Video teaching coming soon
There is no online teaching for this study yet, but the written notes and any available study resources are still below.
These are the original teaching notes from this passage.
I Corinto 5:1-13
Review…
- I Corinto 1:1-9 – Ang panamyaw sa problemado nga simbahan…
- I Corinto 1:10-4:21 – Ang una nga problema – Pagbinahinbahin sa simbahan – pagsunod sa tawo…
- Ang solusyon sa pagbahinbahin – magtutok kay Jesu Cristo – ang isa ka butang nga yara sa aton tanan!
- Ang gintunaan sang pagbahinbahin – pagsunod sa tawo – Ako sa kay Pablo / Apollos / Pedro / Jesus…
- Ang mga tumuluo sa Corinto wala gid nagtubo sa Ginoo – mga lapsag pa gihapon sa kay Cristo…
- Makita sa ila nga pagbahinbahin – ang ila nga pagtutok sa mga denominasyon…
- Nagapanggawi nga daw mga di-tumuluo – nalimtan nila ang paghiusa nga dapat may ara kita sa kay Jesus!
- Si Pablo kag si Apollos naghatag sang Diosnon nga ehemplo para sundon sang simbahan…
- Mangin mga alagad ni Cristo – tulugyanan sang mga tanhaga sang Dios (Bibliya)…
- Indi ka mangin bugalon – wala gid kita sang butang nga indi ginhatag sang Dios sa aton…
- Apang wala gingusto ni Pablo nga magkari para tadlungon ang simbahan – gusto niya magkari tungod sang higugma!
Ang ikaduwa nga problema – Kakulangan sang disiplina sa simbahan…
- Kasalanan sa simbahan… (5 ka butang) vs. 1-8
- 1st – Sekswal nga imoralidad… vs. 1
- Kumon nga nahibal-an – nga may isa ka tawo sa simbahan nga padayon nga nagapangabuhi sa imoralidad nga sekswal…
- Sekswal nga imoralidad – pornia – bisan ano nga relasyon sekswal nga ara sa guha sang pag-asawahay…
- Madasig naglapta ang kutsoktso parte sa sini nga myembro sang simbahan sa Corinto…
- Daw masiling naton nga ang tsismis parte sa mga malain nga butang nagalapta sang mas madasig kon ikumpara sa mga maayo nga butang…
- Lantaw ka bala balita – mas popular ang malain nga balita kaysa maayo nga balita!
- Makapasubo gid kon ang isa ka simbahan makilala tungod sa sala – imbes nga makilala tungod nga matarong…
- Imbes nga mangin ehemplo sa kalibutan – ang simbahan nangin isa ka kaladlawan
- Seryoso ka tama sang sala – bisan ang mga di-tumuluo mahuya…
- Panumduma nga ang Corinto pwerte ka imoral nga siudad…
- Kilala tungod sa 1000 ka mga makahilawason nga babayi nga nagakadto sa siudad kada gab-i….
- Apang bisan ini nga mga pagano nahuya magsambit sang sini nga partikular nga sala…
- Lugak ang moral sang kalibutan – apang may ara man sila sang pagtalaksan – mga sala nga indi man nila mabaton…
- Mga lalaki nga naga-abuso sang mga bata – ginatrangkahan sa pinasahi nga selda sa prisohan – ila kabuhi ara sa peligro…
- Tinutuyo sang Dios nga ang Iya simbahan amo ang mangin talaksan sang katarungan – Diosnon nga pagpangabuhi…
- Ano kasubo kon ang katarungan sang simbahan indi gani makalab-ot sa lebel sang katarungan sang mga wala-Dios nga mga di-tumuluo…
- Isa ka tawo nagapakighilawas sa asawa sang iya nga amay…
- Ang mga tinaga nagapatuhoy nga indi ini ang iya iloy – kundi ang iya nga manding (stepmother)…
- Leviticus 18:8 – Ang Kasugoan nagadumili nga isa ka tawo nga kaslon ang iya nga manding…
- Ang silot suno sa Kasugoan amo ang kamatayon- Leviticus 20:11…
- Ginapakita sang tawo nga ini, paagi sa iya nga panggawi nga wala siya sang pagtahod sa Kasuguan sang Dios…
- Hayag siya nga nagapangabuhi sa kasalanan – basi nagakadto pa sa simbahan upod ang iya asawa/nanay…
- 2nd – Wala sang pag hinulsol nga sala… vs. 2-4
- Imbes nga atubangon ang sala – ang simbahan nangin arogante pa parte sini…
- Ginahunahuna nila nga kadayawan sa parte nila nga nag hatag sila sa tawo sang ‘bugay’…
- Gingamit nila ang Bugay sang Dios – nga lisensya sa pagkabuhi nga padayon sa paghimo sang sala!
- Kon may mag hatag sa imo sang P200 nga inugbakal sang pagkaon sa pamilya – pero ginsugal mo…
- Malipay ayhan ang persona nga nag hatag sa imo – gingamit mo ang regalo sa wala sang pulos…
- * Roman 6:1-2 – “Karon ano ang aton masiling? Magpadayon bala kita sa pagpakasala agod magdugang pa gid ang bugay sang Dios sa aton? Indi gid! Indi mahimo nga magpadayon kita sa pagpakasala kay napatay na kita sa sala?”
- Nag hatag na ang Dios sang PINAKAMAAYO nga regalo amo ang regalo sang bugay – ang tanan nga sala Iya nga ginpatawad sa ngalan ni Jesus…
- Pero ang ina nga Bugay wala nagapahanugot nga magpagusto ka lang sang kabuhi nga sa gusto mo – nga mangbuhi sa sala…
- Ang Bugay sang Dios amo ang gahom ‘nga indi magpakasala’ – hilway nga mangabuhi kay Jesus!
- Ang magpadayon sa paghimo sang sala – ang gamiton nga balibad ang ‘bugay’ – naga – abuso sang regalo sang Dios!
- Indi lang ini parte sa isa lang ka kasaypanan – kundi padayon nga paghimo sang mga sala nga hungod sa buot!
- Bisan nga si Pablo wala dira – iya na nga gin-sentensyahan ang ini nga tawo …
- Sa pagtipon sing tingob sang simbahan – sa ngalan kag sa gahom ni Jesus…
- Ila nga kakason ini nga lalaki sa pag-ululupod nila sa simbahan!
- Si Jesus may 4 ka tikang sa pag-atubang sang sala sa simbahan sa Mateo 18:15-20
- 1st ~ Lakat ka (Present/Active/Imperative) sa imo abyan nga isahanon ka lang..
- Basi wala ta ma intiendihan ang isa ka butang nga ginhimo o ginhambal…
- Kinanglanon mag istorya nga peronal agod malubad ang problema…
- Ukon may sala kag may paghinulsol – may ara nga pagpatawad – I Juan 1:9
- 2nd ~ Pangita Upod (Aorist/Active/Imperative) 1 ukon 2 nga maupod sa imo…
- Kon indi siya magpamati sa imo – nian magdala sang manog patunga
- Ang kahigayunan nga may manug-patunga – isa ka tawo nga wala sang pinilian
- Kon kulang sa pag-intiendehanay – makabulig sila sa pagpaathag sa duha ka partido
- Kon ini wala sang paghinulsol nga sala – mapamatud-an sang sobra 1 ka tawo
- 3rd ~ Hambali (Aorist/Active/Imperative) ang simbahan…
- Kon nagalikaw sa pagpamati – indi gusto mag ako sang sayop nga nahimo – ukon mangita sang pagpasaguli
- Gani ang mando nga dal-on ang persona (kag ang ginhimo nga sala) sa atubangan sang simbahan…
- Ang handum nga itudlo ang kalubhaan sang sala – indi pwede nga lampasan lang ini…
- Mahapos lang nga ‘pisokan’ lang ang sala – kag pabay-an lang nga mag padayon sa simbahan..
- Kon atubangon ang sala bilang isa ka simbahan – mapalayo sa sala kag pagkompromiso ang simbahan
- 4th ~Ikabig(Present/Imperative) ninyo sila nga daw di-tumoluo…
- Kon sige gihapon sa pagbalibad sa pagpamati – tratoha sila nga di-tumuluo
- Bisan ano pa ang ila ginasiling – ang bunga sang ila tagipusoon wala nagapakita nga naluwas sila …
- * I Juan 3:9 – “Ang tawo nga nangin anak sang Dios wala nagapadayon sa pagpakasala…”
- Indi kita makahambal nga kita luwas kag nagapadayon sa pagkabuhi nga wala sang paghinulsol…
- Ang pinaka mahigugma-on nga himoon amo ang tratohon sila nga daw indi sila luwas…
- Nian mahatag naton sa ila ang pinaka kinahanglanon nga amo ang – Maayong Balita
- 3rd – Ipalayo ninyo siya – para sa kaluwasan sang tawo … vs. 5
- Para sa paglaglag sang iya unod – Agod nga ang iya espiritu maluwas …
- Mas maayo nga atubangon ang konsekwensya subong – kag magtu-on nga indi na magpakasala
- Sang sa magkabuhi sa sala – nga wala sang may nagasaway – kag sa ulihi makadto sa Impyerno…
- Kon pahalinon ang tawo sa simbahan – mabuong man siya sa subong, pero sa ulihi magapanumbalik siya …
- * II Corinto 2:6-8 – “Pero bastante na ang silot nga inyo ginhatag sa iya. Gani patawara na ninyo siya kag palig-una dayon, kay basi kon maapektuhan na gid siya sa sobra nga kasubo. Kag nagapangabay man ako sa inyo nga ipakita ninyo sa iya nga ginapalangga pa ninyo siya.”
- Nag tu-on kita sang mga gagmay pa kita nga indi dapat tandugon ang kalayo kay kon himu-on ta ini mapaso kita…
- Ang konsekwensia sang aton ginhimo amo ang naga tudlo sa aton…
- Nagatu-on kita nga indi magpakasala paagi sa pag atubang sang konsekwensia sang aton mga sala!
- Ginaatubang naton ang sala para ang mga nagapakasala makatuon nga mangabuhi sang matarong!
- 4th – Ipalayo ninyo siya – para sa kaayuhan sang simbahan … vs. 6-8
- Ang inyo pagpabugal indi maayo… vs. 6
- Ang simbahan nag hunahuna nga indi dapat kabalak-an ang ‘isa ka sala’…
- Mabaskog ang gahom sang isa ka ehemplo – huyog sa tawo ang magsunod- maayo man ukon malain…
- Tilawi tindog sa guha kag mag tangla – tan-awa kon ano kalawig antes ang iban ma tangla man upod sa imo…
- Wala ka bala nakahibalo nga ang diutay nga inugpahabok – nagakalap sa bilog nga ginsamo…
- Isa lang ka ‘gamay’ nga lutak sa isa mo ka baso nga tubig higko na…
- Ang simbahan gahunahuna nga‘mahigugmaon’ sila nga pabay-an lang ang sala…
- Apang ang realidad sa pagtugot sang sala sa sulod sang simbahan – ginabutang mo ang tanan sa peligro…
- Kon ang sala sige lang kag pinabay-an naga tulod man sa iban nga mag himo sang sala…
- Pareho sang‘diutay’ nga lutak nga sa gilayon magkontaminar – nagahimo sang tubig nga nadagtaan…
- Ang gamay nga sala gilayon nga malapta kag mag kontaminar sa bilog nga panimalay ukon sa simbahan!
- Gani paguhaa ninyo tanan nga sala sa simbahan sa gilayon.. vs. 7-8
- Sa Binuhatan 5 -Ang Balaan nga Espiritu amo ang nagpatay kay Annias kag Sapphira – tungod sang ila nga pagbinutig!
- Isa lang ka ‘gamay’ nga cancer kag ang isa ka tawo ara sa peligro…
- Ang magamay nga sala sa simbahan – madasig mag tubo kag mangin mas DAKU nga problema…
- Kon Nagalawig ang sala nga wala ginasapak mas makatalalagam..
- Ang isa lang ka sulusyon – kuha-on ang cancer – kuhaon ang problema!
- 5th – Si Jusu-Cristo – Ang aton Paskua – nag sakripisyo para sa aton…
- Isa ka bag-o nga linamas nga tinapay – wala sang pahabok – agod nga matinlo kag wala na sala sa simbahan…
- Ginkuha ni Pablo ang ehemplo sa fiesta sang paskua Exodo 12:15-20…
- Isa ka semana antes ang sinalusalo,ang mga Judio gina kuha nila tanan nga lebadura sa ila nga mga balay…
- Nian ang pagsugod sang pagsaulog sang Paskua – indi sila dapat mag kaon sang may pahabok sa sulod sang 7 ka adlaw…
- Ang lebadura laragway sang sala sa Biblia – I Corinto 5:7 / Galacia 5:9
- Ang piesta sang Paskua isa ka larawan kon paano kuhaon sang Dios ang sala!
- Ginatawag sang mga Judio ang wala sang pahabok nga tinapay – Matzah – ini ginatuslok kag ginakuritan…
- Si Jesu-Cristo – wala sang pahabok – wala sang sala – gintuslok kag gin pilasan bangod sang aton sala…
- Nabuong si Jesus tungod sang aton kasalanan (ang krus) kag napatay agod kita may bag-o nga kabuhi …
- Lucas 22:19 – “Nagkuha siya sang tinapay kag ginpasalamatan niya sa Dios. Ginpamihak-pihak niya dayon, kag ginpanagtag sa ila nga nagasiling, “Amo ini ang akon lawas nga ginahatag para sa inyo. Himua ninyo ini sa pagdumdom sa akon."
- Gani indi kamo dapat puno sang kalautan /sa baylo puno sang pagka putli kag maminatud-on…
- Kon ga pabilin ka nga amo man gihapon (ukon mas malain pa gid) sa kalibutan nga nagapalibot – diin si Jesus sa imo kabuhi…
- Sa baylo mangin putli – heilikrineia – nga bisan mahukman kita sa kasanag sang adlaw…
- Kon naga pinsar ka nga kon diin ka na sa panglakaton mo sa Ginoo – husisaa ang imo kaugalingon…
- Magtindog sa kasanag ni Cristoi kag mangin bunayag parte sa sala sang imo kabuhi…
- * I Juan 1:7 – “ Pero kon nagakabuhi kita sa kasanag, subong nga ang Dios kasanag, may paghiusa kita, kag ang dugo ni Jesus nga Anak sang Dios nagatinlo sa aton sa tanan ta nga mga sala.”
- Indi man nga kita perfecto na – kay indi na matabo asta sa adlaw nga makadto na kita sa langit…
- Apang nagakabuhi bala kita nga hungod nga nagahimo sang sala – nagapawala sang kombiksion sang Balaan nga Espiritu sa aton kabuhi…
- Ukon napatawad na kita paagi sa bugay – wala na nagakabuhi sa sala – nagakabuhi para kay Jesus!
- Indi makig–impon sa wala nagahinulsol nga tumuluo… vs. 9-13
- Ginsulat na ini ni Pablo sa simbahan…
- Mahimo nga may ‘ epistola’ antes sini nga halin kay Pablo – ang isa nga nadula na…
- Sa ina nga una nga sulat – si Pablo nag hambal sa simbahan nga indi mag ‘upod’ sa mga sxually imoral nga mga tawo!
- Si Pablo wala nagtuhoy diri sa mga tawo nga wala makakilala kay Jesus…
- Ang mga tawo nga ara sa guha sang simbabahan – puno gid man sang sala…
- Ang mahamkunon – daluk daluk/sa mga wala sang ka kontentohan / gusto sang mas madamo pa gid…
- Ang mga kawatan – ang mga naga kuha kag nagapangawat sa iban…
- Ang nagatuo sa mga Idolo – ang naga simba kag naga sunod sa sayop nga mga dios …
- Para malikawan sila – mahalin ka gid sa kalibutan nga ini!
- Kinanglan man naton nga makipag istorya sa mga wala pa nakakilala kay Jesus…
- Kon indi ta mag guha sa kalibutan -indi naton mapakita sa kalibutan ang paglaum nga yara kay Jesus!
- Bisan nga ari kita sa kalibutan – dapat indi kita pareho sang kalibutan- Juan 17:15
- Apang ang ara sa simbahan – mga utod naton sa Ginoo…
- Indi makig impon – magpakigabyan – sa mga nagahimo sang …
- Sekswal nga imoralidad – naga pakig relasyon sekswal sa guha sang pag-asawahay…
- Mahamkunon / Idolatroso/ Kawatan / Mapasipalahon – permi lang ara sa magamo nga kahimtangan…
- Palahubog -isa ka pamatasan nga permi na lang hubog – Efeso 5:18
- Indi mag kaon upod sa amo sini nga persona!
- Likawan naton ang mga nagahambal nga sila Cristohanon -apang ang kabuhi pareho lang sa mga kalibutanon…
- Bangod nga nakahibalo kita nga indi kita dapat magsunod sa halimbawa sang kalibutan – nadula na sila…
- Apang basi masulayan kita sa pagsunod sa indi maayo nga halimbawa sang aton ‘utod’ sa Ginoo..
- * II Tesalonica 3:6 – “Mga utod, sa ngalan ni Ginoong Jesu-Cristo, nagasugo kami sa inyo nga likawan ninyo ang aton mga utod nga matamad kag wala nagasunod sa mga tradisyon nga nabaton ninyo sa amon.”
- Pagahukman sang Dios ang kalibutan – apang kita ang maghukom sa aton simbahan…
- Indi nga makahukom kita kon ngaa ang isa nagahimo sang indi maayo nga butang – kag kon ano ang ila motibo…
- Ang nakahibalo sang motibo sang aton tagipusoon ang Dios lang gid – Siya lang ang may kinamatarong sa paghukom – Salmo 44:21
- Bisan nga wala kita gin tawag sa pag hukom sang motibo sang tawo –apang makahukom kita sang ila bunga…
- Mateo 12:33 – "Kon maayo ang kahoy maayo man ang iya bunga; kon malain ang kahoy malain man ang iya bunga. Ang kahoy makilala sa iya bunga.”
- Mahapos ang mga Tinaga – pero indi matago ang bunga – kay halin sa Tagipusoon…
- Pwede ko mahambal nga ako Cristohanon – apang ano klase nga ‘bunga’ ang makita sa akon kabuhi…
- Ang tawo ipalapit ka sa kay Jesus – ukon ipalayo ka kay Jesus…
- I Corinto 15:33 – “…Kon mag-upod-upod kamo sa mga tawo nga nagahimo sang malain, ina magapalain sa inyo maayo nga batasan..”
- Palibuti ang imo kaugalingon sang mga Diosnon nga mga tawo – nga makapabakod sang panglakaton mo sa Ginoo …
- Sa mga ‘ tumuluo’ nga wala naga pamunga sang prutas sang Espiritu – indi ka magpakig-upod sa ila!
- 1st – Sekswal nga imoralidad… vs. 1