka dako nga bato nga patay…
      • Ang bulan isa lang ka dako nga bato nga patay – wala ini nagahatag sang kasanag…
      • Kun ang kalibutan magpatunga sa adlaw kag sa bulan – magadulom ang bulan…
      • Pero kun ang bulan naga-atubang sa adlaw – nagabalhin ini…
      • Nagapabanaag sang kasanag sang adlaw para makit-an sang bilog nga kalibutan!
      • II Corinto 3:18 – “.. Kag tungod nga wala sing nagatabon sa aton hunahuna, nakita ta ang gahom sang aton Ginoo. Kag ina nga gahom nga halin sa Ginoo, nga amo ang Espiritu Santo, amo ang nagapadayon sa pagbag-o sa aton agod nga sa amat-amat mangin kaangay kita sa iya.”
      • Kun mag atubang kita kay Jesus – naga-balhin kita – Ginabanaag naton ang Gugma kag kasanag ni Jesus…
      • Naging suga kita nga nagapakita sa kalibutan sang paglaum nga si Jesus!
      • Paano kita mabag-o – Mangin kasanag sa kalibutan… vs. 4-10 (4 ka butang)
  • 1^st – Paagi sa Pulong…
    • Si Moises kag si Elias nagpakita upod kay Jesus didto sa bukid
    • Lucas 9:31 – “Nagasilak man sila kag nagapakighambal sila kay Jesus parte sa iya kamatayon nga madali na lang matuman sa Jerusalem.”
    • Ang testimonya sang Kasugoan sang mga Propeta…
      • Si Moises ang nagsulat sang una nga lima ka libro sang Bibliya – Ang Kasugo-an sang Dios
      • Si Elias ang labaw gid sa tanan nga Propeta – wala niya maagyan ang kamatayon – II Hari 2:11
    • Sila ang nagtiglawas sang Pulong sang Dios – nagtestigo nga si Jesus amo ang Cristo!
      • Kag nakighambal sila upod sa Iya nahanungod sa plano sang Dios para sa Kaluwasan – ang Maayong Balita
      • Lucas 23:44 – “[Ang plano] nga matuman gid ang tanan nga butang nahanungod kay Jesus nga nasulat sa Kasuguan ni Moises kag sang mga Propeta ."
      • Mabalhin gid kita – Mabag-o – mangin kasanag sa kalibutan…
      • Samtang nagahatag kita sang tion para sa Pulong – nagadugang ang aton ihibalo parte kay Jesus!
      • Mangin kasanag kita sa aton pagpalapnag sang Pulong – Maayong Balita – sa iban
  • 2^nd – sa mga malain nga kahimtangan kag sa maayo…
    • Sang mga tinion sang sini nga hitabo, si Pedro kag mga upod niya nagakatulog– Lucas 9:32
    • Ayhan tungod nga pwerte kataas nga bukid – ginkapoy gid sila
    • Sang nagbugtaw sila kag nakita sanday Jesus, Moises, kag Elias nga hayag sa ila bug-os nga Himaya…
    • Naghambal si Pedro – maayo nga ari kita – maobra kita sang tatlo ka tulda – para kay Jesus / Moises / Elias
    • Ang ideya nga gusto ni Pedro magtiner didto – sa presensya sang Himaya sang Dios
    • Ang kabuhi napun-an gid sang mga bukid kag nalupyakan – ibabaw kag idalom – maayo nga mga tion kag malain
      • Kun maka-lab-ot kita sa taluktok sang bukid…. gusto naton nga magpabiin didto
      • Matukod sang tulda kag magpahunay-hunay sa mga maayo nga tinion!
    • Pero wala sang nagatubo sang maayo sa ibabaw sang mga mataas nga bukid…
      • Lamgod ang taluktok sang mga taas nga bukid – maayo ang tubo sang mga tanom sa mga nalupyakan
      • Daw tanan gid nga bukid ginasundan sang nalupyakan
      • Sa aton mga kabudlayan, magsalig gid kita kay Jesus – dira kita nagatubo sa kay Jesus…
    • Mangin kasanag kita sa kalibutan kun nakatutok kita kay Jesus…
      • Indi lang sa mga tinion nga ara kita sa taluktok sang bukid – mga tion sang kaayuhan
      • Kundi sa mga tinion nga ara kita sa nalupyakan – tion sang kabudlayan
  • 3^rd – Sa pagpamati sa Ginoo…
    • Sang nagahambal pa si Pedro – may tingog sa panganod nga nagsiling… “Ini Siya ang Akon hinigugma nga Anak…”
    • Pamatii siya! (Imperative)
      • Nagahambal si Pedro – nga wala man kabalo sang iya ginapanghambal – imbes nga magpamati
      • Masami nga naga sige lang kita hambal sa Dios imbes nga magpamati
      • Wala gid kita sang nahibaloan nga wala pa mahibaloan sang Dios
      • Madamo sang nahibaloan ang Dios nga kinahanglan pa naton mahibal-an…
      • Pamati sa Iya – mangin kasanag kita sa kalibutan kon maghatag kita sang tinion nga magpamati
  • 4^th – Indi sa pagtulok sa aton mga ginakahadlukan – kundi pagtulok kay Jesus…
    • Sang nabatian nila ang tingob – naglinuhod sila sa tuman nga kahadlok – Mateo 17:6
    • Gintandog sila ni Jesus – kag nagsiling bangon (Imperative) indi magkahadlok (Imperative)
      • Kun nalumos kita sa kahadlok – ukon sa mga sirkumstansya sang kabuhi
      • Ang pinakamaayo nga sabat amo ang magluhod kag mangamuyo!
      • Kun nakaluhod kita sa aton mga tuhod – amo ina ang tion nga ginatandog kita ni Jesus
      • Mabatian naton ang Ginoo kun nakaluhod kita – mag palig-on, wala kita sang dapat nga kahadlukan
    • Sang nagtulok na liwat ang tatlo, si Jesus lang ang ila nakit-an!
      • Kun magtulok na kita – indi ta na makit-an ang mga butang nga ginkahadlukan ta
      • Si Jesus lang ang aton makit-an – kun makita ta si Jesus – nagapabanaag kita sang kasanag sa kalibutan
  • Sang nagapanaog na sila sa bukid, ginmandoan sila ni Jesus – indi magpanugid bisan kay sin-o…
    • Indi magpanugid nahanungod sa nakit-an nila – asta nga makabanhaw na halin sa kamatayon ang Anak sang Tawo…
    • Subong nakabanhaw na si Jesus– isugid na naton sa tanan nga katawhan!
  • Ngaa kinahanglan nga magkari anay si Elias… vs. 11-13
  • Nagapamangkot ang mga disipulo sa kay Jesus samtang nagapanaog sila sa bukid…
    • Nakit-an nila bag-o lang ang sigurado gid nga pamatuod nga si Jesus ang Mesias – sa Iya nga Himaya!
    • Nakit-an man nila ang propeta nga si Elias…
  • Amo nga gusto nila mahibaloan kun ngaa ang mga Escriba (lideres sang relehiyon) nagasiling nga una nagkari si Elias…
    • Ang sabat ara sa ulihi gid nga bersikulo sang Daan nga Testamento – Malachi 4:5
    • Dapat gid man nga mauna si Elias – para ipreparar ang mga tagipusuon sang katawhan…
  • Nagatulok padulong sa krus…
    • Nagsabat si Jesus nga kinahanglan nga mauna mag-abot si Elias – pero naka-abot na si Elias…
    • Si Juan Bautista amo si Elias – pero nalisahan siya sang mga tawo – wala sila kabalo kon sin-o siya…
    • Sa baylo ginpatay siya nila para pahiposon siya kag ang iya nga mensahi – amo man ang himoon nila kay Jesus
    • Nahibaloan ni Jesus nga malip-ot na lang ang tion niya – kag lapit na ang krus…
  • Idul-ong sila kay Jesus… vs. 14-21
  • Ang anak nga may kuyap… vs. 14-18
  • Nagapanaog halin sa Mt. Hermon, nakit-an ni Jesus ang mga lideres sang relehiyon nga nagapakigbais sa mga disipulo…
    • Laban gid siguro nga nagapanghusisa sila – kag nagapangyaguta pa – kay wala gid sila makabulig …
    • Ang anak nga laki nga may ‘apa nga espirito’ – ginhawiran siya , nagkombulsyon, naglaway-laway, nagsinggit, kag nalipong…’
    • Gindala siya sang iya amay sa mga disipulo – pero wala gid sila nakabulig sa bata…
  • Henerasyon nga wala sing Pagtuo… vs. 19-27
  • Nagsabat si Jesus – “O Henerasyon nga wala sang Pagtuo, ano kadugay ko gid kamo kinahanglan updan…”
    • Indi man tungod nga wala gid sila sang Pagtuo – ang ila Pagtuo wala maplastar sa husto…
    • Ang aton problema indi tungod kulang kita sa pagtuo – ang problema kay sala ang ginbutangan ta sang aton pagtuo
      • Nakakita na ako sang pagtuo nga labaw sa ordinaryo sa mga ‘arbularyo” – pero wala sila sang gahom nga maka-ayo…
      • May nakita ako nga sobra ka pagsalig sa kwarta – pero madasig man madula ang kwarta…
      • Tanan kita may Pagtuo – madamo gid – ang aton problema kay wala naton ginabutang ang aton pagtuo kay Jesus
    • Masami gid ang aton Pagtuo ara sa aton abilidad – ukon abilidad sang iban
      • Kag kon mapaslawan kita ukon sila– ginabasol naton ang Dios kay wala niya kita niya gin-atipanan
      • Pero wala man kita nagtulok sa Dios – nagtulok kita sa aton kaugalingon ukon sa iban
  • “Ipalapit di siya sa akon!” (Imperative) – ang simple nga sabat sa tanan nga problema…
    • Ginpalapit ang anak kay Jesus – gilayon gid siya nga natumba sa duta kag nagligid-ligid
    • Nagsiling ang iya amay nga permi ini nagatabo halin sang gamay pa ang bata…
    • Nagsabat si Jesus – kun makapati ka – posible ang tanan nga butang…
      • Ang amay nagtuo sa iya kaugalingon nga mabuligan niya ang iya anak – napaslawan siya
      • Ang amay nagtuo nga makapa-ayo ang mga disipulo – napaslawan sila
      • Ang nabilin na lang gid nga sabat amo ang magpati siya nga si Jesus makapa-ayo sang iya anak
    • Ang amay nagsabat nga nagaluha – Ginoo nagapati ako – buligi ako sa akon kakulangan sa pagtuo…
      • Ang bunayag kag masinaw nga sabat – nagpati siya – kag nagduda…
      • Kun mamangkot ako – may mabudlay bala para sa Dios – masabat kita nga wala
      • Galing kun mag-atubang na kita sang pagtilaw – kabudlayan sa pangabuhi – ulihi ta gid nga ginakadtoan ang Dios…
      • Nagapati kita – galing nagaduda man kita – paano naton madaug ang aton pagduda…
      • Indi kun paano – kundi kon sin-o ang aton ginapalapitan – Roma 10:17
      • Ang pagsalig naton kay Jesus nagatubo samtang nagapadayon kita nga magtuon kag maghatag tion sa iya nga Pulong – tion upod kay Jesus!
    • Ginsabdong ni Jesus ang ‘bungol kag apa nga espirito’ – kag nag guwa ini sa bata…
      • Sa tion nga may pagtuo kita sa sakto nga sabat – si Jesus – may ara paglaum
      • Kun dal-on lang naton ang aton nga problema sa nagaisahanon lang gid nga sabat, dira kita maayo!
  • Ngaa indi naton masarangan… vs. 28-29
  • Pag-abot nila sa balay,namangkot ang mga disipulo kay Jesus nga silahanon lang…
    • Napilasan na ang ila bugal – kag indi nila gusto nga mahibaloan sang iban
    • Namangkot sila, “Ngaa indi (dunamis – may gahom) namon maobra…”
    • Ang sabat ara sa ila nga pamangkot – Ngaa indi “ Kami” …
    • Wala sila nagasalig kay Jesus – nagasalig sila sa ila kaugalingon
    • Ang mas malain pa gid – ginatudlo-an nila ang iban nga magtulok sa indi husto nga sabat…
    • Kun ang tawo mapalapit sa aton nga nagapangita sang sabat kag bulig – mahapos lang nga kita ang mangin sabat…
      • Kun may nagakinahanglan pagkaon, kwarta, ukon maalam nga paglaygay… ginatilawan naton nga kita mangin si Jesus
      • Kag ang tawo mas gusto magpalapit sa nga ila pwede matandog kag makit-an…
      • Amo nga mas madali sila magsalig sa tawo kaysa magsalig sa Dios
      • Ang problema, limitado lang kita – kag indi permi makabulig sa mga nagapalapit sa aton
      • Basi makabulig kita sa kaisa – pero kun magbalik-balik na sila……
      • May limitasyon lang ang aton abilidad kag manggad – Dios lang ang wala limitasyon!
    • Kun ginatudlo ta ang iban sa kay Jesus, ginahatag naton sa ila ang husto nga sabat
      • Wala siya limitasyon– ara sa iya ang tanan nga abilidad – tanan nga manggad – tanan nga gahom!
      • Siya lang gid ang sabat nga kinahanglan naton ihatag sa mga nagakinahanglan!
      • Aton oportunidad – responsibilidad – amo ang mangin billboard nga nagasiling, ‘Amo ini ang alagyan pakadto kay Jesus’!
  • Pagpangamuyo kag pag-puasa…
    • Ugaling ang ini nga klase indi matabog luas lang sa pagpangamuyo kag pag-puasa…
    • Ang punto ni Jesus nga may mga problema nga mas mabudlay gid kaysa iban…
    • Ang mga pinakabudlay gid nagakinahanglan sang pagpangamuyo kag pag-puasa…
    • Pangamuyo – paghatag sang tion nga makipagsugilanon kay Jesus / Pag-puasa– para makatutok kay Jesus
    • Kun ginaatubang ta ang pinakabudlay nga problema – ang sabat pareho man gihapon
    • Ang punto nga ang mga madako kag mabudlay gid nga problema nagakinahanglan gid sang madamo nga mga tion nga magpalapit kay Jesus para mag-ayo ina nga problema!
    • Ang aton mga problema pwede nga mag baylo – pero ang sabat wala nagabaylo!