Video teaching coming soon
There is no online teaching for this study yet, but the written notes and any available study resources are still below.
These are the original teaching notes from this passage.
I Corinthians 10:1-13
Review…
- I Corinto 7-8 Ang una nga pamangkot – Pag-asawahay / ang ikaduwa nga pamangkot – mga dios-dios…
- I Corinto 9:1-18 – ang pagdepensa ni Pablo…
- May mga nagaduda sa awtoridad ni Pablo kag nagatuyo nga magmulay sa iya…
- Naghatag si Pablo sang tatlo ka ehemplo halin sa iya nga kabuhi para sa iya nga pagdepensa – pagkaon / pag-asawa / pag-sakdag…
- I Corinto 9:19-27 – Ang ehemplo ni Pablo sa simbahan…
- 1st – Ang alagad sang tanan – Hilway si Pablo (bilang isa ka Romano kag sa iya nga espiritwalidad)…
- Apang ginpili niya nga mangin alagad sang tanan – kay nagalaum siya nga madala niya ang kadam-an sang katawhan kay Jesus…
- Ara sa kabubut-on niya nga mangalagad sa tanan nga paagi, sa tanan nga mga tawo – para nga may maluwas!
- 2nd – Mapisan nga trabahador – maukod…
- Nag-dalagan siya sa palumba-anay para iya madaog ang padya / nagkompetensia siya sa Olympics para daugon ang korona…
- Nag-away siya sang maayo nga away / Nakig-away siya sa iya kaugalingon nga unod para indi siya madiskalipika…
- Ini tanan para mabaton niya ang paglaum sang Maayong Balita – nga iya ginapa-ambit sa iban!
- Ang ehemplo sang Israel…
- Israel bilang ehemplo naton… vs. 11
- Nagsaysay si Pablo sang kasaysayan sang Exodus sang Israel…
- Iya ini gina-usar nga ehemplo para sa aton – para ikumpara sa panglakaton sang tumuluo kay Jesus…
- Kaangay sang pagluwas sang Israel halin sa pagka-ulipon sa Egypto – kag pagdala sa ila padulong sa Dutang Saad
- Ginluwas man kita sang Dios halin sa kalibutan nga ini – kag Iya ginahandom nga dal-on kita sa Langit!
- Gin-tunga ni Pablo ang ehemplo sang Israel sa duwa ka bahin…
- 1st – Tanan nga nahimo sang Dios para sa aton (2 ka ehemplo)…
- 2nd – Pagpa-andam sa mga tumuluo parte sa mga konsekwensya sang sala (3 ka ehemplo)…
- Dugay na nga natabo ang mga ini – pero may mga gamhanan nga leksyon nga pwede itudlo sa aton subong…
- Tanan nga nahimo sang Dios para sa aton…
- 1st – Kahilwayan palayo sa Pagka-ulipon – pagbawtismo sa panganod / dagat… vs. 1-2
- Pagkaguha halin sa Egypto – Ang Israel gintuytoyan sang panganod – Exodus 13
- Gintuytoyan sang Ginoo ang Israel paagi sa panganod kon adlaw / paagi sa kalayo kon gab-i – halin sa pagka-ulipon – padulong sa kahilwayan!
- Wala gintuytoyan sang Dios ang Israel paagi sa malip-ot nga alagyan pakadto sa baybayon (Duta sang mga Pilistinhon)…
- 11-lang ka adlaw nga lalakton halin sa Egypto pakadto sa Dutang Saad…
- Pero indi interesado ang Dios nga paagihon sila sa pinakadasig nga alagyan…
- Tungod nga kon mag-abot ang kabudlayan (gyera) basi magdalagan sila pabalik sa Egypto…
- Sa baylo paagyon sila sang Dios sa malawig nga alagyan – para nga makatuon sila nga magdepende sa Ginoo
- May plano ang Dios para sa kada isa sang aton nga kabuhi – pero wala Siya nagadali
- Antes tumanon sang Dios ang Iya nga plano sa aton nga kabuhi – kinahanglan Niya nga ipreparar kita
- Kon sugiran ka sang Dios kon diin ka Niya dal-on – basi nga magtalikod ka kag magpalagyo!
- Ayhan basi gintawag ka sang Dios para mangin isa ka pastor – okon misyonaryo – okon bana/asawa…
- Ginapaagi kita sang Dios sa malawig nga alagyan – para nga malawig ang tion nga makaupod kita sa Iya – kag magtuon nga magsalig sa Iya
- Nabawtisohan ang Israel sa Pula nga Dagat – Exodus 14
- Nakaluwas ang Israel sa pagka-esklabo sa Egypto – paagi sa dugo sang Kordero sang Paskwa…
- Kag ang una nga pundo sa ila nga paglakbay padulong sa Dutang Saad – amo ang Pulang Dagat…
- Naluwas kita halin sa pagka-ulipon sa sala (Egypto) – paagi sa pagsakripisyo ni Jesus (Kordero)…
- Ang aton una nga pundo sa aton bag-o nga kabuhi kay Jesus – amo ang magpa-bawtiso (Pulang Dagat)…
- Indi na ulipon sang kalibutan ang Israel – nasyon sang Dios na sila!
- Nabawtisohan sila sa Red Sea – para ipakita ang bag-o nga kabuhi nga ginhatag sa ila sang Dios…
- Nagbutang man ini sang dako nga karagatan sa tunga nila kag sang ila daan nga kabuhi sa Egypto – wala na balikanay…
- Ang pagbawtiso sa tubig nagapakita sang pag-bag-o nga nagakatabo sa aton kon nagatuo na kita…
- 1st – Nalubong kita upod kay Jesus – nalublob sa tubig – laragway sang kamatayon…
- 2nd – Ginbayaw kita upod kay Jesus – ginpaguha sa tubig – laragway sang bag-o nga kabuhi!
- 3rd – Napahilayo sa aton daan nga kabuhi – wala na kita ginapanag-iyahan sang kalibutan – ara na kita kay Jesus!
- Ang aton daan nga tawo – ang makasasala naton nga kina-ugali – nalansang na sa krus kag naupod lubong kay Jesus…
- Dayon ‘nabanhaw ’ kita– indi na ang makasasala nga tawo nga kun ano kita sang una…
- Ginhatagan kita sang ‘bag-o nga kabuhi’ – naluwas halin sa sala para magkabuhi para sa Dios! – II Corinto 5:17
- ‘Nabun-ag liwat’ kita – indi para mangabuhi sa sala / kundi Diosnon nga pangabuhi – Juan 3:3
- 2nd – Nagahimuno sang tanan naton nga kinahanglanon – manna halin sa Langit / Tubig halin sa Bato… vs. 3-4
- Manna halin sa Langit – Exodus 16
- Sang nakatabok na sila sa Red Sea – nagpanglakbayon ang Israel sa kamingawan sang sala…
- Indi bastante ang pagkaon – kag nadumdoman nila ang ‘bugana’ sang Egypto…
- Naghunahuna sila nga napatay na lang tani sila sa Egypto – nga may madamo nga mga kalan nga puno sang karne kag madamo nga makaon nga tinapay…
- Mas gusto nila nga mangin ulipon nga may ginakaon – imbes nga hilway kag nagasalig sa Ginoo nga maghimuno…
- Ang mga ka-anakan sang Israel nagakabalaka lang sa pagkaon – wala gid sang kabalaka nahanungod sa Dios!
- * Deuteronomio 8:3 – “Ginapaubos niya kamo paagi sa pagpagutom sa inyo kag dayon ginhatagan niya kamo sang manna—isa ka klase sang pagkaon nga wala pa gid ninyo matilawi halin sang una bisan sang inyo mga katigulangan. Ginhimo ini sang Ginoo sa pagtudlo sa inyo nga indi lang sa pagkaon mabuhi ang tawo, kundi sa tagsa ka pulong sang Ginoo.”
- Kon naga pangibabaw na ang kinanglanon nga pisikal sa kabuhi – nagaduhaduha na kita sa Dios…
- Ginapaagi kita sang Dios sang kabudlayan / wala sang pagkaon /wala kuwarta /balatian…
- Gani naga panawag kita sa Ginoo – kag makita naton ang Iya pagatipig sa tanan naton nga mga kinahanglanon – Lucas 12:32
- Dayon matun-an naton nga ang kabuhi indi lang parti sa pagkaon/kuwarta – ang kabuhi nahanungod sa pagkilala kay Jesus!
- Ang Ginoo nakabati sang reklamo sang Israel – ginhatagan Niya sila sang ‘manna’…
- Sang nakita ini sang katawhan nag pamangkot sila – ‘ano ini?’ – ang tinaga sa Hebrew amo ang ‘manna'
- Pagkatapos sang mirakulo sa pagpakaon sang 5000 – ang katawhan nag palapit kay Jesus…
- * Juan 6:35 – “Nagsiling si Jesus, “Ako amo ang tinapay nga nagahatag sang kabuhi. Ang nagapalapit sa akon kag nagatuo indi na gid paggutumon ukon pag-uhaw.’”
- Si Jesus nagpakita sa ila – ‘Ako ang tinapay [manna] sang kabuhi’!
- Kon malipat kita magka-on – indi magkaon – nakabatayag kita sang kagutom – naga luya kita…
- Sa amo man nga paagi- kon nalang-atan ang ‘adlaw-adlaw nga pagkaon’ – ang matu-od nga manna nga halin sa langit – nga si Jesus
- Kon wala kita naga hatag tion sa kay Jeus, sa Iya nga pulong – ang aton Espiritu ginagutom…
- Kon indi mo gusto nga mag luya sa Espirituwal – kinahanglan naton ang Tinapay sang Kabuhi!
- Tubig halin sa Bato – Exodo 17
- Ang Dios nag dul-ong sang Israel halin sa – kamingawan sang sala pakadto sa Repidim – apang wala sang tubig…
- Gani ang mga anak sang Israel nag kumod liwat- batok sa Ginoo…
- Kalabanan sa aton may ideya sini nga – kon ang Dios ang nagatuytoy sa aton – ang kabuhi mangin simple / perfecto…
- Apang sa masami kon ginatuytuyan kita sang Dios – indi kita sigurado kon diin kita makadto…
- Kag kon ginagiyahan kita sang Ginoo indi garantiya nga mangin mahapos ang tanan nga butang…
- Si Moses gin mandu-an sang Dios nga lampusan ang Bato sa Horeb…
- Paagi sa paglampos sang Bato – ang nagaluwas nga tubig nag ilig kag amo ang nag luwas sa ila halin sa kamatayon…
- Indi lang bisan ano nga Bato ini – nagasunod ini sa Israel – Numero 20:2-8
- Ang Bato sa kamingawan nga naghatag sa ila sang tubig – amo si Jesus!
- Si Jesus ang aton Bato – nga ginbugbog (ang krus) agod nga may kabuhi kita!
- Si Jesus amo ang nagahatag – sang Buhi nga tubig…
- Nag tambong si Jesus sa piesta sa Succoth – ang pagpahanumdum sang Israel sa ila paglibot-libot sa kamingawan…
- Ang Tradisyon nga ang pari makuha sang 7 ka bulawan nga banga sang tubig halin sa tuburan sang Gihon…
- Ila nga gin ula sa ‘ Mga halintang ni David’ – nagadumdum sang tubig nga halin sa bato…
- * Juan 7:37-38 – “Karon, nag-abot ang katapusan nga adlaw sang piesta. Sa sadto nga adlaw nagtindog si Jesus kag naghambal sing mabaskog, “Ang bisan sin-o nga ginauhaw magpalapit sa akon kag mag-inom. Kay nagasiling ang Kasulatan nga ang bisan sin-o nga magtuo sa akon, magailig halin sa iya tagipusuon ang tubig nga nagahatag sang kabuhin.”
- Ang tubig nga ginainom sang Israel makakontento sang malipot lang nga tion – mauhaw naman sila liwat…
- Natalupangdan mo bala nga ang mga butang sang sini nga kalibutan indi ka makontento sang malawig…
- Kon makakuha ka sang bag-o nga (fill in the blank) – ma kontento ka – sa isa ka adlaw ukon semana…
- Kon magpangita kita sa sini nga kalibutan nga makontento kita – mauhaw lang kita liwat…
- Apang ang tubig nga nagahalin sa Bato – si Jesus – amo ang ‘Buhi nga Tubig’ – Ang Balaan nga Espiritu!
- Kon mag inom kita sang madalum halin sa’ Buhi nga tubig’ ni Jesus – makontento kita…
- Wala kita gintuga sang Dios nga magbakal sang bag-o nga salakyan / ukon mag suksok sang ara sa uso…
- Gintuga kita sang Dios nga makilala naton Siya – kag mag simba sa Iya – Juan 17:3
- Ang Konsekwensia sang sala…
- 1st – Kulang sang pagtu-o – wala sing katuyuan nga pag liho-liho… vs. 5-6
- Wala nahamu-ot ang Dios sa kalabanan sang mga Israelinhon – Numero 13-14
- Gin paguha sang Dios ang Israel halin sa pagkaulipon (Egypto) – pakadto sa Dutang Saad…
- Apang sang pag abot sang Israel – nagpadala sila sang 12 ka espiya – sa 40 ka adlaw…
- Ang 10 ka espiya nag balik nga may malain nga balita – may ara nga mga higante sa Duta…
- Si Josue kag si Caleb lang ang nagbalik nga may maayo nga balita – ‘Ang Dios mahatag sang Kadalag-an!’
- Apang ang katawhan nag pangindi nga mag sulod – kulang ang pagtuo nila sa Dios – nga Iya sila hatagan sang kadalag-an
- Gani ang Dios nanumpa nga wala sang makasulod sa Dutang Saad nga naga-edad lapaw sa 20 ka tuig…
- Matiyog-tiyog sila sa kamingawan sing 40 ka tuig asta sila mapatay…
- Sa 603,550 nga mga tawo nga nag-guha sa Egypto – 2 lang ang nakasulod sa Dutang Saad…
- Si Josue kag si Caleb lang – bangod sila lang nga duha ang may pagtu-o…
- Ang pagkamatinumanon – ang pagsalig sa Ginoo amo ang yabi sa pagsulod sa ‘Dutang Saad’…
- Kon gusto naton sang mabinungahon – epektibo nga kabuhi – kinahanglan naton nga magpamati sa Pulong sang Dios…
- Kon indi kita – pareho sang Israel – makita naton nga mabilin kita nga ‘magpanglugayawan’ sa kamingawan…
- Madula naton ang tanan nga ihatag sang Dios sa aton – matalangtalang kita sa aton nga kabuhi…
- Roma 1:17 / Galacia 3:11 / Hebreo 10:28 – “ Ginpakamatarong sang Dios tungod sa iya pagtuo magakabuhi!”
- 2nd – Nagakabuhi para sa kalipayan – kabuhi para sa subong lang … vs. 7-8
- Ang pag rebelde paagi sa Bulawan nga Baka – Exodo 32
- Samtang si Moses ara pa sa Bukid sang Sinai – nga nagabaton sang Kasuguan sang Dios…
- Naghimo sang bulawan nga baka ang mga Israelinhon/nag halad – nag pungko sa pagkaon /nag bugtaw sa paghampang …
- Sa tiilan sang bukid sang Ginoo – nga may kalayo pa sa ibabaw…
- Inadlaw pa lang nga nagkighambal ang Dios sa ila – bag-o lang nila nabaton ang 10 ka kasuguan…
- Ang katawhan nag talikod sa Ginoo – bangod gusto lang nila nga mahamut-an ang ila kaugalingon…
- Indi naton maalagaran ang aton kaugalingon kag mag alagad man sa Ginoo – kinanglan naton nga mag pili…
- Lucas 9:23 – “Kon may tawo nga gusto magsunod sa akon, indi niya dapat pagpasulabihon ang iya kaugalingon. Kag dapat handa siya sa pag-atubang sa kamatayon sa iya nga pagsunod sa akon adlaw-adlaw.”
- Nagahambal kita nga nagatuo kita kay Jesus – apang nahangpan mo bala kon ano ang buot silingon…
- Ayhan naintiendihan ta – kag mauyonan – nga si Jesus ang aton Mesias/manluluwas…
- Apang nagakalipat kita nga ang kamatu-oran nga adlaw-adlaw dapat pas-anon naton ang aton krus…
- Madamo sa aton nagapangita sang alagyan sang kaluwasan – apang nagakabuhi sang kabuhi suno sa aton gusto..
- Ang pagtuo kay Jesus nagakahulugan nga nagasunod kita sa Iya – mapatay sa aton kaugalingon – Adlaw-adlaw nga nagapili nga magkabuhi para sa Iya!
- Naga kabuhi para sa lipaylipay lang – 23,000 napatay… Numero 25
- Antes pa nga nalalab-ot sila sa Dutang Saad sa ikaduwa nga tion – matapos ang 40 ka tuig…
- Ang Hari sang Moab nag suhol sang propeta nga si Balaam para sa pag sumpa sa mga Israelinhon…
- Apang indi mahimo niBalaam – sila ang mga katawhan sang Dios – kag ginatipigan sila sang Dios …
- Sa baylo ginhambalan niya ang Hari nga mag padala na lang sang mga babayi nga magsulay sa mga kalalakihan sang Israel…
- Kon makuha lang nila nga ang mga tawo mag simba sa ‘isa ka lain nga dios’ – Ang Dios magatalikod batok sa Israel!
- Madamo sini nga mga kalalakihan sang Israel naghimo sang pagpakihilawas sa mga babayi sang Moab…
- May isa pa gani ka babayi nga ginsulod sa tulda lapit sa tulda ni Moses kag sang Tabernakulo…
- Si Phinehas (apo ni Aaron) naglagas kag – iya nga ginbangkaw ang lalaki kag babayi sa duta…
- Nauntat ang kaakig sang Dios – apang ang kalalat-an nag utas na sang kabuhi sang 23,000 ka Israelinhon!
- Kon nagakabuhi kita para sa umalagi nga kalipay -patay na kita -malisahan naton ang matuod nga tinituyo sang kabuhi…
- I Timoteo 5:6 – “Pero ang balo nga babayi nga nagapagusto sa kalibutanon nga pagpangalipay patay na sa panulok sang Dios bisan buhi pa siya.”
- Gintuga kita sang Dios para sa di-mapatihan nga katuyuan – gintuga kita para makilala Siya…
- Kon naga pili kita sang pagka-on lang/ tulog /kalipay – malisahan naton ang ang matu-od nga katuyoan sang aton kabuhi!
- 3rd – Nagakulumuron kag nagareklamo… vs. 9-10
- Nagareklamo sang 40 ka tuig – ginguba sang mga man-og – Numero 21
- Nag reklamo ang Israel parte sa manna – indi sila kontento – gusto nila mas madamo pa…
- Gani ang Dios nagpadala sang madamo nga man-og sa mga tawo – kag damo ang napatay…
- Gani nag hinulsol sila kag nagpangayo sa Dios sang Bulig – Ang Dios nagpahimo kay Moises sang saway nga man-og…
- Ang saway nga man-og naga representar sang pag hukom sang sala (saway – paghukom / man-og – sala)
- Kon ang katawhan nakagtan – kag magtulok sa man-og – mabuhi sila…
- Simple nga pag-pili – tan-awa kag magkabuhi…
- Kon gin kagat ka sang man-og – matulok ka bala pababaw – ukon pilion mo nga mapatay…
- * Juan 3:14 – “Pareho sang ginhimo ni Moises sa iya pagbayaw sang man-og sa kamingawan, sa amo man nga paagi, ako nga Anak sang Tawo kinahanglan nga pagabayawon man…”
- Makari si Jesus sa pag hukom sang sala (ginbayaw Siya sa krus) – kon magtulok kita sa Iya -mabuhi kita!
- Diin kita – naka sentro bala kita sa pagreklamo sang kinawala sa aton nga kabuhi…
- Tani mas nami akon balay – nami nga mga panapton – tani mas nami akon salakyan …
- Ukon naga tulok kita kay Jesus – nagakalipay sa tanan nga ginhimo niya sa aton!
- Naluwas kita – kabataan sang Hari sang mga Hari – manunubli upod ni Jesus sang Iya Ginharian!
- Ang pagkumod-kumod – ginlaglag sang Manoglaglag – Numero 16
- Korah – isa sa mga anak ni Kohat (isa ka Levite) – nanghangkat kay Moises…
- Abi niya nga mas maayo siya nga lider sang sa kay Moises – gani nag tanyag sang pagtilaw si Moises…
- Kora – kag ang tanan nga nag sunod sa iya – dapat magpalapit kag mag tindog sa atubang sang Tabernakulo…
- Kon ang Dios wala nagpili kay Moses bilang isa ka pangulo sang Israel – wala sang may matabo…
- Kon sila ni Moses ang ginpili – ang duta maabri kag lamunon si Korah (kag ang iya mga kaupod) nga buhi…
- Antes matapos si Moises sa pag hambal – ang duta nag abri kag ginlamon sila!
- Pagkadason nga adlaw – ginakusar sang Israel si Moises sa pagpatay kay Korah kag ang kaupdanan sini!
- Ang Dios naghambal kay Moises nga mag palayo – kay patyon sila sa gilayon!
- Aaron (120 ka tuig)nagdalagan sa tunga sang buhi kag patay – naga himo sing halad…
- 14,700 ang nagkalamatay antes nga ang kalalat-an nag untat!
- Kahapos mag reklamo kon si sino ang lider – ibasol ang kabulayan sang pagpangabuhi nila
- Apang ang Dios ang nagabutang sang sini nga mga lider sa ila nga katungdanan – Roma 13:1
- Kon naga reklamo kita batok sa aton mga lider – naga reklamo kita batok sa Dios…
- Ang realidad – kita ang balasulon – ang aton pag pili -sang aton mga kabudlayan…
- Gani dapat mag andam… vs. 12-13
- Kon naga pinsar ka nga nagatindog ka – basi ma dagdag ka…
- Ang Dios nag tawag sa aton sa pag guha sa pagpaulipon sa aton sala – naga giya Siya sa aton paagi sa Iya Espiritu…
- Gin bawtisuhan kita kay Jesus – agod nga may bag-o kita nga kabuhi – nga nagakabuhi para sa Dios…
- Maghalong nga indi masiod sa pagpangita sang kalipayan sa sini nga kalibutan…
- Maghalong nga indi madula ang panulok mo kay Jesus – kag mag sugod reklamo parte sa kabuhi…
- Mag halong tungod ini tanan makalalaton – bisan sino puwede mahulog pareho sang Israel…
- Apang upod sa sini nga mga pagsulay – nga kinaandan na – ang Dios matutum sa pag hatag sang alagyan para makaguha…
- Santiago 1:14 – “Ang tawo ginasulay kon ginaguyod kag ginaganyat siya sang iya malain nga handom.”
- Ang Dios permi nagahatag sang alagyan nga makaguha kita – indi kita masulay sang sobra pa sa aton masarangan…
- Buot silingon -indi kita makahambal nga wala kita sang mapilian – nag pakasala kita…
- Ayhan ang paguha amo ang malagyo ka(sa pagsulay/kailigbon) – magpangamuyo (nga may kusog)…
- Nga mangin makusog kita sa Ginoo – magtubo sa iya Pulong…
- Apang sa masami ang pagguha amo ang – indi naton pag ibutang ang aton kaugalingon sa lugar nga kita masulay…
- Kon ginasulay ka nga mag inom – indi ka mag upod sa mga nagainom…
- Ang punto nga makapili kita – gani pilia nga magkabuhi para sa Dios!